aMatiyu 2:2 - Izere New Testament

² Á ta se rip ye, “Agwo̱m áner aYahuda aya a tá tes ame se ake̱ e̱? Yir di yir adar wu nabas kuwuruk kunom, iyong ne yir m be̱ yir nong tù ku ya yir iben.”

aMatiyu 2:2 Iomraidhean Croise

aMatiyu 2:3

Nizen aHiridus tá fa fok anong, iyong a no̱ kaye̱e̱r kudaam dide̱ng, anong ne ánerawe aUshalima cice̱r.

aMatiyu 21:5

“Tak yin ángas aUshalima ye, ‘Di, yin agwo̱m yin saase nufe yin. A se whiwhe̱, an ngarak natoon igon azhaki.’ ”

aMatiyu 27:11

Nizen iya aYeso tá se nunyeseng nasho̱o̱n agwo̱mna'me yong a tú ku rip ye, “Wan ne i nye agwo̱m aner aYahuda a?” Ne aYeso fe̱ be wu ye, “Wan ne wan fe̱ anong.”

aLuka 19:38

Ne á fe̱ ye, “Aner riye̱ rikan nye a nye agwo̱m aya a ta saase kaye̱e̱r riyerek Agwo̱m Ágwo̱m. kameneng riye̱ kuse kaye̱e̱r kaza ne kuyiik nye kufe Adakunom.”

aLuka 2:11

Katuur a ma ka tes yin aner kashesh nuwo̱p aDauda, wu ne a nye aKiristi, aya a ta nye Agwo̱m Ágwo̱m.

aLuka 23:3

Ayong aBilatus rip aYeso ye, “Wan ne i nye agwo̱m áner aYahuda a?” aYeso fe̱ be wu ye, “Ei, wan ne i fe̱ anong.”

aLuka 23:38

Izibir tuse nukon'e dim rice wu, i tá fe̱ ye, “AYUNA NE A NYE AGWO̱M ANER aYAHUDA.”

aYohana 1:49

Iyong aNataniyel fe̱ ye, “Aner kubo̱so̱p, wan ne i nye Igon Adakunom; wan ne i nye agwo̱m Isarela.”

aYohana 12:13

Ayong á bo̱s afumung atarkai nong á tá tseng á tá se nyim be wu, ne á tang kuto̱ naza ye, “Nakerek nye nafe Adakunom. Aner riye̱ rikan ne nye aya a ta be̱ kaye̱e̱r riyerek Agwo̱m Ágwo̱m! Aner riye̱ rikan ne nye Agwo̱m Isarela.”

aYohana 18:37

Amma aBilatus fe̱ ye, “Aser, wan nye agwo̱m a?” aYeso fe̱ ye, “Wan ne wan fe̱ be kanu wan ye mi nye agwo̱m. Ike̱ng iya i tá sak a tin tes'ong, nong ta taas katsak'e. Koangan a ta nye afe katsak, shim kufoos kuto̱ mi.”

aYohana 19:19

aBilatus nye izibir ikak nong a tin basak nukon a tin tigak aYeso'me ye, “ayeso afu nazaret, agwo̱m áner ayahuda.”

aYohana 20:28

Ayong aToma fe̱ be wu ye, “Kak, Agwo̱m Ágwo̱m mi be Adakunom mi!”

aYohana 5:23

nong ase̱ ánerawe cice̱r tà tiyiik Igon'e kyo̱ndi ba tá tiyiik Ada'me.

aYohana 9:38

Ayong aner ame fe̱ ye, “Atekasa, mi ti no̱o̱k katsak.” Ne a ya aYeso iben.

Ibrani 1:6

Nizen iya Adakunom tá tom igon wu kafe ime̱se̱ng'e kaye̱e̱r kazatse, a bun a fe̱ ye, “Won ámaleka cice̱r tu ku ya iben.”

Ike̱ng a ta tonong aYohana 22:16

“Mi, aYeso ne i tom amaleka mi nong a tá ka tak kutom na nong yin ta tak yin áfikuus. Mi ne i nye Kunik aDauda ne I nye Aner kasa'me. Mi ne i nye Adar Kusetson, aya a ta se kanang.”