aMatiyu 5:1 - Izere New Testament

¹ aYeso tá fa di rigwo̱m ánerawe whe̱re̱ tá nyim, iyong a ngarak natoon kawhanang kakak nong a tá sonong. Álimazhiri wu tseng nufu,

aMatiyu 5:1 Iomraidhean Croise

aMatiyu 13:2

Rigwo̱m ánerawe whe̱re̱ tú ku gorok ma aYeso'me se no̱ kaye̱e̱r kukpara ashi nong a ta sonong kaye̱e̱r'e. Ánerawe'me nyeseng nukim agbang kudung'e.

aMatiyu 15:29

aYeso dorok a tá gor nukim kudung aGalili. A tá ngarak natoon kawhanang a tá se sonong azong.

aMatiyu 4:25

Rigwo̱m ánerawe whe̱re̱ nes na aGalili ne kaben ka ta be iwo̱p kuso̱k be afa ne áfe aUshalima be áfe iben aYahuda ne áfe a ta tar Isho̱ng aUrdun cice̱r be̱s nufu.

aMatiyu 5:2

ayong a san ku kabo̱so̱p ba'me ye:

aMarkus 3:13

Ayong aYeso ngarak natoon kawhanang nong a tá yis áya wu tá shim, ne á be̱ nufu.

aMarkus 3:20

Ne aYeso no̱ nasa kakak be álimazhiri wu, ánerawe whe̱re̱ se na ka tusung azong gbak, ma wu be álimazhiri wu'me kyem á se̱ izen kuya naya baꞌ.

aMarkus 4:1

aYeso bun a san ku bo̱so̱p ánerawe nukim agbang kudung aGalili. Ánerawe aya a tú ku gorok mak whe̱re̱ ma ayeso'me no̱ kaye̱e̱r kukpara ashi nong a ta sonong kaye̱e̱r'e. Kukpara ashi'me se nukim kudung'e, ne ánerawe'me cice̱r na tusung bubarak azong.

aLuka 6:12

Katuk kakak, kaye̱e̱r inom iyong aYeso ngarak natoon kawhanang nong a tá nye aduwa. A ko̱so̱ i nye aduwa'me.

aLuka 6:17

aYeso tiik be ámanzo ame naro̱ ka ta se ne̱k. Rigwo̱m ánerawe tuse azong áya a tá nye alimazhiri wu, ne ánerawe aya a nes niben aYahuda be aUshalima ne áfe iben aTaya be aSidon.

aLuka 6:20

Ayong aYeso kirik a tá ye̱re̱k álimazhiri wu ne a fe̱ ye, “Áner riye̱ rikan ne á nye yin áfe rizor kamok rigwo̱m Adakunom nye rife̱ yin.

aLuka 9:28

Nama inom ikara aYeso tá fe̱ rife̱'ong, yong a sok aBitrus be aYohana ne aYakub mak be wu, á tá tseng natoon kawhanang nong á tá se nye aduwa azong.

aYohana 6:15

aYeso tá ren ye ba se be kanye̱k nong a tù ku sak a tà te agwo̱m be agap, ayong a bun a tú bun natoon kawhanang wu ze̱r.