aMatiyu 18:3 - Izere New Testament

³ Ne a fe̱ be ba ye, “Won ta ka tak yin katsak'e, sang ke yin shishing yin kuse yin nong i tà te yin kyo̱ndi inoon nazhizhe̱k'e baꞌ, yin tà no̱ yin kaye̱e̱r rigwo̱m kaza baꞌ.

aMatiyu 18:3 Iomraidhean Croise

aMatiyu 13:15

Kamok aye̱ ánerawe'me n te kyo̱ndi kuta; á fok kuto baꞌ. Á whe̱se̱ng anyisi ba fan á bu di be anyisi ba, Ke anong baꞌ, ke á ye̱re̱k be anyisi ba ne á foos be ato ba, ne á ren ike̱ng iya a tin fe̱, ne ba kirik nunaan ne mi ku sak ba á tà te atser.’

aMatiyu 18:2

Ayong aYeso yis igon kakak kahiir'e nong a tú ku sak a tá nyeseng natite ba.

aMatiyu 18:4

Koangan afe a ta sok rice wu kyo̱ndi igon na, wu ne a nar yiik kaye̱e̱r rigwo̱m kaza.

aMatiyu 19:14

aYeso fe̱ ye, “Won yin inoon nazhizhe̱k'e tu be̱s nunaan; sang yin tú ku roon yin ba'me baꞌ, kamok rigwo̱m kaza nye rife̱ iri ba.”

aMatiyu 19:23

Ayong iya aYeso fe̱ be álimazhiri wu ye, “Won ta ka tak yin katsak'e, i ta ro̱ arum tana no̱ kaye̱e̱r rigwo̱m kaza.

aMatiyu 5:18

Katsak'e, ne mi ta ka tak yin, kaza be kaben tà gang, ko kaban ike̱ng ikak ihiir'e kaye̱e̱r afumung na ta wei baꞌ, ma koakye a ta fe̱ shining.

aMatiyu 5:20

Won ta ka tak yin, sang ke kunye yin kutek nar kufe áner kubo̱so̱p Itsi be áner aFarisi baꞌ, To̱, yin tà no̱ yin kaye̱e̱r rigwo̱m kaza baꞌ ko cie̱k.

aMatiyu 6:16

“Izen iya ne yin ta nye yin azumi, sang tu rosom yin kanyisi yin kyo̱ndi ákardak aner ta nye baꞌ. Kamok ba rosom kanyisi ba nong á ta tonong ánerawe ye ba sen nye azumi. Won ta ka tak yin katsak'e, ba n se̱ ishorong ba cei nakuruk.

aMatiyu 6:2

“Kamok anong, izen iya ne yin no̱o̱k yin aner aya a ta se kaye̱e̱r kutse̱r, sang tu tsang i taas yin kyo̱ndi ákardak áner ta nye natu aduwa ni ikim iren nong á ta se̱ kuyiik nufe ánerawe baꞌ. Won ta ka tak yin katsak'e, ba n se̱ ishorong ba cei nakuruk.

aMatiyu 6:5

“Izen iya ne yin tà nye yin aduwa, sang tu nye yin kyo̱ndi ákardak áner ta nye baꞌ, kamok ba shim kunye aduwa nunyeseng kaye̱e̱r atu aduwa ba ni ikim iren nong ánerawe ta ka di ba. Won ta ka tak yin katsak'e, ba n shan ishorong ba cei nakuruk.

aMarkus 4:12

nong a ta shining rife̱ Ishaya, a tá fe̱ ye, “ ‘Á tà yiir iye̱re̱k'e amma á ta ren baꞌ, ne á yiir ifoos'e amma á ta ren ike̱ng'e baꞌ, Ke anong baꞌ, á ta shishing kuse ba nong a tù ku re̱ng ba rine̱n ba.’ ”

aLuka 13:24

“Nye yin koakye yin tana kyem i nye yin nong tà no̱ yin nanu kutu ka ta se whe̱. Won tà ka tak yin, ánerawe whe̱re̱ ta shim kuno̱, á tà ra kyem á no̱ baꞌ.

aLuka 22:32

Amma mi ma ka nye aduwa, fan wan bu won kuno̱o̱k katsak wan. Nizen iya wan tu bun nunaan ne i tsesek áfudang wan.”

aYohana 1:51

Iyong aYeso bun a fe̱ be wu ye, “Mi ta ka tak katsak'e, wan tà di kaza nukarak, ne ámaleka Adakunom ngarak naza ne á tisik natoon Igon Anerawe.”

aYohana 3:3

Ayong aYeso fe̱ be wu ye, “Katsak'e ne mi ta ka tak, akak kusa a ta kyem a no̱ kaye̱e̱r rigwo̱m Adakunom baꞌ, sang ke a bun a tu ku tes kutes dim ba'.”

aYohana 3:5

aYeso fe̱ be wu ye, “Katsak'e ne mi ta ka tak, sang ke a bun a tes anerawe be ashi ne Kabik baꞌ, a ta kyem a no̱ kaye̱e̱r rigwo̱m Adakunom baꞌ.

Itomong Ámanzo 14:22

ne á tsang á tsesek áfikuus ne a ku nyesek ba itabak ye á ra yiir rife̱ riya ba ta min no̱o̱k katsak be agap. Ne á fe̱ ye “Ma be risam dide̱ng nizham yir tà ra no̱ yir kaye̱e̱r rigwo̱m Adakunom.”

Itomong Ámanzo 28:27

Kamok aye̱ áner na n te di kuta, á fok kuto baꞌ, á whe̱se̱ng anyisi ba. Fan á bu ye̱re̱k be anyisi ba ne á fok be ato ba. Ke á se̱ rikpa rife̱'me be aye̱ ba ne á ku bun nunaan, ne mi ka sak ba á ta te atser.’

Itomong Ámanzo 3:19

Kamok anong, shishing yin kuse yin tu ku bun yin nufe Adakunom nong ase̱ a ta ka re̱ng yin rine̱n yin. Yin ta se̱ yin agap afe Kabik nufe Agwo̱m Ágwo̱m,

1 aKoranti 14:20

Ároneng, won yin kuto̱ kyo̱ndi inoon. Kaye̱e̱r amaan kunye te yin kyo̱ndi inoon nazhizhe̱k'e, amma be yin kuto̱ro̱ng kuri kufe risho̱n.

1 aBitrus 2:2

Se yin kyo̱ndi inoon nazhizhe̱k'e na ta shim kuso̱ ribasang. Anong ne yin gip be yin ifeng rife̱ Adakunom, kamok be anong ne yin tà rasak yin nong ta se̱ yin kashesh yin.

2 aBitrus 1:11

Be anong ne a tà ka shan yin ibo̱k ifa kaye̱e̱r rigwo̱m Agwo̱m Ágwo̱m rife̱ izen izen rife̱ Aner Kashesh yir.