Biblia Todo Logo
Bìoball air-loidhne

- Sanasan -




aMatiyu 3:11 - Izere New Testament

11 “Mi ta nye yin abatisma be ashi nong i ta tonong ye yin n shishing yin kuse yin. Amma aner a tana be̱ nama mi ti nar be kukyem, aya mi tana kyem i ra akpatak wu gum baꞌ. A tà ka nye yin abatisma be Kabik Kazhe̱l'e ne kuro̱ng.

Faic an caibideil Dèan lethbhreac




aMatiyu 3:11
29 Iomraidhean Croise  

Á be̱s ne á taas rine̱n ba ne a ku nye ba abatisma ni Isho̱ng aUrdun ame.


aYohana be̱ be kunye abatisma kaye̱e̱r katse, ne a fe̱ rife̱ natoon abatisma kushishing kuse nong a ta ku re̱ng ba rine̱n.


A tà tseng nasho̱o̱n Agwo̱m Ágwo̱m kaye̱e̱r kabik be kukyem kuri kufe Iliya nong a tà sak aye̱ átek inoon tà ku bun ni inoon ba, ne a sak áya a ta shonong, ta kuus kutseng aner a ta se gye̱r nasho̱o̱n Adakunom. A tà sak ánerawe tà nye kanye̱k kamok Agwo̱m Ágwo̱m.”


aYohana fe̱ be ba ye, “Mi ta nye yin abatisma be ashi, akak afe a ta be kukyem ne a ni nar, tà be̱, afe mi tana kyem i bis idun akpatak wu baꞌ. A tà ka nye yin abatisma be Kabik Kazhe̱l'e ne kuro̱ng.


A tsang a tseng niben aUrdun cei ne a fe̱ rife̱ natoon abatisma kushishing kuse nong a tà ku re̱ng ba rine̱n.


aYohana fe̱ itak natoon wu. A tá kuto̱ nong a tá fe̱ ye, “Ayu ne a nye aya mi tá fe̱ itak natoon wu nizen iya mi tá fe̱ ye, ‘Aya a tana be̱ nama mi, a ti nar, kamok wu tuse nizham a tá rin tes.’ ”


Ayu ne a nye aya afe mi tin fe̱ natoon wu ye, ‘Aner aya a tana be̱ nama mi a ti nar kamok wu se nasho̱o̱n'i.’


aYohana nye abatisma be ashi amma kaye̱e̱r inom cie̱k, a tà ka nye yin'e be Kabik Kazhe̱l'e.”


aBulus fe̱ ye, “aBatisma aYohana tá nye, a nye afe kushishing kuse. aYohana taas ánerawe ye á rin no̱o̱k katsak natoon aner a tana be̱ nama wu, aner'e nye aYeso.”


Kaye̱e̱r kutseng, á be̱ ba naro̱ kakak ashi tú ku se ne aritek ame fe̱ be aFilibus'e ye, “Di ashi na, akye̱ ta roon ku ninye abatisma ame aze e̱?


Ayong aritek ame sak itsaap nyeseng, ne aFilibus tiik mak be wu a ta se no̱ kaye̱e̱r ashi'me ne aFilibus nye aner ame abatisma.


Di, Kabik Kazhe̱l'e a ti nye yir abatisma kaye̱e̱r kuro̱m kuzining cice̱r yir, aner aYahuda ka aya sang a ta nye aner aYahuda baꞌ, ka asam ka aner a ta nye asam baꞌ, a min no̱o̱k yir Kabik kazining cice̱r yir nong ta so̱ yir.


Mi ne i ti raar dide̱ng kaye̱e̱r ánerawe Adakunom cice̱r gye̱r tatan, gip be anong a ti no̱o̱k ritek na nong ta taas áner aya a ta nye áner aYahuda baꞌ, kuri kurum aKiristi kuya sang ku ta be igak baꞌ,


a ti shesh yir. A nye anong sang kamok i nye yir ike̱ng ikak itek baꞌ, amma kamok kuro̱ riye̱ wu. A ti shesh yir, a tá kusu rine̱n yir be Kabik Kazhe̱l'e kaya a tin no̱o̱k yir kutes kufas ne iren kusor kufas.


Anong ne yin ácam gip, kuus yin ike̱ng iya ako̱k kasho̱o̱n ikilisiya yin ta ka tak yin. Cice̱r yin, mees yin rice nong ta naka nye yin itomong kamok i se ni izibir ye, “Adakunom rawu áya a ta kok rice naza, amma a nyesek áya a ta mees rice ritek wu.”


Lean sinn:

Sanasan


Sanasan