aMatiyu 24:3 - Izere New Testament

³ Nizen iya aYeso ta se nusonong natoon Kawhanang Nafar, yong álimazhiri wu be̱ nufu awan ba nong á ta fe̱ be wu ye, “Ni tak yir, na akye̱ izen ne ike̱re̱ na tà nye e̱? Akye̱ ne i nye ike̱ng i tana tonong ye izen kube̱ wan n be̱ bubarak ne izen kazatse tana gang e̱?”

aMatiyu 24:3 Iomraidhean Croise

aMatiyu 13:36

Ayong aYeso won rigwo̱m ánerawe ame a ta no̱ kari. Álimazhiri wu su kuse̱ nong á ta fe̱ be wu ye, “Ni tak yir ike̱ng iya kumaas natoon agam, a tá tang kaye̱e̱r riko̱ ame ta sor.”

aMatiyu 13:49

Anong ne i ta se izen kazatse tana gang, ámaleka Adakunom ta be̱ nong á ta kam ámaan aner be átek'e.

aMatiyu 15:12

Iyong álimazhiri wu be̱ nufu á ta fe̱ ye, “Wan ren ye aner aFarisi aye̱ beseng be ike̱ng iya wan tá fe̱'ong aꞌa?”

aMatiyu 16:27

Kamok Igon Anerawe tà be̱ be kuyiik Ada wu ne kufe ámaleka nong a tà no̱o̱k koangan ishorong itomong wu.

aMatiyu 16:28

Won ta ka tak yin katsak'e, ákak kaye̱e̱r yin aze ta tsang á kus baꞌ, ma á di Igon Anerawe ta saase kyo̱ndi Agwo̱m kaye̱e̱r kuyiik wu.”

aMatiyu 17:19

Ayong álimazhiri'me be̱ nufe aYeso kyo̱o̱n nong á tú ku rip ye, “Akye̱ sak yir kyem i tun yir amaan kabik'e baꞌ e̱?”

aMatiyu 21:1

Nizen iya aYeso be álimazhiri wu tá tseng kaye̱e̱r kuwo̱p aBatafazhi naro̱ a tá yis ye, kawhanang Nafar bubarak be aUshalima. aYeso tom álimazhiri wu afa ye,

aMatiyu 24:27

Kyo̱ndi akanang ta samang nabas kunom tu ku wuruk ma nabas rikpa kunom, anong ne kube̱ Igon Anerawe ta se.

aMatiyu 24:30

“Nizen iyong ne yin tà di yin kube̱ Igon Anerawe naza, ánerawe kazatse cice̱r tà korok ibo̱k nuto̱. Á ta di Igon Anerawe ta saase kaye̱e̱r ane̱n be kukyem ne kuyiik dide̱ng.

aMatiyu 24:37

Kyo̱ndi i ta se nizen aNuhu anong ne kube̱ Igon Anerawe ta se.

aMatiyu 24:39

nizham ba ta ra ren ike̱ng i ta sen tseng ashi'me be̱ a tá ka kis baꞌ. Anong ne i ta se nizen kube̱ Igon Anerawe.

aMatiyu 24:43

Amma ren yin ye, ke a fa fe̱ ye, atekasa ren katuk kaya akpatang tana be̱ nasa wu, ke a tor kasa'me fan akpatang bu fo nong a ta no̱ kaye̱e̱r'e.

aMatiyu 28:20

Ne i ku bo̱so̱p yin ba iren á tana kuus koakye mi tá ka tak yin. Yiring yin ye mi se mak be yin koakye izen ma ni igang izen.”

aLuka 21:7

Iyong á tú rip ye, “Aner Kubo̱so̱p, nizing ne ike̱re̱ na tà nye e̱? Akye̱ ne yir tá di yir nong tá ren yir ye izen'e m be̱ bubarak e̱?”

Itomong Ámanzo 1:7

Ayong aYeso fe̱ be ba ye, “Sang i nye ife yin tana ren yin izen'e ka kunom kuya Ada tan sak kaye̱e̱r kushim wu baꞌ.

Ibrani 9:26

A fa fe̱ ye aKiristi nye anong, ke an so̱ risam ne a toos'e kum nizen iya a tá nye kazatse. A be̱ kutak kuzining tsek nigang'e na, a tá no̱o̱k rice wu asidaka kamok rine̱n yir.