Biblia Todo Logo
Bìoball air-loidhne

- Sanasan -




Afisa 2:3 - Izere New Testament

3 Yir cice̱r, yir i tsang i se yir kyo̱ndi ba gip ne i shim kunye yir ike̱re̱ imaan'e iya aye̱ yir ta shim ne i kuus yir kuse be kuto̱ro̱ng yir. Kyo̱ndi koangan ta se, be anong kaye̱e̱r kuse rinerawe yir gip riye̱ kubeseng Adakunom se natoon yir kyo̱ndi ri ta se natoon ba gip.

Faic an caibideil Dèan lethbhreac




Afisa 2:3
54 Iomraidhean Croise  

amma ke kudaam kazatse be kushim kurum, ne kushim ike̱re̱ ikak be̱ ne i te̱ne̱ng rife̱'me kurasak kaye̱e̱r wu ma a beseng.


Sang inoon naya a tá tes kuri rife rinerawe baꞌ, ka kaye̱e̱r kushim kuro̱m tsek baꞌ, ka nushim aner tsek baꞌ, amma Adakunom be rice wu ne a nye Ada ba.


Yin nye yin áfe ada yin, Ishetan. Kamok anong, yin shim tà nye yin ike̱ng iya wu tá shim. Wu nye aner kufe̱s ánerawe kum ni ime̱se̱ng'e. A shim katsak baꞌ, kamok a be katsak'e baꞌ. Izen iya ne a bo̱ naborok, a fe̱ ike̱ng ife i ta nye igo̱o̱n wu, kamok wu nye aner abo̱o̱s, ne a nye ada áfe abo̱o̱s.


Gbugbang, Adakunom won ánerawe ta kuus igo̱o̱n ba tsek.


Kamok anong, Adakunom tú won ba nong á tá nye ike̱re̱ imaan'e iya aye̱ ba tá shim, yong á kok iro̱m ba a tin nye ike̱re̱ isum.


Kamok kyo̱ndi yin tá tsang i kuus yin rife̱ Adakunom baꞌ, amma kyo̱o̱rna yin se̱ yin kuro̱ riye̱ Adakunom kamok kushonong áner aYahuda.


Amma i ban i naka kis yin be aYeso Kiristi Agwo̱m Ágwo̱m yir, sang i tu kuus yin amaan kuse rinerawe baꞌ.


(Katsak'e, ke aner aya sang a ta nye áner aYahuda baꞌ, be Itsi baꞌ, gip be anong nizen ikak a nye ike̱re̱ iya Itsi ta fe̱ ye a ra nye kyo̱ndi kuto̱ro̱ng ba tú ku no̱o̱k ba. Iyong tonong ye ba áya a tá sor dar Itsi te Itsi be rice ba.


To̱, i ta se ye yir tsang i nye yir ámudo̱n Adakunom, amma a ti nye yir igaas be riku igon wu, shita kyo̱o̱rna baꞌ a ta min sak yir i ta te yir áferime̱ wu, a tin shesh yir kamok igon wu ta be kutser.


Kum naso̱k aYeso ta sak yir ta te yir gye̱r nasho̱o̱n Adakunom, shita kyo̱o̱rna baꞌ a tin shesh kamok aKiristi fan riye̱ kubeseng Adakunom bu ni se̱ yir.


Kamok anong, tu won yin rine̱n tin nye rigwo̱m natoon kuro̱m yin nong ta kuus yin amaan ike̱ng iya wu tà shim baꞌ.


Mi ren ye sang ike̱ng ikak itek kuse kaye̱e̱r'i baꞌ, ife rinerawe. Kamok mi shim kunye ike̱re̱ i ta nye itek, amma kunye anong'e ti gaar.


Anong ne itomong Adakunom se. Ke a shim ne a tonong riye̱ kubeseng wu, ne a bun a tonong kukyem wu kanang. Amma kaye̱e̱r acaang riye̱ wu, a tsesek dide̱ng be aya i ta se gye̱r ke di kubeseng riye̱ wu aya Adakunom tan gang kanye̱k ku ka shosh ba.


Angan ta sak wan ta nar akak e̱? Akye̱ ne wan be a ta won dar a ka no̱o̱k e̱? Ke i nye ye a tá no̱o̱k koakye ike̱ng iya wan ta be, to̱, akye̱ sak wan ta ya kuka kyo̱ndi a tá no̱o̱k baꞌ e̱?


Ároneng afe riye̱ mi, kum yir tan se̱ yir rife̱ Adakunom anong. Kamok anong, won i tu kam yir be ike̱ng i tana sak kuro̱m yir ne kabik yir tana won dar se zhe̱l, won i tu sor yir zhe̱l dar rizik kamok inyim Adakunom.


Amma kufumung rife̱ Adakunom fe̱ ye rine̱n zim ánerawe kazatse na cei, nong ase̱ ike̱ng Adakunom ta tsang a ni no̱o̱k kuto̱, iya i ta be̱ kamok kuno̱o̱k katsak na aYeso Kiristi, iya Adakunom ta no̱o̱k aya a ti no̱o̱k katsak.


riya yin tin se yin nizen iya yin tá kuus yin kuri kutseng kazatse na ne i kuus yin agwo̱m, aya a tin nye rigwo̱m natoon nabik naya na tase natoon kaza. Wu ne a nye kabik kaya ka ta whap aye̱ ánerawe áya a ta gaar ku kuus Adakunom.


A tá bo̱so̱p yin'e natoon ye yin riwon yin kuri kuse yin kufe agbugbang nong ta kam yin be kuse yin kuzen ku ta nye kumaan'e, ku ta ka wo̱ro̱k yin i ta nye yin kushim riye̱ yin ma ku ta ra beseng yin.


Gbugbang, yin tsang i se yin gugo̱k be Adakunom ma i te yin ámudo̱n wu kaye̱e̱r aye̱ yin kamok amaan kunye yin.


Amma kikyo̱o̱r name ároneng, yir shim yin tu sor yin dar kuren natoon áya a tá mereng ida kaye̱e̱r aYeso baꞌ, nong yin ta nye yin riye̱ riwe kyo̱ndi ribir ánerawe áya sang á ta be ike̱ng iya ba ta min te riye̱ baꞌ.


Kamok anong sang tu men yir ida kyo̱ndi ákak baꞌ, amma won yir tu sor yir be ato yir kuye̱ ne i sak yir riye̱.


Amma áner aya a ta shim á ta te arum ti gor ni kon i nye rine̱n ne á ku yiir kaye̱e̱r amaan ike̱re̱ iduk ife kuro̱m, ife i tana kuman ba ma i ta tseng be ba naro̱ á tana ku beseng ne á wei.


Yir gip gbugbang i tsang i nye yir áfunam'e ne i shonong yir, a tsang a ni wo̱ro̱k yir, ma i te yir ásam áfe kushim kunye amaan ike̱re̱ iya aye̱ yir ta shim be kushim kufok kusas kusor. Kusor yir tsang kunye kunye ike̱re̱ imaan'e ne rishishim. Ánerawe ti rayir ne yir ma ka rayir ba.


Kyo̱o̱rna yin ta nye yin inoon naya na ta fok kuto, tu won yin ike̱re̱ iya yin tin be yin ife̱ng gbugbang ta sok aye̱ baꞌ. Nizen iyong yin se yin na awhi.


Á shim ku tse̱se̱k ányining dide̱ng, ma á ro̱n be kunye rine̱n baꞌ. Á tsang á wo̱ro̱k áner aya sang á tan nyeseng be agap baꞌ. Á mak á be kuye̱re̱k dide̱ng. Iri ba ne Adakunom ma ka fiming ba.


A ya aduk kuka be rine̱n ne á wo̱ro̱k áya a ta ra won kunye rine̱n'ong tsek be ike̱re̱ iya kuro̱m ta shim.


Kamok koakye ike̱ng iya i ta se kaye̱e̱r kazatse na, kyo̱ndi; kushim ike̱re̱ kuro̱m, be iya anyisi ta wo̱k aner be kuni tsor kafok be ike̱re̱ iya yir ta be yir –, ike̱re̱ kuri iyong nes nufe Ada baꞌ, amma kaye̱e̱r kazatse ne iwuruk.


Gip be anong i bun i te ifas. A ta kyem a di katsak itsi na nuse aYeso ne a di nuse yin. Kamok awhi'me nye ne a wei, ne akanang'e afe katsak n san kuya gip.


Lean sinn:

Sanasan


Sanasan