aMatiyu 10:1 - Izere New Testament

¹ Ayong aYeso yis alimazhiri wu kuso̱k be afa ne a ku no̱o̱k ba kukyem ku niturung amaan nabik ne kukyem kusak afe iro̱k ze̱r ze̱r ta te atser.

aMatiyu 10:1 Iomraidhean Croise

aMatiyu 19:28

aYeso fe̱ be ba ye, “Won ta ka tak yin katsak'e, izen saase ife Igon Anerawe tana sonong ni itsik rigwo̱m wu ife kuyiik, yin áfe i tin kuus yin, yin tà sosok yin mak be mi natoon ítsik rigwo̱m kuso̱k be afa. Yin tà to̱ yin, ízo̱ro̱k Isarela kuso̱k be afa amok.

aMatiyu 26:20

Kawheshirim tá fa nye, yong aYeso se sonong mak be álimazhiri wu kuso̱k be afa nong á ta ya naya'me.

aMatiyu 26:47

Kum ne aYeso ru fe̱ kanu, aYahuza azining kaye̱e̱r alimazhiri kuso̱k be afa ame be̱ be rigwo̱m ánerawe whe̱re̱ be ítsor ne ishe̱n. Ágbang atsi ne áko̱k kasho̱o̱n ba ne á tu ku tom ba.

aMatiyu 4:23

aYeso gorok kaben aGalili cice̱r ne a bo̱so̱p ánerawe'me kaye̱e̱r atu aduwa ba, ne a ku taas ba Rife̱ Ritek natoon rigwo̱m kaza. Ne a sak áfe iro̱k iriri me tá te atser.

aMatiyu 6:13

Sang tu tseng be yir naro̱ kaya yir tana taam yir baꞌ, ni shesh yir nubo̱k Amaan Aner. [Kamok rigwo̱m be kukyem ne kuyiik nye kufuan ma izen izen. Anong!]’

aMatiyu 9:35

Nama anong aYeso tsang tseng na agbang iwo̱p ne izhizhe̱k'e cice̱r, ne a nye awazi kaye̱e̱r atu aduwa ba. Ne a ku taas ba Rife̱ Ritek natoon rigwo̱m Adakunom ne a sak áfe iro̱k ze̱r ze̱r te atser.

aMatiyu 9:38

Kamok anong nye yin aduwa nong atek riko̱'me tin barang áfe a tana ku nye itomong ishamang'e.”

aLuka 10:19

Mi ma ka no̱o̱k yin kukyem nong ta tseng yin natoon íwhen be ínye̱ng, ne i ya yin agap amudo̱n yin, Ishetan. Ka ike̱ng ikak imaan'e ta ka man yin baꞌ.

aLuka 21:15

Kamok mi tà ka no̱o̱k yin ike̱ng iya yin tana fe̱ yin be kukyem kuya sang ámudo̱n yin tana kyem á ya kanu be yin baꞌ.

aLuka 24:49

Mi tà ka tom yin ike̱ng Ada mi tá tsang a ni sak ye a tà ka no̱o̱k yin, amma sor yin kaye̱e̱r kuwo̱p na, ma a tà kis yin be kukyem kuya ku ta ne naza.”

aLuka 6:13

Kadiding tá fa karak, ne a yis álimazhiri wu, a kasa kuso̱k be afa kaye̱e̱r ba nong á tá te ámanzo. A ye̱re̱k ba na:

aYohana 17:2

Kamok wan tú ku no̱o̱k rigwo̱m natoon ánerawe cei, nong a ta no̱o̱k aya wan tú ku no̱o̱k cice̱r, kutser kufe izen izen.

aYohana 3:27

Ayong aYohana fe̱ be ba ye, “Anerawe ta kyem a se̱ ike̱ng be rice wu ba', sang ke a tú ku no̱o̱k natoon kaza ba'.

aYohana 3:35

Atek'e shim Igon wu, ayong a sak koakye nubo̱k wu.

aYohana 6:70

Iyong aYeso tú shim'e ye, “Mi ne i tá kasa yin kuso̱k be afa aꞌa? Gip be anong azining kaye̱e̱r yin nye Ishetan.”

Itomong Ámanzo 1:8

Amma izen iya ne yin shan yin kukyem nizen iya Kabik Kazhe̱l'e tanin tiik natoon yin, yin tà te yin áner aya tana fe̱ yin itak natoon'i, ta san yin rife̱'me kaye̱e̱r aUshalima, be na aYahudiya be na aSamariya ne ma nigang kazatse cei.”

Itomong Ámanzo 19:15

Amma amaan kabik'e fe̱ be ba ye, “Mi ren aYeso, mi ren aBulus gip. Yin ne̱? Yin nye yin ángan e̱?”

Ike̱ng a ta tonong aYohana 12:1

Ayong agbang ike̱ng azhing ikak wuruk natoon kaza. Ike̱ng'e nye abining akak a tá sok kunom a tin nye ares ne kufe̱n nabas atak wu. Ribong rigwo̱m wu nye ádar kuso̱k be afa.