aFilipi 4:6 - Izere New Testament

⁶ Sang tu daam yin be ike̱ng ikak baꞌ, amma kaye̱e̱r koakye tak yin Adakunom kudaam yin, be kunye aduwa ne kunye izong, mak be ku tonong riye̱ rikan be Adakunom.

aFilipi 4:6 Iomraidhean Croise

aMatiyu 10:19

Ke á ta yising yin, sang yin tu daam yin be ike̱ng ife yin tana fe̱ yin ka ane̱ ne yin tà fe̱ yin baꞌ. Nizen iyong a tà ka no̱o̱k yin ike̱ng ife yin tana fe̱ yin.

aMatiyu 13:22

Íca'me iya i tá kpas kaye̱e̱r ikiritsan nye aner a ta fok rife̱'me, amma ke izen iya ne kudaam kusor kazatse be kushim kurum tu ku daam ne a beseng.

aMatiyu 6:34

Kamok anong, sang yin tu daam yin be katson baꞌ, katson tà nye rikan rice wu. Koakye kunom be kudaam wu.

aMatiyu 6:8

Sang tu nye yin kyo̱ndi ba baꞌ, kamok Ada yin ren ike̱ng iya yin ta shim yin nizham yin tá ru ku rip yin.

aLuka 10:41

Ayong aYeso fe̱ be wu ye, “aMarta! aMarta! Wan min te riye̱ wan nike̱re̱ dide̱ng ma i no̱ nudaam.

aLuka 12:22

aYeso fe̱ be álimazhiri wu ye, “Kamok anong mi fe̱ be yin ye, tu daam yin be kusor yin baꞌ, be ike̱ng iya yin tana ya yin ka ike̱ng iya yin tana so̱ yin baꞌ, ka ike̱ng iya yin tana te yin baꞌ.

aLuka 12:29

Tin te yin riye̱ natoon ike̱ng iya yin tana ya yin ka tana so̱ yin baꞌ, tu daam yin baꞌ.

aLuka 18:1

aYeso tak álimazhiri wu kumaas na nong a tú ku bo̱so̱p ba ku yiir nye aduwa, sang á tu ro̱n baꞌ.

aLuka 18:7

Aser, Adakunom tà tonong katsak wu natoon aya wu tan kasa, áfe a ta tos nufu katuk be kunom aꞌa? A tà yiir kufe̱ be ba ye, ‘Ma whe̱ nizham’ a?

1 aKoranti 7:21

Wan tsang i nye asam nizham Adakunom ta ra ka yis a? Sang tu daam baꞌ, ke wan ta kyem i wuruk kaye̱e̱r risam'me ne i nye anong.

1 aKoranti 7:32

Mi shim yin tu daam yin baꞌ. Aner aya a ta rusek dar kuwe̱ne̱ng daam be ike̱ng iya i ta nye ife Adakunom dide̱ng, iya i tana kare̱p Adakunom riye̱.

2 aKoranti 1:11

Ni tobok yir be aduwa. Be anong ne ánerawe whe̱re̱ ta nye riye̱ rikan be Adakunom kamok yir, ritek yir tana se̱ yir kamok Adakunom ta fok aduwa ánerawe whe̱re̱ tá nye.

Afisa 5:20

Koakye izen, yiir tosong yin Ada Adakunom riye̱ rikan kamok koakye, kaye̱e̱r riyerek Agwo̱m Ágwo̱m yir aYeso Kiristi.

Afisa 6:18

Yiir inye yin aduwa koakye izen kaye̱e̱r kukyem Kabik. Nye yin aduwa ne i rip yin koakye kuri ike̱ng iya yin ta tse̱r yin. Sor yin be kanye̱k koakye izen ne i ya yin kasho̱o̱n be aduwa kamok ázhe̱l'e.

aKolosi 3:15

Won kameneng riye̱ aKiristi tin nye rigwo̱m kaye̱e̱r aye̱ yin. Kamok kyo̱ndi kuro̱m kuzining ne a tá yis yin nong ta sor yin áfe caang. Sor yin áfe kunye riye̱ rikan be Adakunom koakye izen.

aKolosi 3:17

Koakye ike̱ng iya yin tana nye yin, ko kaye̱e̱r kufe̱ kanu ko kaye̱e̱r kunye ike̱ng, nye yin cice̱r kaye̱e̱r riyerek aYeso Agwo̱m Ágwo̱m, ne i tonong yin Adakunom riye̱ rikan kamok wu.

aKolosi 4:2

Ni te yin riku ninye aduwa, ne i nye yin tatan ne i nye yin riye̱ rikan be Adakunom.

1 aTimoti 2:1

Ni ime̱se̱ng'e, mi tá nye akusuk ye, a ra yiir iya kasho̱o̱n be kunye izong, ne a nye aduwa, ne a tonong riye̱ rikan be Adakunom kamok ánerawe cice̱r.

1 aTimoti 5:5

Abining aya amitek wu tá ku, aya a ta be akak a tana ku tobok baꞌ, a rin te riye̱ wu na Adakunom ne a ya kasho̱o̱n be ku nye aduwa kunom be katuk nong Adakunom tu ku no̱o̱k ike̱ng wu ta shim.

1 aBitrus 4:7

Igang kazatse m be̱ bubarak. Kamok anong, sor yin be kanye̱k ne i yiir yin rice yin gye̱r nong ase̱ ta kyem i nye yin aduwa.

1 aBitrus 5:7

Ku won yin kudaam yin cice̱r kamok wu ne a ti sak riye̱ ni yin.