aMatiyu 2:23 - Izere New Testament

²³ Ne a tseng a tá se sor nuwo̱p a tá yis ye aNazaret. Anong ne a shining ike̱ng iya áner kuzarap ákak tá fe̱ ye, “A tù ku yis ye, afu Nazaret.”

aMatiyu 2:23 Iomraidhean Croise

aMatiyu 1:22

Cei ike̱re̱ na nye nong a tá shining ike̱ng iya Adakunom tá fe̱ nanu aner kuzarap, a tá fe̱ ye,

aMatiyu 21:11

Iyong áfe a ta sen kuus aYeso'me fe̱ ye, “Ayu ne a nye aYeso aner kuzarap Adakunom a ta ne na aNazaret niben aGalili.”

aMatiyu 26:71

A tá fa wuruk nanu kubang'e ne kanamang kakak bun ka ku di ne ka fe̱ be ánerawe'me ye, “Aner na se mak be aYeso afu Nazaret.”

aMarkus 1:24

ye, “aYeso afu aNazaret, wan tse̱r akye̱ be yir e̱? Wan m be̱ ta bin fe̱s yir a? Mi ta ren, wan nye Azhe̱l'e afe Adakunom!”

aMarkus 1:9

Nizen iyong aYeso dorok na aNazaret ni iben aGalili nong aYohana ta su ku nye abatisma ni isho̱ng aUrdun.

aLuka 1:26

Nizen iya kafa Alisabatu'me tá se ife̱n igataar, Adakunom tom amaleka wu aGyebel na aNazaret, kaye̱e̱r kuwo̱p kukak niben aGalili,

aLuka 18:37

Iyong ánerawe tu tak ye, “aYeso aner aNazaret ne a sen gor.”

aLuka 2:39

Nizen aYusufu be aMarya tá fa gang i nye ike̱re̱ Itsi Adakunom tá shim cei, á tú bun na aGalili á tá be nuwo̱p ba na aNazaret.

aYohana 18:5

Ayong á fe̱ be wu ye, “aYeso afu aNazaret.” Ne aYeso fe̱ be ba ye, “Mi na.” (aYahuza aya a tú ku sok a tá no̱o̱k se azong be ba.)

aYohana 18:7

A bun a tu ku rip ba ye, “Angan ne yin tse̱r yin e̱?” Ayong ba fe̱ ye, “aYeso afu Nazaret.”

aYohana 19:19

aBilatus nye izibir ikak nong a tin basak nukon a tin tigak aYeso'me ye, “ayeso afu nazaret, agwo̱m áner ayahuda.”

Itomong Ámanzo 2:22

“Áner Isarela fok yin rife̱ na, aYeso a tá nye afu Nazaret nye aner aya Adakunom tá ka tom yin'e. Adakunom nye itomong azhing be ife kukyem kaye̱e̱r wu nasho̱o̱n yin, yin ren yin anong be rice yin.

Itomong Ámanzo 24:5

“Yir se̱ yir aner na a shim kusor caang baꞌ. A tsang a whap áner aYahuda koake̱ nazatse na nong á tà ko̱ro̱ng. Wu ne a nye ako̱k kasho̱o̱n áfe a ta se nigung rice aner aNazaret áfe kukuus aYeso.