aMatiyu 3:9 - Izere New Testament

⁹ Sang yin tu wo̱k yin ace yin be kuto̱ro̱ng ye, ‘Ibrahim nye ada yir’ baꞌ. Won ta ka tak yin, Adakunom ta kyem a sok ata na nong a tin nye Ibrahim inoon.

aMatiyu 3:9 Iomraidhean Croise

aMarkus 7:21

Kamok Kaye̱e̱r riye̱ anerawe ne amaan kuto̱ro̱ng nes; kyo̱ndi kunye kye̱re̱ ne itsang be kufe̱s anerawe be rikuna,

aLuka 12:17

Ayong a fe̱ riye̱ wu ye, ‘Akye̱ ne mi tà nye e̱? Sang mi ta be karo̱ tanin korok naya mi baꞌ e̱?’

aLuka 16:24

Ayong a tá kuto̱ a tá yis ye, ‘Ada Ibrahim, ro̱ riye̱ mi. Tom aLazarus nong a tin te kabanbo̱k wu kaye̱e̱r ashi nong a tà be̱ a tin shu mo kuto̱, kamok mi se na amaan risam kaye̱e̱r kuro̱ng.’

aLuka 19:40

Ayong aYeso fe̱ be ba ye, “Won tà ka tak yin, ke ba tigbik ata na tà kpaan tang kuto̱ ne á ni kerek.”

aLuka 3:8

Nye yin kunye kuya ku tana tonong ye yin n shishing yin kuse yin, sang tu wo̱k yin rice yin ye Ibrahim ne a nye ada yin baꞌ. Mi ta tak yin, Adakunom ta kyem a sok ata na, a tin nye Ibrahim inoon.

aLuka 5:22

aYeso tá ren ike̱ng iya ba ta to̱ kaye̱e̱r aye̱ ba yong a fe̱ be ba ye, “Kamok akye̱ yin to̱ yin anong kaye̱e̱r aye̱ yin e̱?

aLuka 7:39

Aner aFarisi afe a tá fe̱ ye a ra be̱ kari wu ame tá fa di anong, ne a to̱ riye̱ wu ye, “Ke a fa fe̱ ye aner na nye aner kuzarap Adakunom ke a ren aner a tú ku ras, ne a ren kuri kuse abining'e, ke a ren ye a nye aner rine̱n.”

aYohana 8:33

Ne ba fe̱ be wu ye, “Yir nye yir kuri Ibrahim, yir i kun te yir ásam akak baꞌ. Akye̱ sak wan tá fe̱ ye yir tà sor yir ne̱k e̱?”

aYohana 8:37

Mi ren yin nye yin kuri Ibrahim, gip be anong, yin shim tin fe̱r yin, kamok rife̱ mi n no̱ kaye̱e̱r aye̱ yin baꞌ.

aYohana 8:53

Wan di ye wan nar ada yir Ibrahim a? Wu gip a ku, ne áner kuzarap Adakunom gip á kus. Wan di ye wan nye angan e̱?”

Itomong Ámanzo 13:26

“Ároneng, inoon atukop yir Ibrahim be yin áner i ta nye yin áner Isarela baꞌ, áya i ta fok yin inyim Adakunom, kutom itak kashesh kuya Adakunom ta tom na'me nye kufe yir cice̱r.

Itomong Ámanzo 15:14

aSiman min taas yir kuri iren iya Adakunom tá tonong kushim wu ni ime̱se̱ng'e a tá kasa áfu kaye̱e̱r aner aya sang á tá nye aner aYahuda baꞌ.

aRom 4:1

Iyong ta fe̱ yir ane̱ natoon Ibrahim afe a tá nye atukop yir e̱? I kuse ane̱ be wu natoon kuno̱o̱k katsak e̱?