aMatiyu 3:2 - Izere New Testament

² Ne a fe̱ ye, “Shishing yin kuse yin, kamok rigwo̱m kaza m be̱ bubarak.”

aMatiyu 3:2 Iomraidhean Croise

aMatiyu 10:7

Ke yin tseng yin, ku nye yin ba awazi ye, ‘Rigwo̱m kaza m be̱ bubarak!’

aMatiyu 11:20

Ayong aYeso kpaan kuzhe̱e̱r áfe iwo̱p iya wu tu ku nye itomong azhing whe̱re̱, kamok á tá gaar ku shishing kuse ba.

aMatiyu 12:41

Katuk amok, áner aNineve tà fe̱ be ánerawe izam iyu ye, yin nye yin amaan ike̱re̱. Yin shishing yin kuse yin baꞌ, amma yir shishing yir kuse yir be rife̱ aZhona. Di yin akak a ta nar aZhona na aze.

aMatiyu 13:11

aYeso fe̱ be ba ye, “Yin a ta no̱o̱k yin kukyem kuren ike̱re̱ rigwo̱m kaza, ike̱re̱ i ta se nune̱re̱ng. Amma ba a tu shim ba'me baꞌ.

aMatiyu 13:24

aYeso bun a tu tak ba kumaas kukak gbak ye, “Rigwo̱m kaza se kyo̱ndi aner a tá nas alikama riko̱ wu.

aMatiyu 13:31

aYeso bun a tú ku nye ba kumaas kukak ye, “Rigwo̱m kaza se kyo̱ndi ica amusta anerawe tá sok a ta tuus riko̱ wu.

aMatiyu 13:33

A bun a tu nye ba kumaas kukak gbak ye, “Rigwo̱m kaza se kyo̱ndi ayisti aya abining akak tá sok a tin gung be amudu ataar afe ikpe alikama ma alikama'me dorok a ta te cip.”

aMatiyu 13:47

A bun a fe̱ be ba gbak ye, “Rigwo̱m kaza se kyo̱ndi agunung a tá te kaye̱e̱r kudung nong a tin yising ízos iriri'me.

aMatiyu 13:52

Ayong aYeso fe̱ be ba ye, “Kamok anong, koangan aner kubo̱so̱p Itsi aya a ta mu ku tak itak rigwo̱m kaza se kyo̱ndi atekasa a tana turung ike̱re̱ izen be ifas wu tan tusung nong a tin nye itomong.”

aMatiyu 18:23

“Kamok anong a kyem a maas rigwo̱m kaza be agwo̱m akak a tá shim ásam wu tu ku karang ike̱ng ife wu tú ku kuus ba.

aMatiyu 20:1

“Rigwo̱m kaza se kyo̱ndi atekasa akak a tá wuruk nadiding bop, nong a tá se sok ánerawe nong á tá su ku nye itomong riko̱.

aMatiyu 22:2

“A ta kyem a maas rigwo̱m kaza be agwo̱m akak a tá nye igon wu kanye̱k riye̱ rikan kuwe̱ne̱ng.

aMatiyu 23:13

“Awo̱ be yin áner kubo̱so̱p ánerawe Itsi ne áner aFarisi, yin ákardak áner. Yin te̱ne̱ng yin ánerawe iren kuno̱ kaye̱e̱r rigwo̱m kaza amma yin, yin no̱ yin baꞌ, yin won yin áfe a ta shim kuno̱ á ta no̱ baꞌ.

aMatiyu 25:1

“Nizen iyong rigwo̱m kaza ta se kyo̱ndi nanamang kuso̱k na tá sok apitila ba nong á ta tseng á ta sen shan aner akak a tá sok abining afas.

aMatiyu 25:14

“Rigwo̱m kaza ta se kyo̱ndi aner akak a ta be nutseng, yong a yis áfe itomong wu nong a tú ku no̱o̱k ba itso̱m.

aMatiyu 4:17

Kum be izen iyong aYeso san awazi, ye; “Shishing yin kuse yin kamok rigwo̱m kaza m be̱ bubarak.”

aMatiyu 4:23

aYeso gorok kaben aGalili cice̱r ne a bo̱so̱p ánerawe'me kaye̱e̱r atu aduwa ba, ne a ku taas ba Rife̱ Ritek natoon rigwo̱m kaza. Ne a sak áfe iro̱k iriri me tá te atser.

aMatiyu 5:10

Áner riye̱ rikan ne á nye aner aya a tu ku tabak ba kamok ba nye ike̱re̱ iya i ta se gye̱r nasho̱o̱n Adakunom, rigwo̱m kaza nye rifu ba.

aMatiyu 5:3

“Áner riye̱ rikan ne á nye aner aya a ta ren kuraar ba kaye̱e̱r kabik, kamok rigwo̱m kaza nye rifuba.

aMatiyu 6:10

rigwo̱m wan tu be̱, a tu nye ike̱ng iya wan ta shim kaye̱e̱r kazatse, kyo̱ndi a ta nye kaye̱e̱r kaza.

aMatiyu 6:33

Kamok anong, tse̱r yin rigwo̱m Adakunom ne i nye ike̱ng iya wu ta shim, a tà ka no̱o̱k yin ike̱re̱'me cice̱r.

aMarkus 1:15

ye, “Izen'e n nye, rigwo̱m Adakunom m be̱ bubarak. Shishing yin kuse yin ne i ni no̱o̱k yin katsak Rife̱ Ritek'e!”

aMarkus 1:4

aYohana be̱ be kunye abatisma kaye̱e̱r katse, ne a fe̱ rife̱ natoon abatisma kushishing kuse nong a ta ku re̱ng ba rine̱n.

aMarkus 6:12

Anong ne á dorok nong á tá se taas anerawe ye á ru shishing kuse ba.

aLuka 1:16

A tà sak ánerawe Isarela whe̱r tú ku bun nufe Adakunom ba.

aLuka 11:20

Ke i nye ye mi turung ítseng'e be kukyem Adakunom, i nye ye rigwo̱m Adakunom m be̱ nufe yin.

aLuka 13:3

Won ta ka tak yin, i se anong baꞌ. Ke yin shishing yin kuse yin baꞌ, yin gip tà kus yin cei kyo̱ndi ba.

aLuka 13:5

Mi ta ka tak yin i se nong baꞌ. Ke yin shishing yin kuse yin baꞌ, yin gip tà kus yin cice̱r yin.”

aLuka 15:10

Anong ne i ta se gip, mi ta tak yin, ámaleka Adakunom tà nye riye̱ rikan ke afe rine̱n azining shishing kuse wu nong a ta shan Adakunom.”

aLuka 15:7

Mi ta ka tak yin, anong ne i se kaye̱e̱r kaza, a tà nye riye̱ rikan kamok afe rine̱n azining a tá shishing kuse wu, ne a nar áner iso̱k katonbo̱k be katonbo̱k á ta nye azhe̱l'e áya a tan tsang á shishing kuse ba.”

aLuka 16:30

“Ayong arum ame bun a fe̱ ye, ‘Wayo, ada Ibrahim, ke akak kaye̱e̱r áfe a ta n kus tseng nufuba, á tá shishing kuse ba.’

aLuka 21:31

Anong gip ke yin di yin ike̱re̱ na, ne i ren yin ye rigwo̱m Adakunom m be̱ bubarak.

aLuka 24:47

A ta taas ánerawe ninaro̱ ze̱r ze̱r itak natoon kushishing kuse be kure̱ng rine̱n kaye̱e̱r riyerek wu, A ta san'e na aUshalima.

aLuka 6:20

Ayong aYeso kirik a tá ye̱re̱k álimazhiri wu ne a fe̱ ye, “Áner riye̱ rikan ne á nye yin áfe rizor kamok rigwo̱m Adakunom nye rife̱ yin.

aLuka 9:2

A tú ku tom ba nong a ta se taas itak rigwo̱m Adakunom, ne á sak áfe iro̱k ta te atser.

Itomong Ámanzo 11:18

Ba tá fa fok anong ne á tigbik, á kyem á fe̱ ike̱ng ikak baꞌ. Á kerek Adakunom ne á fe̱ ye, “Aser, Adakunom n no̱o̱k áner aya sang a ta nye aner aYahuda baꞌ, iren gip nong a ta shishing kuse ba a ta se̱ kutser.”

Itomong Ámanzo 17:30

Gbugbang, Adakunom ti daam be ike̱ng iya ánerawe tá nye kaye̱e̱r kudun kuren baꞌ. Kyo̱o̱rna, Adakunom fe̱ be ánerawe koake̱ ye a ra shishing kuse ba.

Itomong Ámanzo 2:38

Ayong aBitrus fe̱ be ba ye, “Shishing kuse yin nong a ta ka nye yin abatisma kaye̱e̱r riyerek aYeso. A ta ka re̱ng yin rine̱n yin, nong ta se̱ yin Kabik Kazhe̱l'e kaya Adakunom ta nyesek.

Itomong Ámanzo 20:21

Mi n taas áner aYahuda be áner aHeleni ye á ra shishing kuse ba á tu ku bun nufe Adakunom dim ne á ni no̱o̱k katsak na Agwo̱m Ágwo̱m yir aYeso.

Itomong Ámanzo 26:20

Ni ime̱se̱ng'e, mi san kutaas áner aDamaskus rife̱ Adakunom ne áya a ta se na aUshalima ne áfe iben aYahuda cice̱r. Mi bun i taas áya sang á ta nye áner aYahuda baꞌ, ye á ra shishing kuse ba nong á tu ku bun nufe Adakunom ne á nye ike̱re̱ iya i tana tonong ye ba n shishing kuse ba.

Itomong Ámanzo 3:19

Kamok anong, shishing yin kuse yin tu ku bun yin nufe Adakunom nong ase̱ a ta ka re̱ng yin rine̱n yin. Yin ta se̱ yin agap afe Kabik nufe Agwo̱m Ágwo̱m,

2 aKoranti 7:10

Riye̱ riwe kuri riya Adakunom ne a ta be̱e̱n'e, sak anerawe shishing kuse wu, ri sak anerawe ta se̱ kashesh a ta fe̱ ye wu fa ren baꞌ, amma riye̱ riwe kuri rife̱ kazatse be̱ be riku.

aKolosi 1:13

Kamok wu ne a ti tun yir kaye̱e̱r rigwo̱m awhi, a tá tseng be yir kaye̱e̱r rigwo̱m Igon wu kaya wu ta shim.

2 aTimoti 2:25

A ra bo̱so̱p áya a ta gaar kubo̱so̱p wu'me whiwhe̱ kamok kashim Adakunom ta ka no̱o̱k ba iren kushishing kuse ba nong á ta ren katsak,

Ibrani 6:1

Kamok anong, tu bun i beseng yir izen yir natoon ike̱re̱ izhizhe̱k'e natoon aYeso baꞌ, nong ta ya yir kasho̱o̱n, ta te yir ánerawe. Sang tu bun i kubun yir kama ta nye yir kubo̱so̱p itak kushishing kuse natoon ike̱re̱ i tana be̱e̱n riku be itak ku nino̱o̱k katsak na Adakunom baꞌ,

2 aBitrus 3:9

Ákak di kyo̱ndi Adakunom mak a sok izen nizham a tá ra nye ike̱ng iya wu tá tsang a fe̱ ye wu tá nye. I se anong baꞌ. A be kutsesek ne kamok yin, a shim akak tu wei baꞌ amma koangan ra shishing kuse wu.

Ike̱ng a ta tonong aYohana 2:21

Mi tú no̱o̱k izen nong a tá shishing kuse wu a tá won ku kuus átek, a rawu.

Ike̱ng a ta tonong aYohana 2:5

Yiring be karo̱ afe wan tú ku se nizham wan tá ra kpa. Shishing kuse wan ne i nye ike̱re̱ iya wan tà nye ime̱se̱ng'e. Ke wan shishing kuse wan baꞌ, to̱, mi saase tà be̱ sok ike̱ng iya a tin te kuro̱ng wan naro̱ a tu ku saas.