aMatiyu 13:8 - Izere New Testament

⁸ Ica'me ikak kpas naro̱ katek ne i te kusu saase, ikak kuso̱k inyak ne ikak te ace iso̱k igataar ne ikak te iso̱k itaar ne i nar ike̱ng iya a ta nas.

aMatiyu 13:8 Iomraidhean Croise

aMatiyu 13:23

Ike̱ng á tá tuus niben itek ne i nye aner a ta fok rife̱'me ne a ren ike̱ng iya rife̱'me ta sor. A te ace kuso̱k inyak ne íkak iso̱k igataar ka iso̱k itaar ne i nar ike̱ng iya a tá tuus.”

aMatiyu 13:7

Íca'me íkak kpas kaye̱e̱r ikiritsan ne ikiritsan'e ku te̱ne̱ng ba kurasak.

aMarkus 4:20

Amma íca'me iya i tá kpas niben itek se kyo̱ndi áner aya a tá fok rife̱'me, ne á shan, ne á te ike̱ng itek dide̱ng, ikak tes iso̱k itaar, ikak iso̱k igataar, ikak kuso̱k inyak ma i nar ike̱ng iya a tá tuus.”

aMarkus 4:8

Ne íca'me íkak kpas niben itek, ne i rasak ne i te itek dide̱ng, ikak kuso̱k inyak ne ikak te ace iso̱k igataar ne ikak te iso̱k itaar ne i nar ike̱ng iya a ta nas.”

aLuka 8:15

Íca ife i ta kpas niben itek nye áner aya a tá shan rife̱'me be riye̱ rizining, áfe a ta fok rife̱ Adakunom ne á ninye itomong ne á na ka tsesek ma ne á te ike̱ng itek.

aLuka 8:8

Ne íca'me íkak i kpas niben itek, ne i rasak ne i te itek dide̱ng, i te ica inyak kuso̱k ma i nar ike̱ng iya a tá tuus.” aYeso tú ku tak ba anong, ne a ma fe̱ ye, “Aner afe a ta be ato kufok a ra fok.”

aYohana 15:8

Nye yin itomong iya Adakunom ta shim nong tà tonong yin ye yin nye yin álimazhiri wu, kamok iyu ne i tà be̱ be Ada'me kuyiik.

aRom 7:18

Mi ren ye sang ike̱ng ikak itek kuse kaye̱e̱r'i baꞌ, ife rinerawe. Kamok mi shim kunye ike̱re̱ i ta nye itek, amma kunye anong'e ti gaar.

aFilipi 1:11

Kamok nong, yin tà shining yin be kuse kuzhe̱l'e a ta se̱ nufe aYeso Kiristi nong ase̱ Adakunom tà se̱ kuyiik be nakerek.