Afisa 1:1 - Izere New Testament

¹ Mi aBulus, aya i ta te amanzo aYeso Kiristi nushim Adakunom, mi ne i sen ka zibir yin kufumung na yin ázhe̱l'e áya a ta se kaye̱e̱r kuwo̱p Afisa, áya a ta kuus aYeso Kiristi be katsak.

Afisa 1:1 Iomraidhean Croise

aLuka 16:10

“Koangan ne a nye katsak nike̱ng ihiir'e, a tà kyem a nye katsak nigbang'e gip. Koangan ne a nye katsak nike̱ng ihiir'e baꞌ, a tà nye katsak nigbang'e gip baꞌ.

Itomong Ámanzo 16:15

Nizen iya a tú ku nye abatisma be áfekari wu, yong a fe̱ be yir ye i ra tseng yir kari wu. A fe̱ ye, “Ke yin ti sok yin ye mi min no̱o̱k katsak na Agwo̱m Ágwo̱m, to̱ ne yin tseng yin ta se sor yin kari mi.” A sak ma yir shim yir.

Itomong Ámanzo 18:19

Á tá fa se no̱ na Afisa ne aBulus won aBiriskila be Akila azong. A se no̱ nutu aduwa nong a tá ya nanan be ba.

Itomong Ámanzo 18:21

Amma nizen iya a tana ku won ba, a fe̱ ye “Mi ta bun i be̱ ke Adakunom shim.” Ne a dorok nong a tá se no̱ nukpara ashi a ta won Afisa'me.

Itomong Ámanzo 9:13

Amma Ananiya fe̱ ye, “Agwo̱m Ágwo̱m, ánerawe whe̱re̱ min taas itak aner na be kuri kunyeen a tá nyeen ázhe̱l'e na aUshalima.

aRom 1:1

Mi, aBulus i ta nye asam aYeso Kiristi, aya a tin yis nong tá te amanzo wu ne a ti kasa nong ta taas Rife̱ Ritek Adakunom.

aRom 1:7

Mi ta zibir yin'e cice̱r yin aya ita se yin na aRom, yin áya Adakunom ta shim, a tá ka yis yin nong tà te yin ázhe̱l'e. Ritek be kameneng riye̱ riya ri ta nes nufe Adakunom a ta nye Ada yir ne Agwo̱m Ágwo̱m yir aYeso Kiristi se mak be yin.

aRom 8:1

Kamok anong, amok bu kuse natoon áya a ta se kaye̱e̱r aYeso Kiristi baꞌ.

1 aKoranti 4:12

Yir nye yir itomong dide̱ng be ibo̱k yir. Ke akak ti kas yir, ne yir te yir aner'e ritek. Ke a ti tabak yir, ne yir naka tsesek yir.

1 aKoranti 4:17

Kamok anong, mi tà ka tom yin aTimoti, igon mi kaya mi ta shim, aya a ta be katsak nikuus aYeso. Wu tà ka yiring yin kuri kutseng mi ni ikuus aYeso aKiristi, kuya ku ta se tite̱re̱ be ike̱ng iya mi tá bo̱so̱p áfikuus'e koake̱ ne mi tseng naro̱ kuya Adakunom iben.

2 aKoranti 1:1

Mi aBulus, aya Adakunom tin kasa nong ta te amanzo aYeso aKiristi, i ta se yir mak be aronyining yir aTimoti, ne i sen ka zibir yin kufumung na, yin áfikuus Adakunom áya a ta se na aKoranti ne ázhe̱l'e áya ta se niben Akaya cice̱r.

aGalati 1:1

Mi, aBulus, amanzo – aya sang akak ka ánerawe ne a tin yis baꞌ, amma aYeso Kiristi ne Adakunom a ta nye Ada, aya a ta dorok aYeso nure̱k

aGalati 3:26

Yin nye yin inoon Adakunom cice̱r kamok yin ti no̱o̱k yin katsak na aYeso Kiristi.

aGalati 3:28

Akak ba nye afu Yahuda ka aduk'e baꞌ, akak ba nye asam ka a se washak baꞌ, ne akak ba nye aner amitek ka aner abining'e baꞌ, kamok cice̱r yin i nye yin aner azining kaye̱e̱r aYeso Kiristi.

aGalati 3:9

Ibrahim tin no̱o̱k katsak na Adakunom yong a tú ku te kuce̱, anong ne koangan ne ke a ti no̱o̱k katsak na Adakunom, a tu ku te kuce̱ mak be Ibrahim.

Afisa 1:15

Kamok anong, kum mi tá fok itak kuno̱o̱k katsak yin natoon Agwo̱m Ágwo̱m yir aYeso be kuri kushim yin tá shim yin ázhe̱l'e cice̱r.

Afisa 2:10

Kamok yir be rice yir, yir nye yir ike̱ng iya Adakunom'me tá nye. A tin shishing yir kamok aYeso aKiristi nong tá nye yir itomong itek, iya Adakunom'me tá tsang a sak ta nye yir.

Afisa 2:13

Amma kyo̱o̱rna kaye̱e̱r aYeso Kiristi, yin áfe i tá tsang i se yin aza gugo̱k, a be̱ be yin bubarak kamok naso̱k aKiristi makong.

Afisa 2:6

Adakunom ti dorok yir be kutser mak be aKiristi, kamok aYeso aKiristi'me ne yir ti se̱ yir karo̱ kusor kaye̱e̱r kaza.

Afisa 6:21

aTikikus, agbang aronyining yir ne a bun a nye asam Agwo̱m Ágwo̱m, aya a ta be katsak, tà be̱ nufe yin nong a tà ka tak yin koakye natoon kutser'i be kuri ike̱ng mi ta sen nye'me aze.

aKolosi 1:2

yin ároneng ázhe̱l'e, aya a ta be katsak áya a ta se na aKolosi. Ritek be kameneng riye̱ Adakunom a ta nye Ada yir se mak be yin.

Ike̱ng a ta tonong aYohana 17:14

A ta ko̱n itsom be Aturuk'e. Amma Aturuk'e tà ya ágwo̱m na be itsom kamok wu ne a ti nye rigwo̱m natoon ágwo̱m ne a nye agbang Agwo̱m Ágwo̱m. Áya wu tá yis, ne áya wu tá kasa, be áya a tú ku kuus be katsak ta se mak be wu.”

Ike̱ng a ta tonong aYohana 2:10

Sang tu fok inyim risam wan tana so̱ baꞌ. Won ta ka tak, Amaan Aner tà te ákak yin nitso̱m nong a ta ka bo̱mo̱ng yin ne a ka tabak yin ma kuko̱s kuso̱k. Amma nyeseng be agap nong ko a ta ka fe̱r kamok mi, mi tà ka no̱o̱k ishorong kutser kufe izen izen.

Ike̱ng a ta tonong aYohana 2:13

Mi ren wan sor naro̱ Ishetan tu ku nye rigwo̱m. Gip be anong, wan ti kuus be katsak. Sang wan min kirik kama i ta won ku kuni no̱o̱k katsak natoon'i baꞌ, nizen a tá fe̱r Antipas a ta nye asam'i atek nuwo̱p wan, naro̱ kaya Ishetan tú ku se.