aFilipi 4:8 - Izere New Testament

⁸ To̱, ároneng, nigang'e, koakye ike̱ng i ta nye katsak, koakye ike̱ng ánerawe ta di yiik ne koakye ike̱ng i ta se gye̱r, be koakye ike̱ng i ta se zhe̱l ne koakye ike̱ng ánerawe ta shim be koakye ike̱ng i ta be riyerek ritek, kaꞌ, koakye ike̱ng kuse i ta nye itek dide̱ng ne i be nakerek. To̱ yin natoon ike̱ng kuri iyu.

aFilipi 4:8 Iomraidhean Croise

aMatiyu 22:16

Iyong á tom álimazhiri ba ákak ne áner aHiridus ákak nong á tá fe̱ be ye, “Aner kubo̱so̱p, yir ren yir ye, wan nye aner katsak, wan bo̱so̱p ánerawe katsak natoon Adakunom, ánerawe se kuri kuzining nufuan sang wan kasa ka angan nye angan'e baꞌ.

aMarkus 6:20

Kamok aHiridus fok inyim aYohana, ne a ren ye a nye aner a tá be katsak ne a se zhe̱l. Ayong a tú fek, nizen aHiridus tá fok rife̱ aYohana ne a no̱ nudaam dide̱ng, gip be anong a shim a tá ku fok.

aLuka 16:15

aYeso fe̱ be ba ye, “Yin ne i shim yin ánerawe ta ka di yin ye yin nye yin áner katsak, amma Adakunom ren aye̱ yin. Ike̱re̱ ánerawe ta di yiik i se fe̱re̱ nufe Adakunom.”

aLuka 2:25

To̱, aner akak tuse na aUshalima a tú ku yis ye aSiman, afe a tá se gye̱r nasho̱o̱n Adakunom, ne a nye Adakunom itomong. A se be kutor afe a tana be̱ a tsesek Isarela. Kabik Kazhe̱l'e se mak be wu.

aLuka 23:50

Aner Arimatiya akak tuse riyerek wu tá nye aYusufu niben aYahuda, a nye azining kaye̱e̱r áko̱k kasho̱o̱n aner aYahuda. A nye aner atek, ne a se gye̱r nasho̱o̱n Adakunom.

aYohana 7:18

Aner aya a ta fe̱ natoon rice wu fe̱ nong a tà tiyiik rice wu. Amma aya a ta shim a ta tiyiik aya a tú ku tom, ayong ne a nye afe katsak, a be abo̱o̱s baꞌ.

Itomong Ámanzo 10:22

Áner ame fe̱ ye, “Ako̱k kasho̱o̱n ásozha aRom kak, aya a tú ku yis ye aKoneliyus ne a min tom yir. A nye aner aya a ta se gye̱r nasho̱o̱n Adakunom ne a fok inyim Adakunom dide̱ng. Áner aYahuda cice̱r tú di yiik. Amaleka azhe̱l'e akak fe̱ be wu ye a ra fe̱ be wan ye wan ru tseng kari wu nong ase̱ a ta fok ike̱ng iya wan tana fe̱ be wu.”

Itomong Ámanzo 22:12

“Ayong aner akak a tu ku yis ye Ananiya be̱ nong a tin di. A nye aner a ta kuus Itsi dide̱ng aya áner Isarela cice̱r a ta se na aDamaskus tu ku di yiik.

Itomong Ámanzo 6:3

Kamok anong ároneng, kasa yin áner kanataar kaye̱e̱r yin aya a ta ren ike̱ng ne á be kuse kutek ne Kabik Kazhe̱l'e. Yir tà ka won yir ba itomong kukasap naya.

aRom 13:13

Won i tu sor yir kusor kutek kuya ku tana tonong ye yir nye yir aya a ta se kaye̱e̱r akanang, sang ku so̱ iriri ike̱re̱ ne a feng baꞌ, ne a gung rice nong á ta nye ike̱re̱ isum ka ku nye kukpe̱de̱ng'e ne rikuna baꞌ. I tu ko̱ro̱ng yin ka tin no̱ yin kaye̱e̱r rishishim baꞌ.

aRom 13:3

Kamok aner aya a ta tseng gye̱r ta fok inyim rigwo̱m baꞌ, ma ke aya a ta tseng gye̱r baꞌ. Wan shim ta di riye̱ kubeseng áko̱k kasho̱o̱n baꞌ a? To̱, nye ike̱ng iya i ta se gye̱r.

aRom 14:18

Koangan afe a ta nye aKiristi itomong niren iyong, wu ne a kare̱p Adakunom riye̱, ne ánerawe shim anong gip.

aRom 2:29

Aner aYahuda afe katsak ne a nye aya a ta nye áner aYahuda kaye̱e̱r riye̱ wu, izhak ife katsak nye izhak ife Kabik ta nye kaye̱e̱r riye̱, sang ife Itsi aMusa baꞌ. Adakunom ne a kerek aner kuri ayong sang anerawe baꞌ.

1 aKoranti 4:5

Kamok anong tu te̱n yin akak amok kum ne izen'e ruresek baꞌ. Won yin ma Agwo̱m Ágwo̱m yir aYeso be̱. Wu ne a tà be̱ te̱s ike̱re̱ i ta se nawhi ne a tonong ike̱re̱ i ta se kaye̱e̱r aye̱ ánerawe. Nizen iyong ne koangan tà shan nakerek wu nufe Adakunom.

2 aKoranti 13:7

Kyo̱o̱rna, yir nye yir aduwa be Adakunom ye yin ta nye yin ike̱ng ikak imaan'e baꞌ. Sang nong ánerawe ta di ye yir n ya yir kumaas'e baꞌ, amma nong yin ta nye yin ike̱ng iya i ta se gye̱r, ke yir kpas yir.

2 aKoranti 6:8

A ti tiyiik yir ne a bun a te be yir fe̱re̱, a ti kerek yir ne a bun a fe̱ imaan'e natoon yir. I taas yir katsak gip be anong a ti ye̱re̱k yir kyo̱ndi afe naborok

2 aKoranti 8:18

Yir sen ku tom yir mak be aroneng akak aya áfikuus tu ku kerek dide̱ng koakye kamok kuri itomong wu ife kutaas Rife̱ Ritek.

2 aKoranti 8:21

Kamok anong ne yir tsibik yir riye̱ ta nye yir ike̱ng i ta se gye̱r, sang na a wan anyisi Agwo̱m Ágwo̱m tsek baꞌ, amma nanyisi ánerawe gip.

aGalati 5:22

Amma kuse kuri kufe Kabik nye: kushim ne riye̱ rikan be kameneng riye̱ ne ku naka tsesek ne kuse kutek be kunye kutek ne kunye katsak,

Afisa 4:25

Kamok anong koangan kaye̱e̱r yin ra won naborok nong a tà tak afegbak wu katsak, kamok cice̱r yir i nye yir áner aner azining.

Afisa 5:9

(Ritek a ta se̱ nusor akanang nye kunye kutek be kusor kuzhe̱l'e ne kunye katsak)

Afisa 6:14

Kamok anong, nyeseng yin be agap, katsak tu sor ike̱ng kurosom kutin yin ne kuse zhe̱l nye kukpiin kutso̱m kufe itsom yin.

aFilipi 3:1

Ni igang'e ároneng, nye yin riye̱ rikan be Agwo̱m Ágwo̱m yir. I ti daam i ta bun ta ka zibir yin'e natoon ike̱re̱ mi tá tsang ka zibir yin'e gbak baꞌ, amma nong yin tà nyeseng yin be agap.

aKolosi 4:5

Sak yin riye̱ be kutseng yin kaye̱e̱r áner aya sang á ta nye áfikuus baꞌ. Ni nye yin itomong be koakye izen ife yin ta se̱ yin.

1 aTasalonika 4:12

Nong ase̱ kuse yin ta se̱ kuyiik nufe áya sang a ta nye áfikuus baꞌ, ne i bun i se̱ yin ike̱re̱ ife rice yin fan i bin fereng yin na akak.

1 aTimoti 2:2

A ra yiir i nye anong kamok ágwo̱m cice̱r ne áya a tà be agbang itsik cice̱r, nong tà sor yir caang be kameneng riye̱ kaye̱e̱r inyim Adakunom ne i sor yir zhe̱l'e kaye̱e̱r koakye kuse.

1 aTimoti 3:11

Anong ne ányining ádikon'e, á ra nye aner a ta be kuyiik sang áya a ta be imok baꞌ, amma áya a ta yiir rice ba ne á be katsak kaye̱e̱r koakye.

1 aTimoti 3:4

A ra nye aner a ta kyem a ni sak riye̱ na áfekari wu, ne inoon wu ku no̱o̱k kuyiik wu ne á ku fok kuto.

1 aTimoti 4:12

Sang tu won akak ta ka zhe̱e̱sh ye kamok wan ta ru nye acam baꞌ, amma sak riye̱ be rife̱ wan be kuri kutseng wan ne kuri kushim wan be kuno̱o̱k katsak wan ne kuse zhe̱l wan nong ase̱ wan ta sor ike̱ng kumaas nufe áfikuus.

1 aTimoti 5:10

A ra nye aner aya a tu ku ren be kunye kutek kyo̱ndi ku ni sak riye̱ na inoon gye̱r ne kuren kushashang átsen ne a nye áfikuus Adakunom itomong kaye̱e̱r kumees rice ne a tobok áya a ta se nutser ne a ni sak riye̱ wu ninye ike̱re̱ i ta nye itek, a tu ku fa kaye̱e̱r ákumung.

1 aTimoti 5:2

Nye be anyako kyo̱ndi á nye ángo̱ wan, nye be nanamang kyo̱ndi ángasnyining wan be kuto̱ro̱ng kutek natoon ba.

aTitus 1:8

A ra ban a nye aner aya a ta shan átsen ibo̱k ifa dim, ne a shim ku nye ike̱ng iya i ta se gye̱r ne a yiir rice wu ne a be katsak ne a se zhe̱l, ne a mees rice wu.

aTitus 2:14

aYeso ne no̱o̱k rice wu nong a tin sheshek yir kaye̱e̱r amaan kunye yir ne a ni kusu yir nong tá sor yir áfu ne i shim kunye yir ike̱ng iya i ta nye itek.

aTitus 2:2

Bo̱so̱p ásho̱n iren kuse tatan, á ra be kuyiik, á ra be kuyiir rice ne á se gye̱r kaye̱e̱r kuno̱o̱k katsak ba, be kushim kufe katsak ne kutsesek dide̱ng.

aTitus 2:7

Kaye̱e̱r koakye wan sor ike̱ng ba tanin nye kumaas natoon'e be kunye ike̱ng iya i ta nye itek. Kaye̱e̱r kubo̱so̱p wan, nye be riye̱ rizining ne katsak,

aTitus 3:14

Áner yir ra bo̱so̱p kuno̱o̱k ace ba dim nong á ta nye ike̱ng iya i ta nye itek, ne á ren iren kutobok ánerawe na agbang ike̱re̱ ba tà tse̱r. Á tu sor a kpe̱de̱ng kusor baꞌ.

Ibrani 11:2

Iyong ne i sak a tá kerek áner agbugbang.

Ibrani 13:18

Nye yin aduwa kamok yir. Kuto̱ro̱ng riye̱ yir se gye̱r, yir shim ta nye yir ike̱ng iya i ta se gye̱r kaye̱e̱r koakye iren.

aYakub 1:27

Kuren katsak Adakunom kuya Ada yir Adakunom ta sok ye kunye kujel'e nye, ku nisak riye̱ ni nakpiin be akumung kaye̱e̱r risam ba, ne i yiir rice wan fan kazatse ba ka sak ta wondar I se jel.

aYakub 3:17

Amma kukyem ku ta ne naza, nime̱se̱ng'e cice̱r se jel ne kushim kutek be kuto akak, ne kumees rice, be kuro̱ riye̱ kunye kutek kufe katsak dar kushim rice.

1 aBitrus 1:22

Kyo̱o̱rna yin tan sak yin rice yin nong i tá te yin zhe̱l kamok yin tá kuus yin rife̱ Adakunom, shim yin áronyining yin be riye̱ rizining, naka shim yin anong be katsak.

1 aBitrus 2:12

Sor yin kusor kutek kaye̱e̱r áya sang á ta nye afikuus baꞌ. Ba yiir kunye kukun yin gye̱rtatan, amma ke ba di koakye itek yin ta nye yin ánerawe'me, á ta tiyiik Adakunom katuk a tana be̱ to̱ kazatse amok.

1 aBitrus 4:8

Ike̱ng iya i ta nye igbang'e cice̱r nye, naka shim yin dide̱ng, kamok kushim be̱e̱n kure̱ng rine̱n whe̱re̱.

2 aBitrus 3:1

Ároneng, kufumung'i kufe afa na'me. Mi zibir afumung afa'me cice̱r nong ta ka yiring yin'e nong tin nye yin kuto̱ro̱ng gye̱r.

1 aYohana 3:18

Inoon'i, yin aya mi ta shim, kushim yir tuse ni nanu tsek baꞌ, amma i nye yir ike̱ng iya i tana tonong ye yir naka shim yir be katsak.

1 aYohana 3:3

Kamok anong, koangan a tin te riye̱ wu ye wu ta se kyo̱ndi aYeso ne a won kunye rine̱n nong a ta sor zhe̱l kyo̱ndi aYeso'me.

1 aYohana 4:1

Aro̱, yin aya mi ta shim, tin no̱o̱k yin katsak natoon koakye kuri kabik baꞌ, bo̱mo̱ng yin kuri nabik'e nizham nong ta di yin ka na ne nufe Adakunom'me. Kamok áner kuzarap áfe abo̱o̱s kuse whe̱re̱ nazatse kyo̱o̱rna.