aMatiyu 26:10 - Izere New Testament

¹⁰ aYeso tá ren kuto̱ro̱ng ba, yong a fe̱ ye, “Akye̱ sak yin daam yin abining na e̱? A ti nye ike̱ng itek.

aMatiyu 26:10 Iomraidhean Croise

aMatiyu 26:11

Áfe rizor se mak be yin ye̱r ye̱r, amma mi ta se be yin koakye izen baꞌ.

aMatiyu 26:9

A fa re̱p name na ke a ti se̱ itso̱m dide̱ng a tana no̱o̱k áfe rizor.”

aMarkus 14:6

Amma aYeso fe̱ be ba ye, “Ku won yin kyo̱o̱n, kamok akye̱ yin tú daam yin e̱? A min nye ike̱ng itek dide̱ng.

aLuka 8:49

Nizen aYeso tá ru fe̱ kanu, aner akak ne nasa aZharus, ako̱k kasho̱o̱n kutu aduwa, be̱ a tá be fe̱ ye, “Angas wan n ku, tu ba bun i daam aner kubo̱so̱p baꞌ.”

2 aKoranti 9:8

Adakunom ta kyem a ka no̱o̱k ritek wu ma ri ta nar ike̱ng iya wan ta tse̱r, nong ase̱ koakye izen, yin ta se̱ yin koakye ike̱ng iya yin ta tse̱r yin, nong yin ta nye yin itomong itek dide̱ng.

aGalati 1:7

Rife̱ Ritek rika kuse ze̱e̱r be riyu baꞌ. Mi fe̱ anong kamok ákak kuse a tan sok kuto̱ro̱ng yin ne a tse̱r iren a tana shishing katsak Rife̱ Ritek aKiristi.

aGalati 5:12

Akye̱ fa sak áfe a ta ka daam yin'ong ta ya kasho̱o̱n nong a ta tse̱k rimetek ba nigaan'e.

aGalati 6:17

Ni igang'e ároneng, akak yin tú ba daam ike̱ng ikak baꞌ, ye kamok íbin íya mi ta be nuro̱m mi baꞌ. I tonong ye mi nye asam aYeso.

Afisa 2:10

Kamok yir be rice yir, yir nye yir ike̱ng iya Adakunom'me tá nye. A tin shishing yir kamok aYeso aKiristi nong tá nye yir itomong itek, iya Adakunom'me tá tsang a sak ta nye yir.

aKolosi 1:10

Yir nye yir aduwa nong ase̱ yin ta sor yin kusor kuri kuya ku ta tas kufe áfikuus Agwo̱m Ágwo̱m ne i nye yin ike̱re̱ iya i tana ku kare̱p riye̱ na koakye kuri iren. Kuri kusor yin ta sor yin ta tonong ye kuse kutek ne yin ni barang yin kurasak kaye̱e̱r kuren Adakunom.

2 aTasalonika 2:17

tà ka tsesek yin, ne a ka sak yin ta nyeseng yin kpa kaye̱e̱r koakye itomong ne kufe̱ kanu gye̱r.

1 aTimoti 3:1

Rife̱ a tá fe̱ ye, “Koangan afe a ta be ifeng kute ako̱k kasho̱o̱n ikilisiya, aner'e be ifeng itomong itek,” i nye katsak.

1 aTimoti 5:10

A ra nye aner aya a tu ku ren be kunye kutek kyo̱ndi ku ni sak riye̱ na inoon gye̱r ne kuren kushashang átsen ne a nye áfikuus Adakunom itomong kaye̱e̱r kumees rice ne a tobok áya a ta se nutser ne a ni sak riye̱ wu ninye ike̱re̱ i ta nye itek, a tu ku fa kaye̱e̱r ákumung.

2 aTimoti 2:21

Ke aner aya a kam be amaan ike̱re̱'ong mi tin fe̱ natoon'e, a ta sor kyo̱ndi ike̱re̱ iya a tin nye itomong iyiik'e, ne a se zhe̱l nong Atekasa wu tin nye itomong be wu. A ta sor be kanye̱k kamok koakye kuri itomong itek.

aTitus 1:16

Áner kuri ayong fe̱ ye ba ren Adakunom amma kunye ba tonong ye ba ren Adakunom baꞌ. Kunye ba se kye̱re̱, á shonong, á kyem á nye ike̱ng ikak itek baꞌ.

aTitus 2:14

aYeso ne no̱o̱k rice wu nong a tin sheshek yir kaye̱e̱r amaan kunye yir ne a ni kusu yir nong tá sor yir áfu ne i shim kunye yir ike̱ng iya i ta nye itek.

aTitus 3:1

Yiir yiring ánerawe wan'e ye á ra fok áko̱k kasho̱o̱n ne áfe ágwo̱m kaben ba kuto, á ra kuus ike̱ng iya ba ta fe̱ ne á sor be kanye̱k kunye koakye i ta se gye̱r.

aTitus 3:14

Áner yir ra bo̱so̱p kuno̱o̱k ace ba dim nong á ta nye ike̱ng iya i ta nye itek, ne á ren iren kutobok ánerawe na agbang ike̱re̱ ba tà tse̱r. Á tu sor a kpe̱de̱ng kusor baꞌ.

aTitus 3:8

Rife̱'me nye katsak. Kamok anong mi shim wan ta fe̱ rife̱'me ne i bun i toos'e, nong áya a ta min no̱o̱k katsak na Adakunom tà ya kasho̱o̱n be kuno̱o̱k rice ba nong á ta nye ike̱ng iya i ta nye itek. Ike̱re̱ na nye itek ne i se gye̱r be koangan.

Ibrani 13:21

ta ka no̱o̱k yin koakye ike̱ng i ta nye itek, nong ta nye ike̱ng iya wu ta shim. Won wu tu nye ike̱ng iya i tu ku se gye̱r be yir kaye̱e̱r aYeso Kiristi. Won kuyiik tu sor kufu ma izen izen. Anong!

1 aBitrus 2:12

Sor yin kusor kutek kaye̱e̱r áya sang á ta nye afikuus baꞌ. Ba yiir kunye kukun yin gye̱rtatan, amma ke ba di koakye itek yin ta nye yin ánerawe'me, á ta tiyiik Adakunom katuk a tana be̱ to̱ kazatse amok.