Afisa 2:2 - Izere New Testament

² riya yin tin se yin nizen iya yin tá kuus yin kuri kutseng kazatse na ne i kuus yin agwo̱m, aya a tin nye rigwo̱m natoon nabik naya na tase natoon kaza. Wu ne a nye kabik kaya ka ta whap aye̱ ánerawe áya a ta gaar ku kuus Adakunom.

Afisa 2:2 Iomraidhean Croise

aMatiyu 11:19

Igon Anerawe be̱ a yas ne a so̱, yong ba fe̱ ye a ma ka yas ne a so̱, ne a nye rime̱ be áfe kushashang itso̱m iben ne áfe rine̱n. Gip be anong mi di kukyem Adakunom be itomong wu.”

aMatiyu 13:22

Íca'me iya i tá kpas kaye̱e̱r ikiritsan nye aner a ta fok rife̱'me, amma ke izen iya ne kudaam kusor kazatse be kushim kurum tu ku daam ne a beseng.

aMatiyu 13:38

Riko̱'me nye kazatse, ne izha itek'e sor inoon rigwo̱m Adakunom. Agam'me nye inoon amaan aner'e.

aMarkus 4:19

amma ke kudaam kazatse be kushim kurum, ne kushim ike̱re̱ ikak be̱ ne i te̱ne̱ng rife̱'me kurasak kaye̱e̱r wu ma a beseng.

aLuka 16:8

“Atekasa'me kerek aner a tin sak riye̱ nike̱re̱ ame afe sang a ta be katsak ame baꞌ, kamok a tá nye ritse̱ng. Kamok ánerawe kazatse na se tse̱ng tse̱ng ninye ike̱ng ba be áfe a ta se kyo̱ndi ba ne a nar áfe a ta se na akanang.

aLuka 22:31

aYeso fe̱ ye, “aSiman, aSiman, Ishetan n se̱ iren nong a ta ka bo̱mo̱ng yin cei, kyo̱ndi a ta tas alikama.

aYohana 12:31

Kyo̱o̱rna ne a ta to̱ kazatse na amok. Kyo̱o̱rna ne a tin shan rigwo̱m nufe agwo̱m kazatse.

aYohana 13:2

Nizen iya aYeso be álimazhiri wu ta se be iya naya katuk, Ishetan tsang i no̱ riye̱ aYahuza Iskariyot igon aSiman nong a tà no̱o̱k aYeso.

aYohana 13:27

Kum aYahuza tá fa shan abiredi'me ne Ishetan no̱ riye̱ wu. Ayong aYeso fe̱ be wu ye, “Ike̱ng iya wan tan sak ye wan tà nye, nye zizirik.”

aYohana 14:30

Mi tà ba fe̱ rife̱ be yin dide̱ng baꞌ, kamok aner aya a tin nye rigwo̱m nazatse na saase, amma a tin be kubo̱k ni baꞌ.

aYohana 15:19

Ke a fa fe̱ ye yin nye yin áfe kazatse, ke kazatse ta shim yin kamok yin ta nye yin áfu. Kyo̱ndi i ta se, yin nye yin áfe kazatse baꞌ, amma mi ma ka kasa yin kaye̱e̱r áfe kazatse. Iyong ne i sak kazatse ta ka rayin yin.

aYohana 16:11

kuto̱ro̱ng ba se gye̱r ba' natoon amok, kamok a tsang an te̱n aner áfe tin nye rigwo̱m nazatse na amok.

aYohana 7:7

Yin kazatse ta kyem ka ta ka ranyin baꞌ, amma ka ti ramin kamok mi fe̱ ye itomong wu nye imaan'e.

aYohana 8:23

Amma aYeso ya kasho̱o̱n be rife̱ ye, “Yin ne yin kaben; Mi ne naza. Yin nye yin áfe kazatse na, mi nye afe kazatse na baꞌ.

aYohana 8:44

Yin nye yin áfe ada yin, Ishetan. Kamok anong, yin shim tà nye yin ike̱ng iya wu tá shim. Wu nye aner kufe̱s ánerawe kum ni ime̱se̱ng'e. A shim katsak baꞌ, kamok a be katsak'e baꞌ. Izen iya ne a bo̱ naborok, a fe̱ ike̱ng ife i ta nye igo̱o̱n wu, kamok wu nye aner abo̱o̱s, ne a nye ada áfe abo̱o̱s.

Itomong Ámanzo 19:35

Amma aner izibir kuwo̱p'e fe̱ be ánerawe'me ye á ra te gbik, yong á fe̱ ye “Karo̱ kunye itsi Atemis be kuyiik wu ku ta ne naza ku kpa kaben se kaye̱e̱r agbang kuwo̱p na.

Itomong Ámanzo 5:3

Ayong aBitrus fe̱ be wu ye, “Ananiya, akye̱ sak wan won Ishetan tá no̱ kaye̱e̱r riye̱ wan ma a tá ka sak wan bo̱ Kabik Kazhe̱l'e abo̱o̱s i tá sak ribir itso̱m karo̱ wan tá re̱p nukim e̱?

aRom 12:2

Sang tu ba kuus yin kuse kuri kufe kazatse na baꞌ, amma won yin Adakunom ta ka shishing yin kuto̱ro̱ng yin. Be anong ne yin ta shan yin ike̱ng iya Adakunom ta shim, ike̱ng iya i ta nye itek, iya wu tana fok kusas'e ne ike̱ng wu ta shim dim.

1 aKoranti 5:10

Sang mi ti fe̱ natoon aya á ta nye afurin a ta nye rikuna baꞌ, ka áya a ta ye̱re̱k, ka áya a ta be itsang, ka áya a ta kuus ike̱re̱ itsi. Ke i se anong, i nye ye ma yin ta won yin kazatse'me.

1 aKoranti 6:11

Anong ne ákak yin tsang a se, a ra ka kusu yin nong a ta sak yin n te yin zhe̱l. Yin n te yin gye̱r nasho̱o̱n Adakunom kaye̱e̱r riyerek Agwo̱m Ágwo̱m yir aYeso Kiristi ne Kabik Adakunom yir.

2 aKoranti 4:4

Ba kyem a di katsak'e baꞌ, kamok aner aya a tin nye rigwo̱m nazatse na, n whe̱e̱n aye̱ ba. A sak ba kyem á di akanang aya a ta sam'ong baꞌ, a kanang na a ta wuruk kamok Rife̱ Ritek natoon kuyiik aKiristi, wu aya a ta taas Adakunom.

aGalati 1:4

Wu aYeso aya a tá no̱o̱k rice wu kamok rine̱n yir, nong a tin shesh yir kaye̱e̱r amaan izam na. Iyu se anong kaye̱e̱r kushim Adakunom a ta nye Ada yir.

Afisa 1:21

Azong ne aKiristi ti nye rigwo̱m natoon áfe rigwo̱m ne ágwo̱m ne áfe agap ne koakye kuri ike̱ng iya a tin te riyerek nasho̱o̱n, amma ma izen izen.

Afisa 2:11

Kamok anong, yiring yin kuri kusor yin agbugbang. Yin nye yin áner aYahuda baꞌ nutes. Ba áya a ta yis rice ba ye, “áfe izhak'ong” ne á ka yis yin ye, “ashurukur.” Izhak'ong a nye be ibo̱k natoon kuro̱m tse̱k.

Afisa 2:13

Amma kyo̱o̱rna kaye̱e̱r aYeso Kiristi, yin áfe i tá tsang i se yin aza gugo̱k, a be̱ be yin bubarak kamok naso̱k aKiristi makong.

Afisa 2:3

Yir cice̱r, yir i tsang i se yir kyo̱ndi ba gip ne i shim kunye yir ike̱re̱ imaan'e iya aye̱ yir ta shim ne i kuus yir kuse be kuto̱ro̱ng yir. Kyo̱ndi koangan ta se, be anong kaye̱e̱r kuse rinerawe yir gip riye̱ kubeseng Adakunom se natoon yir kyo̱ndi ri ta se natoon ba gip.

Afisa 4:17

Kamok anong, mi ta ko̱ro̱k yin kuto kaye̱e̱r riyerek Agwo̱m Ágwo̱m ye, sang tu ba sor yin kyo̱ndi áfurin ta sor be kuri kuto̱ro̱ng ba kufe rifunam baꞌ.

Afisa 4:22

A tá bo̱so̱p yin'e natoon ye yin riwon yin kuri kuse yin kufe agbugbang nong ta kam yin be kuse yin kuzen ku ta nye kumaan'e, ku ta ka wo̱ro̱k yin i ta nye yin kushim riye̱ yin ma ku ta ra beseng yin.

Afisa 5:6

Sang tu won yin akak ta ka wo̱ro̱k yin be nadirik kamok be kuri rine̱n kuri riyong ne riye̱ kubeseng Adakunom tin tiik natoon áfe kushonong.

Afisa 5:8

Kamok yin tsang i se yin na awhi gbugbang, amma kyo̱o̱rna yin se yin na akanang kamok Agwo̱m Ágwo̱m. Sor yin kyo̱ndi inoon akanang.

Afisa 6:12

Kamok sang kuren yir se be naso̱k be rinam baꞌ, amma be amaan nabik á ta se natoon kaza ne áfe rigwo̱m ne áfe kukyem ne áya rigwo̱m awhi kazatse na ta se nubo̱k ba.

aKolosi 1:21

Gbugbang, yin tsang i se yin gugo̱k be Adakunom ma i te yin ámudo̱n wu kaye̱e̱r aye̱ yin kamok amaan kunye yin.

2 aTimoti 4:10

kamok aDemas min won kamok kushim kazatse na, nong a tá be na aTasalonika, aKirishen be na aGalati, aTitus be aDalmatiya.

aYakub 1:27

Kuren katsak Adakunom kuya Ada yir Adakunom ta sok ye kunye kujel'e nye, ku nisak riye̱ ni nakpiin be akumung kaye̱e̱r risam ba, ne i yiir rice wan fan kazatse ba ka sak ta wondar I se jel.

aYakub 1:7

Aner ayong tu di ye wu ta se̱ ikeng ikak nufe Adakunom baꞌ.

aYakub 4:4

yin áfe i ta nye yin rikuna, yin ren yin ye rifertseng be kazatse nye rimudo̱n be Adakunom aꞌa? Aner aya ne kasa a ta nye rifertseng be kazatse a te amudo̱n Adakunom.

1 aBitrus 1:14

Kyo̱o̱rna yin ta nye yin inoon naya na ta fok kuto, tu won yin ike̱re̱ iya yin tin be yin ife̱ng gbugbang ta sok aye̱ baꞌ. Nizen iyong yin se yin na awhi.

1 aBitrus 4:3

Gbugbang, yin mak tsang i beseng yin izen dide̱ng ninye ike̱re̱ iya áfurin tá nye, ike̱re̱ kyo̱ndi kunye kpe̱de̱ng be kubi ne kufeng be kugbe̱re̱ ne kunye kyo̱ndi ágabu ne kukuus ike̱re̱ itsi.

2 aBitrus 2:14

Á shim ku tse̱se̱k ányining dide̱ng, ma á ro̱n be kunye rine̱n baꞌ. Á tsang á wo̱ro̱k áner aya sang á tan nyeseng be agap baꞌ. Á mak á be kuye̱re̱k dide̱ng. Iri ba ne Adakunom ma ka fiming ba.

1 aYohana 3:10

Ana ne yir tà ren yir áya a ta nye inoon Adakunom be inoon Ishetan. Koangan afe a ta nye ike̱ng i ta se gye̱r baꞌ, ka aya a ta shim aronyining wu afikuus baꞌ, a nye igon Adakunom baꞌ.

1 aYohana 3:8

Amma aya a ta yiir nye rine̱n nye afe Ishetan kamok Ishetan n me̱ ne a nye rine̱n kum ni ime̱se̱ng'e. Iyu ne i sak Igon Adakunom'me tá be̱ nong a tà yirik ike̱re̱ Ishetan'e tá nye cei.

1 aYohana 4:4

Amma yin inoon'i, yin aya mi ta shim, yin nye yin áfe Adakunom. Yin n canang yin aner kuri ayong, kamok Kabik kaya ka ta se kaye̱e̱r yin nar kaya ka ta se kaye̱e̱r kazatse'me.

1 aYohana 5:19

Yir ren yir ye yir nye yir inoon Adakunom ne Ishetan ninye rigwo̱m nazatse na.

1 aYohana 5:4

kamok aner aya a ta nye igon Adakunom n canang kazatse. Ike̱ng i ta sak yir tan canang yir kazatse'me nye kuno̱o̱k katsak yir na aYeso.

Ike̱ng a ta tonong aYohana 12:9

Ayong a barak Kuwhen ame kaben. Wu ne a nye kuwhen kugbazen'e ame a ta yis ye Amaan Aner ka Ishetan ayi. Wu ne a wo̱k kazatse cice̱r nong kazatse ta wei. A tu barak kaben mak be ámaleka wu ame.

Ike̱ng a ta tonong aYohana 13:14

A no̱o̱k kukewum kufe afa'ong kukyem a tin nye ike̱re̱ azhing ne a ni wo̱ro̱k ánerawe kazatse dide̱ng nong a ta kare̱p kukewum kufe ime̱se̱ng'e riye̱. A ta sak ba á ta no̱k ike̱ng ikak i ta tas kukewum kufe ime̱se̱ng ame nong a tin tiyiik kukewum'me a tu ku man be kutsor gip be anong ku bun ku nye kutser.

Ike̱ng a ta tonong aYohana 13:8

Ánerawe á ta se nazatse cice̱r tù ku ya iben, cice̱r áner aya a ta zibir ayerek ba kaye̱e̱r kufumung kutser kuya ku ta nye kufe Aturuk'e baꞌ, aya a ta tse̱e̱r kum nizen a tá nye kazatse.

Ike̱ng a ta tonong aYohana 16:17

Amaleka afe kanataar tseng a ta se misik ike̱ng iya i ta se kaye̱e̱r kakereng kafu natoon kaza. Iyong kuto̱ kukak wuruk be agap kaye̱e̱r agbang kutu kuya Adakunom iben naro̱ itsik rigwo̱m wu ye, “An gang!”

Ike̱ng a ta tonong aYohana 20:2

Ayong a yiir kuwhen ame, kugbazen kuwhen ame, wu ne a ta nye Amaan Aner ka Ishetan ayi. Amaleka ame tú ku rosom ma aye̱ izungu izining.