aFilipi 4:12 - Izere New Testament

¹² Mi ren kuri kusor mi ta sor ke mi se̱ ike̱ng ife mi ta tse̱r baꞌ, mi ren kuri kusor mi ta sor ke mi se̱ dide̱ng. Mi n bo̱so̱p kaye̱e̱r kusor kaye̱e̱r koakye iren iya ne mi se̱ rice mi, be riwha ka be izong ka ke mi be whe̱r ka i se kaye̱e̱r kutser.

aFilipi 4:12 Iomraidhean Croise

aMatiyu 11:29

Kuus yin ike̱ng iya mi ta fe̱, i bo̱so̱p yin nunaan, kamok mi se whiwhe̱ ne i be kabik kumees rice, yin ta se̱ yin kameneng riye̱.

aMatiyu 13:52

Ayong aYeso fe̱ be ba ye, “Kamok anong, koangan aner kubo̱so̱p Itsi aya a ta mu ku tak itak rigwo̱m kaza se kyo̱ndi atekasa a tana turung ike̱re̱ izen be ifas wu tan tusung nong a tin nye itomong.”

2 aKoranti 10:1

Mi aBulus be rice mi, mi ta nye yin izong, mi aya ánerawe ti sok ye, “Aner kumees rice” ke mi se mak be yin, amma “Aner ku firik ánerawe” ke mi se be yin baꞌ. Mi ta nye yin izong kaye̱e̱r kumees rice be kuse kutatan aKiristi,

2 aKoranti 10:10

Kamok ákak fe̱ ye, “Afumung wu ro̱ ne a be agap, amma ke wan tu di a tas aner a tana kyem a fe̱ ike̱ng ikak be agap anong baꞌ.”

2 aKoranti 11:27

Mi n nye itomong dide̱ng, mi n so̱ risam dide̱ng, mi n so̱ kuko̱s dar ida, mi n so̱ kusor be izong be kuto̱ kukoor nizen ikak dar naya, kuwun ti shirim ne i sor ica'me.

2 aKoranti 11:7

Yin di yin ye mi nye rine̱n, mi ta te fe̱re̱ be rice mi nong ta ka sok yin yiik, mi ta ka taas yin Rife̱ Ritek Adakunom na awarak a?

2 aKoranti 11:9

Izen iya mi ta se mak be yin, mi be kudaam ike̱ng ikak, gip be anong mi tá ka daam yin baꞌ. Ároneng áfe a ta ne na aMakidoniya ne á ti be̱e̱n ike̱re̱ mi ta tse̱r. Mi rosom riye̱ fan mi ba ka sor yin kudaam, mi ta ya kasho̱o̱n be kunye anong.