aMatiyu 22:3 - Izere New Testament

³ A tom ásam wu ákak ye, á ra se yis áya a tu ku tak ba riye̱ rikan'e ye, á ra be̱ amma áner'e raba ku be̱.

aMatiyu 22:3 Iomraidhean Croise

aMatiyu 21:34

Nizen iya ishamang tá nye, a tom ásam ákak ye á ra ku shan kanu kafu nufe áner ame.

aMatiyu 23:37

“Ka! Yin aner aUshalima, áfe a tá fe̱s áner kuzarap Adakunom ne áya a ta barak áya a tu ku toos ba nufe yin be ata, kutak kumang ne mi shim ke i ta tusung yin karo̱ kazining kyo̱ndi anyining inyon ta tusung inoon wu, ne yin gaar yin e̱?

aMatiyu 3:2

Ne a fe̱ ye, “Shishing yin kuse yin, kamok rigwo̱m kaza m be̱ bubarak.”

aMatiyu 9:15

aYeso fe̱ be ba ye, “Áferime̱ aner aya a ta sok abining afas ta nye riye̱ riwe kum ne ba rusek be aner aya a tá nye kuwe̱ne̱ng'e a? Izen saase ife á tana sok aner a tana ku rosom kuwe̱ne̱ng'e nasho̱o̱n ba, nizen iyong ne ba ta nye azumi.

aLuka 13:34

“Kaꞌ, yin áner aUshalima, yin áner aUshalima, yin áfe i tá fe̱s yin áner kuzarap ne i barak yin áya a ta ka toos ba nufe yin. Yin fa di yin mi ta shim ta ka tusung yin naro̱ kazining kyo̱ndi anyining inyon ta tusung inoon wu na afabak wu baꞌ, amma yin shim yin baꞌ.

aLuka 15:28

“Riye̱ igon kako'me beseng, ma a gaar kuno̱ kari. Ayong atek wuruk a ta su ku nye akusuk.

aLuka 19:27

Be̱e̱n yin be ámudo̱n'i áfe a tá shim mi tin nye rigwo̱m niba baꞌ, nong tu ku fe̱s yin ba aze nasho̱o̱n'i.’ ”

aYohana 5:40

Gip be anong, yin gaar yin kube̱ nunaan nong tà se̱ yin kutser.

Itomong Ámanzo 13:45

Amma áner aYahuda tá fa di rigwo̱m ánerawe ta nyim, yong a kpaan rishishim dide̱ng ne á fe̱ rimaan'e natoon ike̱ng iya aBulus ta sen fe̱'me.

aRom 10:21

Amma natoon Isarela, Adakunom fe̱ ye, “Kuwoso cice̱r mi nabak ibo̱k'i natoon áner aya a tá gaar rife̱ mi, ne á shonong.”

Ibrani 12:25

Sak yin riye̱, tu rayin aner a ta fe̱ rife̱ na baꞌ. Ke á kyem á wher nizen ba tá raba aner aya a tá ka tigba ba nazatse baꞌ, yir ta nye yir ane̱ ta wher yir ke yir ti nang yir kama ni wu afe a tin tigba yir naza e̱?

Ibrani 9:15

Kamok anong, aKiristi ne a se natite kushu kufas nong ase̱ áfe a ta ma ka yis ba tà shan kutser kufe izen izen kuya Adakunom ta fe̱ ye a tà no̱o̱k. Kyo̱o̱rna wu ku nong a tà ka shesh ba kaye̱e̱r rine̱n rife ba tá tsang á nye kaye̱e̱r kushu kufe ime̱se̱ng'e.

Ike̱ng a ta tonong aYohana 22:17

Kabik be Abining Afas'e fe̱ ye, “Be̱!” Aner a ta fok rife̱ na ra fe̱ ye, “Be̱.” Aner a ta fok kuto̱ kukoor ne a tse̱r ashi kuso̱, a ra be̱ a ta so̱ ashi kutser warak.