aFilipi 4:17 - Izere New Testament

¹⁷ Sang i se ye mi fe̱ anong nong yin ta yiir ni nyesek yin ike̱re̱ baꞌ, amma mi shim ishorong Adakunom ta se natoon yin kamok mi.

aFilipi 4:17 Iomraidhean Croise

aYohana 15:16

Sang yin ne i ti kasa yin baꞌ, amma mi ne i tá ka kasa yin, nong ta se tes yin kutes kutek, kuya ku tana sor ma izen izen. Be anong ne Ada mi tà ka no̱o̱k yin koakye ike̱ng iya yin ta rip yin kaye̱e̱r riyerek'i.

aYohana 15:8

Nye yin itomong iya Adakunom ta shim nong tà tonong yin ye yin nye yin álimazhiri wu, kamok iyu ne i tà be̱ be Ada'me kuyiik.

aRom 15:28

Ke mi gang itomong na, mi di kutom na no̱ nubo̱k ba dim, mi ta tseng na Abaniya, amma ta tire̱e̱r nufe yin.

2 aKoranti 11:16

Mi bun i toos'e gbak, ye, sang akak tu sok'e, ye mi dun ritse̱ng baꞌ. Amma ke yin di yin ye mi be ritse̱ng baꞌ, to̱, ne i ni sok yin kyo̱ndi mi nye afunam'e, nong mi ta ma tsor kafok.

2 aKoranti 9:5

Kamok anong ne mi di ye, i ta se gye̱r mi ta nye ároneng'e izong nong á ta be̱ nufe yin nizham mi ta ra be̱, nong á ta nye kanye̱k ku tusung ike̱re̱ yin tan sak ye ta no̱o̱k yin. I tá tonong ye be riye̱ rizining ne yin no̱o̱k yin, sang akak ne a ta te yin agap baꞌ.

aFilipi 1:11

Kamok nong, yin tà shining yin be kuse kuzhe̱l'e a ta se̱ nufe aYeso Kiristi nong ase̱ Adakunom tà se̱ kuyiik be nakerek.

aFilipi 4:11

Sang i se ye mi tse̱r ike̱ng ikak yin baꞌ, mi min me̱ be kusor ko ane̱.

1 aTasalonika 2:5

Yin ren yin ye, sang yir be̱ yir nufe yin be rife̱ re̱m re̱m tsek baꞌ, ka kamok yir ta be yir rinyisi rikan baꞌ, Adakunom ne a ren.

1 aTimoti 3:3

sang a tu nye aner a ta mak a so̱ kugbe̱re̱ baꞌ, sang aner a ta shim kuren baꞌ, a ra nye aner a ta se whiwhe̱ sang a tu nye aner a ta mak a shim itso̱m baꞌ.

1 aTimoti 6:10

Kamok kushim itso̱m ne kunye ritin koakye kuri amaan kunye. Áner ákak kamok kushim itso̱m dide̱ng ma á won kuno̱o̱k katsak ba nong á ta te rice ba kaye̱e̱r amaan risam dide̱ng.

aTitus 1:7

Kum ako̱k kasho̱o̱n ta nye aner itomong Adakunom, a ra nye aner aya sang a tana ku se̱ be ike̱ng ikak imaan'e baꞌ. Sang a tu nye aner aya a ta kok rice naza baꞌ, ka afe riye̱ rife ka aner a ta so̱ kugbe̱re̱ ma a ta feng'e, ka aner a ta shim kuren ka aner aya a ta ma ka shim itso̱m baꞌ.

aTitus 3:14

Áner yir ra bo̱so̱p kuno̱o̱k ace ba dim nong á ta nye ike̱ng iya i ta nye itek, ne á ren iren kutobok ánerawe na agbang ike̱re̱ ba tà tse̱r. Á tu sor a kpe̱de̱ng kusor baꞌ.

Ibrani 6:10

Adakunom won dar a nye gye̱r baꞌ. A tà tiburum be itomong ne kushim yin tú ku tonong yin kuya yin tá tobok yin ánerawe wu baꞌ. Ne i ya yin kasho̱o̱n be kunye anong.

1 aBitrus 5:2

yin rin sak yin riye̱ natoon ánerawe Adakunom áya a ta ma ka won yin'e amana'me nubo̱k. Ni sak yin riye̱ niba be riye̱ rizining kyo̱ndi Adakunom ta shim sang kaye̱e̱r riye̱ kubeseng baꞌ. Sang tu nye yin itomong kamok itso̱m tsek baꞌ, amma kamok ifeng yin ta be yin.

2 aBitrus 2:15

Á won iren itek nong á ta ban á kuus akpe̱de̱ng iren aBalam igon aBeyo, afe a tá shim a ta se̱ ishorong natoon amaan kunye wu.

2 aBitrus 2:3

Kamok kuye̱re̱k ba, á tà ka wo̱ro̱k yin nong á ta ka mo̱o̱r yin be rife̱ re̱m re̱m. Amma kum gbugbang Adakunom ma ka te̱n ba amok riku. Amok ba ku se a sen ka tor ba.

aZhud 1:11

Awo̱ be ba! Á sok kuse aKayinu. Kamok ba tá tse̱r ishorong zizirik á wor á kuus kuri rine̱n riya aBalam tá nye kamok kushim itso̱m. A ta ka fe̱s ba kyo̱ndi a tá fe̱r aKora kamok kushonong.