aMatiyu 11:5 - Izere New Testament

⁵ ákpato̱o̱n se̱ kudi karo̱ ne ákun tseng, ákparo̱ng te atser ne ágbato fok ato ne ikom dorok be kutser ne a nye afe rizor awazi Rife̱ Ritek'e.

aMatiyu 11:5 Iomraidhean Croise

aMatiyu 10:8

Sak yin áfe iro̱k tá te atser, ne i sak yin ikom tá dorok, ne i sak yin ákparo̱ng tá te zhe̱l, ne i turung yin amaan nabik. Yin se̱ yin warak, no̱o̱k yin warak.

aMatiyu 11:4

aYeso fe̱ be ba ye, “Kubun yin ta se tak yin aYohana ame ike̱ng iya yin tá di yin ne i foos yin:

aMatiyu 12:13

Ayong aYeso fe̱ be aner ame ye, “Nabak kubo̱k wan.” Ayong a nabak kubo̱k'e ne ku wor ku te kutser gye̱r kyo̱ndi kufe afa'me.

aMatiyu 21:14

Ákpato̱o̱n be ákun be̱s nufu kaye̱e̱r kubang agbang kutu kuya Adakunom iben'e ne wu ku sak ba á ta te atser.

aMatiyu 5:3

“Áner riye̱ rikan ne á nye aner aya a ta ren kuraar ba kaye̱e̱r kabik, kamok rigwo̱m kaza nye rifuba.

aMatiyu 9:30

Anyisi ba wor a karak. aYeso tu kpam ba ye, “Sang á tu tak akak baꞌ.”

aMarkus 7:37

Anerawe wor á te zhing ne á fe̱ ye, “A nye koakye gye̱r. A kyem a sak agbato ta fok ne a sak agbanu ta fe̱ kanu.”

aMarkus 9:25

Nizen aYeso ta di rigwo̱m ánerawe be naro̱'me zizirik. Ayong a tigba amaan kabik'e ye, “Wan kabik rigbato be rigbanu, mi fe̱ be wan be agbang kuto̱ ye, ‘Wuruk kaye̱e̱r wu, tu ba no̱ kaye̱e̱r wu gbak baꞌ.’ ”

aLuka 4:18

“Kabik Adakunom se mak be mi, kamok anong a mi n kasa nong tá taas áfe rizor Rife̱ Ritek. A min tom nong ta taas áfe a ta se nitso̱m ye á ra sor washak ne i karak akpato̱o̱n anyisi, ne i sak áfe a tá ka mo̱o̱r ba ta sor ne̱k.

aYohana 10:25

aYeso fe̱ be ba ye, “Mi kun ka tak yin, amma yin ti no̱o̱k yin katsak baꞌ. Itomong azhing iya mi tá nye, mi nye kaye̱e̱r riyerek Ada mi, tonong kuri aner aya afe mi ta nye.

aYohana 10:38

Amma ke iyong ne mi nye, ko ke yin tin no̱o̱k katsak ni mi baꞌ, ni no̱o̱k yin katsak ni itomong'e. Nong ase̱ ta ren yin ye Ada'me se kaye̱e̱r'i ne mi se kaye̱e̱r Ada'me.”

aYohana 2:23

Nizen aYeso tá rusek na aUshalima, nizen aPasova, ánerawe whe̱re̱ di itomong azhing wu tá nye ne á ni no̱o̱k katsak ni wu.

aYohana 3:2

A tseng nufe aYeso natuk a tá fe̱ be wu ye, “Aner Kubo̱so̱p, yir ren yir ye wan nye aner kubo̱so̱p i ta ne nufe Adakunom. Kamok akak ta kyem a nye itomong azhing afe wan tá nye baꞌ, sang ke Adakunom se mak be wu baꞌ.”

aYohana 5:36

“Mi be ayiik rife̱ natoon'i rife̱ i ta nar rife̱ aYohana, kamok itomong iya Ada tin no̱o̱k ye i ra gang, iyong ne mi sen nye'me ne i fe̱ ye, Ada ti tom.

aYohana 9:7

Ne a fe̱ be aner'e ye “Tseng, se kusu anyisi wan nudung aSiluwam.” (Riyerek na sor ye “Kutom.”) Ayong aner ame tseng a ta se kusu anyisi wu ne a di karo̱ ne a kubun kari.

Itomong Ámanzo 2:22

“Áner Isarela fok yin rife̱ na, aYeso a tá nye afu Nazaret nye aner aya Adakunom tá ka tom yin'e. Adakunom nye itomong azhing be ife kukyem kaye̱e̱r wu nasho̱o̱n yin, yin ren yin anong be rice yin.

aYakub 2:5

Aroneng'i aya mi ta shim, wesek yin kuto, i se ye Adakunom kasa áfe rizor nasho̱o̱n kazatse na nong a ta te arum kaye̱e̱r kuno̱o̱k katsak ne aya a ta ya kutse rigwo̱m Wu ta nye kanye̱k'e natoon aya a tu ku shim aꞌa?