Biblia Todo Logo
Bìoball air-loidhne

- Sanasan -




aMatiyu 3:7 - Izere New Testament

7 Nizen wu tá di áner aFarisi be áner aSadusi whe̱re̱ tá be̱s naro̱ wu tá se be kunye abatisma'me, a fe̱ be ba ye, “Yin naban áfomong, angan tá tak yin ye, i ru ku teng yin amok Adakunom a tà saase e̱?

Faic an caibideil Dèan lethbhreac




aMatiyu 3:7
49 Iomraidhean Croise  

Nizen áner aFarisi tá fa fok anong, iyong á fe̱ ye, “Be kabik aBazabul agwo̱m ítseng ne aner na ti turung amaan nabik'e.”


Yin naban afomong yin i ta nye yin amaan'e, yin ta san yin ane̱ ta fe̱ yin ike̱ng itek e̱? Ike̱ng i ta se kaye̱e̱r riye̱ aner ne i wuruk nanu wu.


Iyong álimazhiri wu be̱ nufu á ta fe̱ ye, “Wan ren ye aner aFarisi aye̱ beseng be ike̱ng iya wan tá fe̱'ong aꞌa?”


Áner aFarisi ne áfe aSadusi be̱ nufe aYeso nong a tú ku bo̱mo̱ng ye, a ra nye ike̱ng ikak ife azhing iya i tana tonong ye wu ne naza.


Ayong aYeso fe̱ be ba ye, “Nye yin tatan be ayisti áner aFarisi ne áfe aSadusi.”


A sen sor ne áner aFarisi se nye ibo̱ro̱ng nong á ta di ka aYeso tá taam kaye̱e̱r rife̱ wu.


Katuk kayong, áner aSadusi be̱ nufe aYeso. Ba ne á fe̱ ye, sang kudorok ikom kuse baꞌ. Á rip aYeso ye,


Nizen iya áner aFarisi tá di áner aSadusi ame ba be ike̱ng kufe̱ baꞌ, iyong a naka tusung karo̱ kazining.


“Yin íwhen, naban afomong, yin ta nye yin ane̱ ta whe̱r yin amok kasa kuro̱ng e̱?


Won ta ka tak yin, sang ke kunye yin kutek nar kufe áner kubo̱so̱p Itsi be áner aFarisi baꞌ, To̱, yin tà no̱ yin kaye̱e̱r rigwo̱m kaza baꞌ ko cie̱k.


Kamok anong, á bun á tom ba áner aFarisi ákak ne áner aHiridus nufe aYeso nong á su ku yiir natoon ike̱ng iya wu tá fe̱.


Áner aYahuda ákak áya a tá se kaye̱e̱r kugung rice aSadusi be̱ nufe aYeso nong á tá fe̱ be wu ye sang kudorok ikom kuse baꞌ. Ayong á be̱ nufu be kurip ye,


aYeso tu ko̱ro̱k ba kuto ye, “Nye yin tatan be ayisti áner aFarisi ne aHiridus.”


Áner aFarisi á ta shim itso̱m dide̱ng tá fa fok anong, ne á ni ko̱k acoop na aYeso.


Aner aFarisi ame dorok nong a tá nye aduwa ye, ‘Adakunom, mi shim tá ka tonong riye̱ rikan'i, kamok sang mi se kyo̱ndi ribir ánerawe, á ta nye ákpatang, ka áfe amaan kunye baꞌ. Mi nye rikuna ne i se kyo̱ndi afe kushashang itso̱m iben na baꞌ.


Áner aFarisi be áfe a tá ren Itsi dide̱ng raba kanye̱k Adakunom natoon ba, kamok sang aYohana tsang a ku nye ba abatisma baꞌ.


Áyong aner aYahuda aya a tá se kaye̱e̱r kugung rice aFarisi áya a tú ku tom ba,


Yin nye yin áfe ada yin, Ishetan. Kamok anong, yin shim tà nye yin ike̱ng iya wu tá shim. Wu nye aner kufe̱s ánerawe kum ni ime̱se̱ng'e. A shim katsak baꞌ, kamok a be katsak'e baꞌ. Izen iya ne a bo̱ naborok, a fe̱ ike̱ng ife i ta nye igo̱o̱n wu, kamok wu nye aner abo̱o̱s, ne a nye ada áfe abo̱o̱s.


Áner aFarisi akak aya a tá se be wu tú fok a tá fe̱ anong, yong á tu ku rip ye, “Akye̱ e̱? Yir nye yir ákpato̱o̱n'e gip e̱?”


Áfikuus akak aya a tá nye áner aFarisi dorok á tá fe̱ ye, “Ma a nye áner aya sang a ta nye áner aYahuda baꞌ izhak ne a ku sak ba nong á tá kuus Itsi aMusa dim nizham.”


Kamok anong, sak yin riye̱. Yiring yin, mi n te aye̱ ataar ne i ka nyesek yin itabak katuk be kunom be nanyisi rice.


Ba ti ren kum gbugbang, ke a shim á ta ka tak, ye mi nye akak kaye̱e̱r áner aFarisi, kugung rice kuya ku ta ro̱ ne ku nar niren kuya Adakunom iben yir cice̱r.


Iyong agbang atsi be áfudang aya a tá nye áner aSadusi kpaan rishishim itomong ámanzo ta nye dide̱ng.


Adakunom sen tonong riye̱ kubeseng wu ri ta ne naza natoon áya a ta zhe̱e̱sh Adakunom ne amaan kunye ánerawe áya a ta she̱re̱k katsak kaye̱e̱r amaan kunye ba.


Kum naso̱k aYeso ta sak yir ta te yir gye̱r nasho̱o̱n Adakunom, shita kyo̱o̱rna baꞌ a tin shesh kamok aKiristi fan riye̱ kubeseng Adakunom bu ni se̱ yir.


ne i tor yin izen kube̱ Igon wu a tana ne naza. Adakunom tú ku dorok be kutser, wu ne a nye aYeso aya a tanin shesh yir kaye̱e̱r riye̱ kubeseng ri tà saase.


Natoon kuno̱o̱k katsak ne aNuhu ti kpa inyim izhe̱l'e nizen iya a tú ku ko̱ro̱k kuto natoon ike̱re̱ wu tan di baꞌ. A no̱k kukpara ashi a tin shesh áfekari wu. Kuno̱o̱k katsak aNuhu sak a tak kazatse rine̱n ba, aNuhu tà sor aya kutse kamok a se gye̱r nasho̱o̱n Adakunom, kuya a ta se̱ natoon kuno̱o̱k katsak.


Adakunom nye anong kaye̱e̱r ike̱ng ifa a tana shishing'e baꞌ, iya Adakunom tanin bo̱ abo̱o̱s baꞌ. Yir áfe i ta te yir gbashak i ta shan yir ike̱ng iya i tá min te yir riye̱ ta tsesek yir. In yiir yir ike̱ng iya i tá min te yir riye̱ be agap ma aye̱ yir n kpa nafa.


Ana ne yir tà ren yir áya a ta nye inoon Adakunom be inoon Ishetan. Koangan afe a ta nye ike̱ng i ta se gye̱r baꞌ, ka aya a ta shim aronyining wu afikuus baꞌ, a nye igon Adakunom baꞌ.


Lean sinn:

Sanasan


Sanasan