aMatiyu 4:11 - Izere New Testament

¹¹ Iyong Ishetan tú ku won. Ámaleka be̱ nong a tin sak riye̱ na aYeso ame.

aMatiyu 4:11 Iomraidhean Croise

aMatiyu 26:53

Yin di yin ye mi ta kyem i fe̱ be Ada mi nong a tin se̱ mo aꞌa? Ne a wor a tom ámaleka wu na ágwo̱m kuso̱k be afa.

aMatiyu 4:6

Ne a fe̱ be aYeso'me ye, “Ke wan ne i nye Igon Adakunom, to̱, furuk ma kaben. Kamok ise ni izibir ye: “ ‘A tà fe̱ be ámaleka wu be agbang kuto̱ nong á tà ka te̱ne̱ng, ne á ka tor be ibo̱k, fan wan bu rus kutak nuta.’ ”

aMarkus 1:13

a sor azong kuko̱s iso̱k inaas ne Ishetan yiir kubo̱so̱p. aYeso se be ámaan ikewum azong ne ámaleka ni sak riye̱ ni wu.

aLuka 22:43

Ayong amaleka ne naza nong a tú ku tsesek.

aLuka 22:53

Mi se be yin ye̱r ye̱r kaye̱e̱r agbang kutu kuya Adakunom iben, yin ti sak yin kubo̱k natoon'i baꞌ, amma izen ife yin na, izen amaan aner tin nye rigwo̱m nawhi.”

aLuka 4:13

Nizen iyong Ishetan tá fa gang kubo̱mo̱ng aYeso'me cei, ne a dorok a tú ku won ma a bun a se̱ izen.

aYohana 14:30

Mi tà ba fe̱ rife̱ be yin dide̱ng baꞌ, kamok aner aya a tin nye rigwo̱m nazatse na saase, amma a tin be kubo̱k ni baꞌ.

1 aTimoti 3:16

Akak ta kyem a fe̱ kuri kuyiik ku ta se nune̱re̱ng kaye̱e̱r iren ikuus yir na baꞌ. A tonong rice wu kaye̱e̱r kuro̱m, Kabik ti tonong yir ye a nye afe katsak. Ámaleka tú ku di, á fe̱ itak wu nasho̱o̱n ánerawe ze̱r ze̱r, á ti no̱o̱k katsak ni wu kaye̱e̱r kazatse cice̱r, a tu ku sok a ta tseng'e kaye̱e̱r kaza be kuyiik.

Ibrani 1:14

Ámaleka cice̱r nye nabik naya na ta nye áner á ta se̱ kashesh itomong.

Ibrani 1:6

Nizen iya Adakunom tá tom igon wu kafe ime̱se̱ng'e kaye̱e̱r kazatse, a bun a fe̱ ye, “Won ámaleka cice̱r tu ku ya iben.”