aMatiyu 10:3 - Izere New Testament

³ ne aFilibus be aBatalomi, ne aToma, be aMatiyu aya a tá shashang itso̱m iben, ne aYakub igon Alfiyus ne aTadiyus,

aMatiyu 10:3 Iomraidhean Croise

aMatiyu 18:17

Ke a gaar ku ka fok ba ne wan tak áfikuus; ke a bun a gaar rife̱ áfikuus'e gbak ne a ku sok kyo̱ndi afurin, aya a ta gaar kushishing kuse wu.

aMatiyu 27:56

Kaye̱e̱r ba ákak nye aMarya aMagadaliya, be aMarya anyining aYakub be aYusufu, ne anyining inoon aZabedi.

aMatiyu 9:9

aYeso tá ya kasho̱o̱n be kutseng ne a di afe kushashang itso̱m iben akak a tú ku yis ye aMatiyu, a se nusonong naro̱ itomong wu. aYeso fe̱ be wu ye, “Ni kuus,” iyong a dorok nong a tú ku kuus.

aMarkus 15:40

Ányining akak sor tsik ne a ye̱re̱k, kaye̱e̱r ba nye aMarya abafe aMagadaliya be aMarya anyining aYakub awusong'e be aYusufu ne aSalomi,

aMarkus 2:14

aYeso'me tá se be kutsang tseng yong a di aner akak a tú ku yis ye aLawi igon Alfiyus, nusonong naro̱ kushashang itso̱m iben. Ayong aYeso fe̱ be wu ye, “Ni kuus,” iyong aLawi'me dorok nong a tú ku kuus.

aMarkus 3:18

Adarawus be aFilibus ne aBatalomi be aMatiyu, ne aToma, be aYakub igon Alfiyus, ne aTadiyus, be aSiman aner rifur kuwo̱p wu,

aLuka 18:10

“Áner ákak ba afa tseng na agbang kutu kuya Adakunom iben nong á tà se nye aduwa, azining nye aner aFarisi ne áfe afa'me nye áfe kushashang itso̱m iben.

aLuka 18:11

Aner aFarisi ame dorok nong a tá nye aduwa ye, ‘Adakunom, mi shim tá ka tonong riye̱ rikan'i, kamok sang mi se kyo̱ndi ribir ánerawe, á ta nye ákpatang, ka áfe amaan kunye baꞌ. Mi nye rikuna ne i se kyo̱ndi afe kushashang itso̱m iben na baꞌ.

aLuka 18:13

“Amma afe ku shashang itso̱m iben ame nyeseng gugo̱k, a kyem a sok anyisi naza baꞌ, a korok ibo̱k nafok a tá fe̱ ye, ‘Adakunom, ro̱ riye̱ mi, mi nye afe rine̱n.’

aLuka 19:2

Aner akak tuse azong riyerek wu tá nye aZaka. A nye agbang'e kaye̱e̱r áfe ku shashang itso̱m iben, ne a nye arum'e dide̱ng.

aLuka 5:27

Nama anong, aYeso wuruk, a di aner akak afe a tá shashang itso̱m iben, á tú ku yis ye, aLawi nusonong naro̱ itomong wu yong aYeso fe̱ be wu ye, “Ni kuus.”

aYohana 1:48

Ayong aNataniyel rip aYeso ye, “Wan nye ane̱ i tin ren e̱?” Ne aYeso ku shim'e ye, “Mi tá di kum nizen wan tá rusek ritin atafo, nizham aFilibus tá ra ka yis.”

aYohana 11:16

Ayong aToma, a tú ku yis ye, kafe̱e̱s, fe̱ be ribir álimazhiri'me ye, “I tseng yir gip nong ta se kus yir be wu.”

aYohana 14:22

Ayong aYahuda (sang Iskariyot baꞌ) fe̱ ye, “Atekasa, akye̱ sak wan shim ta tonong rice wan nufe yir sang nufe kazatse baꞌ e̱?”

aYohana 14:5

Ayong aToma fe̱ be aYeso ye, “Atekasa, yir ren yir karo̱ kaya wan tù ku be baꞌ. To̱, yir tà nye yir ane̱ tà ren yir iren e̱?”

aYohana 14:9

Ne aYeso fe̱ be wu ye, “aFilibus, wan ti ren aꞌa? Mi ta kun sor mak be yin izen dide̱ng na. Koangan a tin di, a di Ada'me. Akye̱ sak wan tá fe̱ ye, ‘Ni tonong yir Ada'me e̱?’

aYohana 21:2

aSiman Bitrus be aToma, a tú ku yis ye Kafe̱e̱s ne aNataniyel afe aKenan ni iben aGalili ne inoon aZabedi be álimazhiri akak ba afa se mak azong.

Itomong Ámanzo 1:13

Nizen iya ba tá no̱ na aUshalima, yong a wesek nutu katoon'e kuya ba tin sor kaye̱e̱r. Áner aya a tá no̱ nutu'me nye aBitrus be aYohana ne aYakub be Adarawus ne aFilibus ne aToma ne aBatalomi be aYakub a ta nye aro̱m Alfiyus be aSiman a tú ku yis ye aner a ta be rifup kaben wu, be aYahuda a tá nye aronyining aYakub.

Itomong Ámanzo 12:17

aBitrus ma nye be kubo̱k ye a ra te gbik, nong a tú ku taas ba kuri iren iya Agwo̱m Ágwo̱m tú ku tun nitso̱m'me. A fe̱ ye, “Tseng se tak yin aYakub be ribir áro̱ afikuus.” Ayong a dorok a tá tseng naro̱ kakak.

Itomong Ámanzo 15:13

Nizen iya á tá gang kufe̱ kanu ne aYakub dorok a tá fe̱ ye, “Ároneng be ángasneng wesek yin kuto tin fok yin.

Itomong Ámanzo 21:18

Kayatson'e, aBulus be ribir yir tseng nufe aYakub, áko̱k kasho̱o̱n ikilisiya cice̱r se azong.

aGalati 1:19

Mi di ribir ámanzo'me ákak baꞌ, sang ke aYakub aronyining Agwo̱m Ágwo̱m yir baꞌ.

aGalati 2:9

aYakub be aBitrus ne aYohana áya a ta sor itsik'e ti shan be aBarnabas ibo̱k ifa nizen iya ba tá di ritek Adakunom tin no̱o̱k yir. Á shim ye yir ri tseng yir nufe áner aya a ta nye áner aYahuda baꞌ, nong ba ta tseng nufe áner aYahuda.

aYakub 1:1

aYakubu asam Adakunom ne afe Agwo̱m agwo̱m yir aYeso Kiristi, mi nye ánerawe irem kuso̱k be afa aya a ta te shaam kaye̱e̱r kazatse ashou.

aZhud 1:1

Mi, aZhud, asam aYeso Kiristi, aronyining aYakub, yin áya Adakunom aya a ta nye Ada ta ka shim yin, ne a ka yis yin, áya aYeso Kiristi ta ka fek yin.