aMatiyu 5:3 - Izere New Testament

³ “Áner riye̱ rikan ne á nye aner aya a ta ren kuraar ba kaye̱e̱r kabik, kamok rigwo̱m kaza nye rifuba.

aMatiyu 5:3 Iomraidhean Croise

aMatiyu 11:25

Nizen iyong aYeso fe̱ ye, “Mi be riye̱ rikan Ada, Agwo̱m Ágwo̱m atek kaza be kaben, kamok wan ta ne̱r áya a ta be ritseng ne áya a ta ren ike̱ng, ike̱re̱ na ne i tonong áya a ta be kumees rice.

aMatiyu 11:6

Aner riye̱ rikan ne a nye aner aya a tin be agak riye̱ natoon mi baꞌ.”

aMatiyu 13:16

“Amma aner riye̱ rikan nye yin kamok anyisi yin ta di ne ato yin foos.

aMatiyu 19:14

aYeso fe̱ ye, “Won yin inoon nazhizhe̱k'e tu be̱s nunaan; sang yin tú ku roon yin ba'me baꞌ, kamok rigwo̱m kaza nye rife̱ iri ba.”

aMatiyu 24:46

Aner riye̱ rikan ne a nye asam aya atekasa wu tana be̱ a tù ku se̱ a sen nye itomong wu gye̱r.

aMatiyu 25:34

“Ne Agwo̱m'me fe̱ be áya a ta se nabas kubo̱k riya wu ye, ‘Be̱ yin, yin aya Ada mi ta ma ka te yin kuce̱. Be̱ tà sok yin rigwo̱m riya Adakunom ta ma ka nye yin'e kum nizen a tá nye kazatse.

aMatiyu 3:2

Ne a fe̱ ye, “Shishing yin kuse yin, kamok rigwo̱m kaza m be̱ bubarak.”

aMatiyu 8:11

Mi fe̱ be yin ye, ánerawe dide̱ng ta nes nabas kunom tu ku wuruk ne nabas kunom tu ku kpas nong a ta be̱ ya naya riye̱ rikan be Ibrahim ne Ishaku ne aYakub kaye̱e̱r rigwo̱m kaza.

aMarkus 10:14

aYeso tá fa di anong, yong a nye riye̱ riwe, a fe̱ be álimazhiri'me ye, “Won yin inoon nazhizhe̱k'e tu be̱s nunaan, sang tu ku roon yin ba kube̱ baꞌ, kamok rigwo̱m Adakunom nye rife̱ áner kuri áyuna.

aLuka 11:28

Amma aYeso fe̱ be wu ye, “Wayo, aner a ta be riye̱ rikan nye aner a tá fok rife̱ Adakunom ne a ninye itomong.”

aLuka 18:14

“Ne aYeso fe̱ be ba ye, mi tà ka tak yin afe ku shashang itso̱m iben'ong tú bun kari an te zhe̱l nasho̱o̱n Adakunom, Sang aner aFarisi ame baꞌ. Koangan ne a tiyiik rice wu a ta te be wu fe̱re̱, aner aya a tá mees rice wu a tu ku tiyiik.”

aLuka 22:29

Mi tà ka no̱o̱k yin rigwo̱m kyo̱ndi Ada mi tin no̱o̱k.

aLuka 22:30

Nong ase̱ ta ya ne i so̱ yin mak be mi kaye̱e̱r rigwo̱m'i, tá sosok yin ni ítsik rigwo̱m ne i to̱ yin nazu Isarela kuso̱k be afa amok.

aLuka 4:18

“Kabik Adakunom se mak be mi, kamok anong a mi n kasa nong tá taas áfe rizor Rife̱ Ritek. A min tom nong ta taas áfe a ta se nitso̱m ye á ra sor washak ne i karak akpato̱o̱n anyisi, ne i sak áfe a tá ka mo̱o̱r ba ta sor ne̱k.

aYohana 20:29

Ne aYeso fe̱ be wu ye, “Kamok wan tin di ne wan ti no̱o̱k katsak. Aner riye̱ rikan ne a nye aner aya a tin di baꞌ, amma ne a ni no̱o̱k katsak.”

aYakub 1:10

Amma aner aya a ta nye arum, a ra nye riye̱ rikan kaye̱e̱r itsik ihiir'e wu tin se.

aYakub 1:12

Aner awe̱ng nye aner aya a tana tsesek kaye̱e̱r kubo̱mo̱ng, kamok ke a na ka tsesek kaye̱e̱r kubo̱mo̱ng'e, a ta se ribong kutser riya Adakunom ta tsang a nisak natoon áfe a tu ku shim.

aYakub 2:5

Aroneng'i aya mi ta shim, wesek yin kuto, i se ye Adakunom kasa áfe rizor nasho̱o̱n kazatse na nong a ta te arum kaye̱e̱r kuno̱o̱k katsak ne aya a ta ya kutse rigwo̱m Wu ta nye kanye̱k'e natoon aya a tu ku shim aꞌa?

Ike̱ng a ta tonong aYohana 19:9

Ayong amaleka'me fe̱ be mi ye, “Zibir ike̱re̱ na, ‘Áner riye̱ rikan nye áner aya a tú ku tak ba riye̱ rikan kuwe̱ne̱ng Aturuk na.’ ” Ne a bun a fe̱ ye, “Rife̱ na nye rife̱ Adakunom rife̱ katsak.”

Ike̱ng a ta tonong aYohana 22:14

“Aner riye̱ rikan ne a nye áner aya a tan kusu akpiin ba nong ase̱ á ta se̱ iren kuya kutse kakon kutser, ne á kuus kanukutu nong á ta no̱ kaye̱e̱r kuwo̱p'e.

Ike̱ng a ta tonong aYohana 3:17

Wan fe̱ ye, ‘Mi nye arum mi be kurum dide̱ng, mi ba tse̱r ike̱ng ikak baꞌ.’ Wan ra ren baꞌ, wan n te riye̱ riye̱, wan be rizor, wan n te ike̱ng kuro̱ riye̱, wan nye akpato̱o̱n'e ne i se ica'me gip.