aMatiyu 2:22 - Izere New Testament

²² Amma nizen iya a tá fok ye Akilayus ne ngarak natoon rigwo̱m atek wu aHiridus ni iben aYahuda, a fok inyim a tú ku bun amma Adakunom tú ku ko̱ro̱k kuto na nabos'e, ayong a tire̱e̱r a tá be ni iben aGalili.

aMatiyu 2:22 Iomraidhean Croise

aMatiyu 1:20

A tá se kaye̱e̱r kanye̱k kayong, iyong amaleka Adakunom be̱ nufu kaye̱e̱r nabos nong a tá fe̱ be wu ye, “aYusufu, igon aDauda, sang tu fok inyim kuso̱k aMarya kanamang kusam wan baꞌ, kamok kafa wu'me nye kafe Kabik Kazhe̱l'e.

aMatiyu 2:1

Nama a tá tes aYeso na aBetalami ni iben aYahuda, nizen aHiridus tá nye agwo̱m. Áner akak afe á tá ren ike̱ng ikak natoon adar ne nabas kuwuruk kunom nong á tá be̱ na aUshalima.

aMatiyu 2:19

Nizen aHiridus tá ku, amaleka Adakunom be̱ nufe aYusufu na aMasar kaye̱e̱r nabos ye,

aMatiyu 2:21

Ayong a dorok, a tá sok igon'e be anyining'e nong a tú bun ni iben Isarela.

aMatiyu 3:13

Nizen iyong aYeso dorok na aGalili a ta be ni Isho̱ng aUrdun nong aYohana tá su ku nye abatisma.

aLuka 2:39

Nizen aYusufu be aMarya tá fa gang i nye ike̱re̱ Itsi Adakunom tá shim cei, á tú bun na aGalili á tá be nuwo̱p ba na aNazaret.

aYohana 7:52

Ayong á fe̱ be wu ye, “Wan nye aner aGalili'me gip a? Fa rife̱ Adakunom ta di, aner kuzarap kun wuruk na aGalili baꞌ.”