aFilipi 4:1 - Izere New Testament

¹ Kamok anong, ároneng afe riye̱ mi, aya mi ta min te riye̱ ke mi ka di yin ne mi ni be riye̱ rikan ne mi niya kuka, ye i ra nyeseng yin kpa ni ikuus Agwo̱m Ágwo̱m yir aYeso. Yin áya mi ta shim.

aFilipi 4:1 Iomraidhean Croise

aMatiyu 10:22

Ánerawe cice̱r tà ka ranyin kamok mi, amma aner aya ne a nyeseng be agap ma nigang'e, a tà se̱ kashesh.

aYohana 8:31

Ayong aYeso fe̱ be áner aYahuda áya a tin no̱o̱k katsak ni wu ye, “Ke yin kuus yin kubo̱so̱p'i, to̱, yin nye yin álimazhiri mi áfe katsak.

Itomong Ámanzo 11:23

Nizen iya a tá se no̱, a di ritek Adakunom ta se mak be ba ne riye̱ wu kare̱p. Ayong a fe̱ be ba ye á ra yiir iren Agwo̱m Ágwo̱m be katsak be riye̱ rizining.

Itomong Ámanzo 14:22

ne á tsang á tsesek áfikuus ne a ku nyesek ba itabak ye á ra yiir rife̱ riya ba ta min no̱o̱k katsak be agap. Ne á fe̱ ye “Ma be risam dide̱ng nizham yir tà ra no̱ yir kaye̱e̱r rigwo̱m Adakunom.”

Itomong Ámanzo 2:42

Á ti te rice ba nike̱ng iya ámanzo tá ka bo̱so̱p ba'me ne á nyiis naro̱ kazining ne á ya Azhibi naro̱ kazining ne a nye aduwa mak.

aRom 2:7

Áner áya a ta tsesek kaye̱e̱r kunye ike̱re̱ itek nong a ta se̱ nakerek be kuyiik ne kutser kufe izen izen, ba ne Adakunom tà ka no̱o̱k ba ishorong kutser kufe izen izen.

1 aKoranti 15:58

Kamok anong ároneng'i mi ta shim, nyeseng yin be agap, tu te yin tuk tuk baꞌ. No̱o̱k yin rice yin nong ta nye yin itomong Agwo̱m Ágwo̱m yir aYeso dide̱ng koakye izen, kamok yin ren yin ye itomong yin ta nye yin kamok Agwo̱m Ágwo̱m yir aYeso se bap baꞌ.

1 aKoranti 16:13

Sor yin be kanye̱k, nyeseng yin gye̱r kaye̱e̱r kuno̱o̱k katsak yin, Sor yin áner ku naka tsesek, nyeseng yin be agap.

2 aKoranti 1:14

yin ta se̱ yin rikpa koakye nong katuk kaya Agwo̱m Ágwo̱m yir aYeso tana be̱, yir tin tsor yir kafok be wu kyo̱ndi yir tanin ya yir kuka be yin.

aGalati 5:1

Kamok nong ta sor yir ne̱k ne i sak aKiristi ti tun yir kaye̱e̱r kukuus Itsi. Kamok anong nyeseng yin be agap, sang tu ba sor yin kyo̱ndi ásam baba baꞌ.

aFilipi 1:27

Koakye ne i nye, sor yin kusor ku ta taas kufe áner a tanin no̱o̱k katsak Rife̱ Ritek aKiristi. Mi ta be̱ ta ka di yin, ka ta fok itak yin tsek, nong mi ta ren ye yin n gung yin rice be kuto̱ro̱ng kuzining.

aFilipi 1:8

Adakunom ren kuri kuto̱ mi ta to̱ natoon yin cei, be kuri kushim aYeso tin shim yir.

aFilipi 2:16

Taas yin rife̱ kutser kaye̱e̱r katsak nong ba tà ren Adakunom, nong ase̱, mi tin tsor kafok be yin katuk kube̱ aKiristi, fan itomong'i bun te kpe̱de̱ng.

aFilipi 2:26

Kyo̱o̱rna, mi bun i shim i tù ku tom nufe yin kamok a mu ku te ke a ka di yin cice̱r ma an daam dide̱ng kamok yin tá fok yin ye, sang wu nye atser baꞌ.

aKolosi 4:12

Abafaras a ta nye azining kaye̱e̱r yin ne a bun a nye asam aYeso Kiristi ta nye yin ashou. A yiir rus ne a ka nye yin aduwa dide̱ng koakye izen nong yin ta kyem i nyeseng yin be agap ne i nye yin ike̱ng iya Adakunom ta shim. Kyo̱ndi áya a ta min no̱o̱k katsak na Adakunom be riye̱ rizining.

1 aTasalonika 3:13

Won wu tu sak yin tu nyeseng yin be agap kaye̱e̱r aye̱ yin ne i sor yin zhe̱l, fan ákak bu fe̱ ike̱ng ikak imaan'e natoon yin nasho̱o̱n Ada yir Adakunom nizen Agwo̱m Ágwo̱m yir tana bun a be̱ mak be ázhe̱l'e áfu cice̱r.

2 aTasalonika 2:15

Kamok anong, ároneng, nyeseng yin be agap, yiir yin ike̱re̱ yir tá ka bo̱so̱p yin'e, iya yir tá fe̱ yir be kanu ne iya yir tá zibir yir ayi.

2 aTimoti 2:1

Kamok anong, wan igon'i, nyeseng kpa kaye̱e̱r ritek riya ri ta se kaye̱e̱r aYeso Kiristi.

Ibrani 10:23

Won yir tu yiir yir ike̱ng iya yir ta min te yir riye̱, iya i ta taas yir, kamok wu afe a ta fe̱ ye wu tin nye yir ike̱re̱ na shishing rife̱ wu baꞌ.

Ibrani 3:14

Yir ta te yir azining be aYeso ke i yiir yir katsak yir ta be yir kum ni ime̱se̱ng'e kpa ma nigang'e.

Ibrani 4:14

Kamok anong, kum yir ta be yir agbang atsi ayiik'e, aYeso Igon Adakunom, aya a ta tseng naza, won i tu yiir yir kuno̱o̱k katsak yir be agap dide̱ng.

2 aBitrus 3:17

Amma yin ároneng áfe riye̱ mi, kum yin tá ren yin ike̱re̱ na, to̱, sak yin riye̱ be kuri áner á ta gaar kukuus Adakunom, fan kubo̱so̱p ba kufe abo̱o̱s ba ka ko̱ro̱k yin nong ta won yin iren yin itek iya yin ta min nyeseng yin be agap.