aMatiyu 2:12 - Izere New Testament

¹² A tsang a kutak ba kaye̱e̱r nabos ye, sang á tú gor nufe aHiridus baba baꞌ. Iyong á tú bun nuwo̱p ba ni iren ikak.

aMatiyu 2:12 Iomraidhean Croise

aMatiyu 1:20

A tá se kaye̱e̱r kanye̱k kayong, iyong amaleka Adakunom be̱ nufu kaye̱e̱r nabos nong a tá fe̱ be wu ye, “aYusufu, igon aDauda, sang tu fok inyim kuso̱k aMarya kanamang kusam wan baꞌ, kamok kafa wu'me nye kafe Kabik Kazhe̱l'e.

aMatiyu 2:13

Nama átsen ame tú ku bun, amaleka Adakunom be̱ nufe aYusufu kaye̱e̱r nabos, a tá fe̱ be wu ye, “Dorok, sok igon'e be anyining'e nong tá teng tá be yin ni iben aMasar. Sor yin azong ma izen iya ne mi fe̱ be wan, kamok aHiridus tá tse̱r igon'e nong a tá fe̱r.”

aMatiyu 2:19

Nizen aHiridus tá ku, amaleka Adakunom be̱ nufe aYusufu na aMasar kaye̱e̱r nabos ye,

aMatiyu 2:22

Amma nizen iya a tá fok ye Akilayus ne ngarak natoon rigwo̱m atek wu aHiridus ni iben aYahuda, a fok inyim a tú ku bun amma Adakunom tú ku ko̱ro̱k kuto na nabos'e, ayong a tire̱e̱r a tá be ni iben aGalili.

aMatiyu 27:19

Nizen aBilatus tá se nusonong natoon itsik amok, yong abining wu tom kutom nufu ye, “Kam be itak aner na sang a tá nye rine̱n baꞌ, kamok mi so̱ risam nashirim ni nabos natoon wu.”

aLuka 2:26

Kabik Kazhe̱l'e tsang ka ku tonong ye sang wu tá tsang a ku baꞌ, ma a di aKiristi'me, aya Agwo̱m Ágwo̱m tá kasa.

Itomong Ámanzo 10:22

Áner ame fe̱ ye, “Ako̱k kasho̱o̱n ásozha aRom kak, aya a tú ku yis ye aKoneliyus ne a min tom yir. A nye aner aya a ta se gye̱r nasho̱o̱n Adakunom ne a fok inyim Adakunom dide̱ng. Áner aYahuda cice̱r tú di yiik. Amaleka azhe̱l'e akak fe̱ be wu ye a ra fe̱ be wan ye wan ru tseng kari wu nong ase̱ a ta fok ike̱ng iya wan tana fe̱ be wu.”

Itomong Ámanzo 4:19

Amma aBitrus be aYohana fe̱ be ba ye, “To̱, ye̱re̱k yin be rice yin ta di yin ka inyaka ta nar kuse gye̱r nasho̱o̱n Adakunom e̱? I fok yir rife̱ yin ka i fok yir rife̱ Adakunom ingya e̱?

Itomong Ámanzo 5:29

Ayong aBitrus be ribir ámanzo ame fe̱ ye, “Yir ta kuus yir ike̱ng iya Adakunom ta fe̱ dim, sang ife anerawe baꞌ.

1 aKoranti 3:19

Kamok kukyem kazatse na nye rifunam nasho̱o̱n Adakunom kyo̱ndi i ta se ni izibir ye, “Adakunom yising áya a ta se tse̱ng tse̱ng kaye̱e̱r ritse̱ng ba'me.”

Ibrani 11:7

Natoon kuno̱o̱k katsak ne aNuhu ti kpa inyim izhe̱l'e nizen iya a tú ku ko̱ro̱k kuto natoon ike̱re̱ wu tan di baꞌ. A no̱k kukpara ashi a tin shesh áfekari wu. Kuno̱o̱k katsak aNuhu sak a tak kazatse rine̱n ba, aNuhu tà sor aya kutse kamok a se gye̱r nasho̱o̱n Adakunom, kuya a ta se̱ natoon kuno̱o̱k katsak.

Ibrani 8:5

Nizen iya a ta nye itomong naro̱ kaya ka ta nar kuse zhe̱l, a maas ne a kuus nawu ike̱ng iya a ta nye kaye̱e̱r kaza tsek. Iyong ne i sak a tá kpam aMusa nizen iya a tá tse̱r a tá tar kubur a tanin ya Adakunom iben ye, “Sak riye̱ nong ta nye koakye ike̱ng kyo̱ndi mi ta ka tonong natoon rifan.”