Afisa 3:3 - Izere New Testament

³ Iyong ne i nye ike̱ng Adakunom tin te̱s'e kaye̱e̱r kanye̱k wu kaya sang akak ta ren baꞌ, kyo̱ndi mi tá tsang i ka zibir yin'e cie̱k.

Afisa 3:3 Iomraidhean Croise

Itomong Ámanzo 22:17

“Nizen iya mi tú ku bun na aUshalima, mi ta se be kunye aduwa kaye̱e̱r agbang kutu kuya Adakunom iben, ne mi di ike̱ng ikak kyo̱ndi nabos.

Itomong Ámanzo 22:21

“Iyong Agwo̱m Ágwo̱m'me fe̱ be mi ye, ‘Mi ta ka tom tsik nufe áner aya sang a ta nye áner aYahuda baꞌ.’ ”

Itomong Ámanzo 23:9

Riwo̱ng ti no̱ niba dide̱ng ma áner aya a tá bo̱so̱p Itsi ákak aya a tase kaye̱e̱r kugung rice áner aFarisi dorok á nyeseng ne á ya nanan dide̱ng. Á fe̱ ye, “Yir se̱ yir aner na be rine̱n ike̱ng ikak baꞌ. Kashim kabik kakak ka amaleka ne a fe̱ kanu be wu.”

aRom 11:25

Mi shim yin tu sor yin dar iren yin ike̱re̱ i ta se nune̱re̱ng'ong baꞌ, ároneng, nong fan i bu kaa yin. Kushonong san'e be áner Isarela ákak ma izen iya Adakunom ta kasa cice̱r áya sang a ta nye áner aYahuda baꞌ ta be̱ niren Adakunom.

aRom 16:25

Won kuyiik tu sor kufe Adakunom, wu afe a tana kyem a tana ka sak yin ta nyeseng yin be agap kaye̱e̱r kuno̱o̱k katsak yin, natoon Rife̱ Ritek na mi ta taas natoon aYeso Kiristi, Rife̱ Ritek riya ri tin tonong yir ike̱re̱ iya sang a ta tsang a ren gbugbang baꞌ,

2 aKoranti 12:1

Mi tin se̱ ike̱ng ikak baꞌ, gye̱rtatan, amma mi ta ya kuka dim. Kyo̱o̱rna, mi ta ya kasho̱o̱n be kutaas ike̱re̱ iya i ta be̱s kyo̱ndi nabos ne iya Agwo̱m Ágwo̱m tin tosong.

aGalati 1:12

Mi se̱ nufe akak, ka akak ne a ti bo̱so̱p'e baꞌ, amma aYeso Kiristi be rice wu ne a ti tonong.

Afisa 1:17

Mi yiir kunye aduwa ye Adakunom afe Agwo̱m Ágwo̱m yir aYeso Kiristi, Ada yir ayiik'e ye a ra ka no̱o̱k yin kabik kafe kukyem ne kafe kuren ike̱ng nong ase̱ yin tù ku ren yin dide̱ng.

Afisa 3:4

Kum yin tan fa yin, yin ta kyem i se̱ yin akanang ike̱ng ife mi ta ren natoon kuse aKiristi.

Afisa 3:6

Kanye̱k'e se ye kamok kutaas Rife̱ Ritek Adakunom, nong áner aya a ta nye áner aYahuda baꞌ ta se̱ kuya kutse mak be áner Isarela. Ba te kyo̱ndi aner azining ne á se̱ kukap mak be áner Isarela, kaye̱e̱r ike̱ng iya Adakunom tá tsang a fe̱ ye wu ta no̱o̱k kamok aYeso Kiristi.

Afisa 3:9

Kamok Adakunom nye itomong be mi nong ase̱ a ta tonong kanye̱k itomong wu kanang kaye̱e̱r yin cice̱r. Kanye̱k Adakunom aya a ta nye ike̱re̱ cice̱r, a ta ne̱r áfe izam agbugbang'e.

Afisa 6:19

Nye yin aduwa kamok'i gip, nong ase̱ Adakunom tin no̱o̱k ike̱ng iya mi tana fe̱ nong mi tà taas ánerawe Rife̱ Ritek riya ri ta se nune̱re̱ng dar inyim dim.

aKolosi 2:2

Mi nye anong, nong ase̱ ba ta se̱ kutsesek kaye̱e̱r aye̱ ba, ne kushim kugung rice, kamok a nong á ta se̱ agbang kurum'ong, ku ta nye kuren ike̱ng cei, nong á ta ren kanye̱k Adakunom ka ta se nune̱re̱ng ka ta nye aKiristi.

aKolosi 4:3

Nye yin aduwa kamok yir gip, nong ase̱ Adakunom tin karak yir iren kutaas rife̱ wu nong ta taas yir kanye̱k aKiristi kaya ka ta se nune̱re̱ng kafe sang akak ta ren baꞌ, kamok anong ne a min te nitso̱m.

Ibrani 13:22

Kusuk yin ároneng, sok yin itabak mi ta ka zibir yin'e na be riye̱ ricaang kamok mi ta zibir yin'e cie̱k tsek.

1 aBitrus 5:12

aSila aya mi tú ku sok kyo̱ndi aroneng aya mi ta di a be katsak ne a ti se̱ mo i tá ka zibir yin kaban kufumung na nong ase̱ ta ka tsesek yin ne i ka tak yin ye iyu na ne i nye ritek Adakunom rife̱ katsak. Nyeseng yin be agap natoon'e.

2 aBitrus 3:15

Ren yin ye kutsesek Adakunom se nong ánerawe ta se̱ kashesh, kyo̱ndi aronyining yir aBulus aya yir ta shim yir, tá ka zibir yin'e gip be kukyem kuya Adakunom tú ku no̱o̱k.