aMatiyu 1:1 - Izere New Testament

¹ Izibir natoon izo̱ro̱k iya aYeso Kiristi Igon aDauda tú ku wuruk, kaye̱e̱r kasa Ibrahim.

aMatiyu 1:1 Iomraidhean Croise

aMatiyu 1:18

Ana ne kutes aYeso Kiristi se. Nizen iyong anyining nye kanamang kusam aYusufu, a be kafa kum ne an nye kuwe̱ne̱ng'e baꞌ, a be kafa'me be Kabik Kazhe̱l'e.

aMatiyu 1:2

Ibrahim ne a nye atek Ishaku ne Ishaku tes aYakub. aYakub ne a nye atek aYahuda be ribir áronyining wu.

aMatiyu 15:22

Abining akak tuse azong a tá nye abafe aKana'me be̱ nufu be kanak ye, “Atekasa, Igon aDauda, ro̱ riye̱ mi, angas'i so̱ risam dide̱ng be amaan kabik.”

aMatiyu 3:16

Kum a tá fa nye aYeso abatisma ame ne a wuruk kaye̱e̱r ashi'me, ne kaza wor ka karak ne a di Kabik Adakunom kyo̱ndi abo̱p ti tiik ni wu.

aMatiyu 9:27

aYeso tá fa won azong, iyong ákpato̱o̱n afa san ku kukuus ne á tang kuto̱ ne á ku yis ye, “Igon aDauda, ro̱ riye̱ yir!”

aLuka 1:33

A tin i nye rigwo̱m nasa aYakub ma izen izen, rigwo̱m wu tà gang ze̱e̱r baꞌ.”

aYohana 7:42

Kufumung izibir rife̱ Adakunom fe̱ ye, aKiristi tà ne kaye̱e̱r kasa aDauda na aBetalami nuwo̱p aDauda tú ku sor aꞌa?”

Itomong Ámanzo 2:30

Amma a nye aner kuzarap, a ren ye Adakunom tsang shu ye wu tá sak aner akak kaye̱e̱r kuri wu tá te agwo̱m kyo̱ndi wu.

aRom 1:3

Rife̱ Ritek'e se natoon Igon wu aya a tá nye kuri aDauda nuro̱m.

aRom 4:13

Adakunom no̱o̱k kuto̱ be Ibrahim ne kuri wu ye ba ne a ta ya kutse kazatse na sang kamok Ibrahim ta kuus Itsi baꞌ, amma kamok ku te gye̱r kuya a ta se̱ kamok kuno̱o̱k katsak.

aRom 9:5

Kunik ba ne kaye̱e̱r átukop átukop áya a tá ren dide̱ng. aKiristi, kaye̱e̱r kuto̱ro̱ng rinerawe wuruk kaye̱e̱r kuri ba. Won Adakunom aya a ti nye rigwo̱m natoon koakye tu se̱ nakerek ma izen izen. Anong!

aGalati 3:16

Ike̱ng iya Adakunom tá tsang a ni sak'e, a fe̱ be Ibrahim ne igon kakak kaye̱e̱r kuri wu nasho̱o̱n, sang kufumung rife̱ Adakunom fe̱ ye, “Be inoon baꞌ.” Rife̱'me se natoon ánerawe baꞌ amma “natoon igon kakak kaye̱e̱r kuri wan” Rife̱'me se natoon aner azining, a nye aKiristi.

1 aTimoti 2:5

Kamok Adakunom se azining, aner aya a ta no̱ natite Adakunom be ánerawe se azining, aner'e nye aYeso Kiristi.

2 aTimoti 2:8

Yiring be aYeso Kiristi aya a tú ku dorok nure̱k, aya a tá nye aner kasa aDauda kyo̱ndi Rife̱ Ritek riya mi tá taas, tá fe̱.

Ike̱ng a ta tonong aYohana 22:16

“Mi, aYeso ne i tom amaleka mi nong a tá ka tak kutom na nong yin ta tak yin áfikuus. Mi ne i nye Kunik aDauda ne I nye Aner kasa'me. Mi ne i nye Adar Kusetson, aya a ta se kanang.”