aFilipi 3:2 - Izere New Testament

² Nye yin tatan be ágabu'ong, áfe á ta nye ámaan ike̱re̱. Á tsang á tse̱k iro̱m ba kpe̱de̱ng ye, ba sen naka nye izhak.

aFilipi 3:2 Iomraidhean Croise

aMatiyu 24:10

Nizen iyong, ánerawe whe̱re̱ tà won kuno̱o̱k katsak ba ne á naka wosong nibo̱k ámudo̱n ba ne á naka shishim.

aMatiyu 7:15

“Nye yin tatan be áner kuzarap áfe abo̱o̱s. Á be̱s nufe yin be kuse itsamang, amma katsak'e, á se kyo̱ndi ámaan ágabu katse.

aMatiyu 7:6

“Sang tu no̱o̱k yin agabu ike̱ng iya i ta se zhe̱l baꞌ, sang tu barak yin álade ata yin áfe itso̱m baꞌ. Ke yin nye yin anong, á tà shesh ne i kirik i ta bu i tà ka marang yin.

aRom 2:28

Aner aYahuda afe katsak nye aner aya a tu ku nye izhak nuro̱m tsek baꞌ. Izhak ife katsak ne i nye izhak iya a ta tse̱e̱r aner tsek baꞌ.

2 aKoranti 11:13

Kamok áner kuri ayong nye ámanzo abo̱o̱s, áfe itomong abo̱o̱s. Á ta sok rice ba kyo̱ndi ámanzo aKiristi.

aGalati 5:13

Ároneng, a ta yis yin nong ta sor yin ne̱k, amma sang tu sok yin kusor ne̱k'e nong i ta sor iren afe yin tana nye yin ike̱re̱ iya kuro̱m yin ta shim baꞌ, amma naka tobok yin kaye̱e̱r kushim.

aGalati 5:15

Amma ke yin yiir ko̱ro̱ng yin ne i naka ros yin kyo̱ndi agabu, sak yin riye̱ ke anong baꞌ, cice̱r yin ta wei yin.

aGalati 5:6

Kamok ke yir se yir kaye̱e̱r aYeso Kiristi, ku nye yir izhak ka ku won dar ku nye'me, sor ike̱ng ikak baꞌ, ike̱ng i ta nar nye kuno̱o̱k katsak a ta kyem a di kaye̱e̱r kushim.

aFilipi 3:19

Igang ba nye á tà wei, adakunom ba nye nafa ba. Á ni tsor kafok ni itomong isum ba. Aye̱ ba se natoon ike̱re̱ kazatse tsek.

aFilipi 3:3

Kamok yir ne i nye yir áner a tú ku nye ba izhak ife katsak áya i ta ya yir Adakunom iben kaye̱e̱r Kabik wu. Ne i ni tsor yir kafok nuyiik aYeso Kiristi, áya afe sang i tin fereng yir ni itomong kuro̱m yir baꞌ.

1 aTimoti 1:19

yiir kuno̱o̱k katsak wan ne i sor be riye̱ rizining. Ákak shim ike̱re̱ iyong baꞌ, iyong kuno̱o̱k katsak ba beseng.

aTitus 1:16

Áner kuri ayong fe̱ ye ba ren Adakunom amma kunye ba tonong ye ba ren Adakunom baꞌ. Kunye ba se kye̱re̱, á shonong, á kyem á nye ike̱ng ikak itek baꞌ.

2 aBitrus 2:22

Ike̱re̱ ba tá nye'ong se kyo̱ndi kare̱e̱r rife̱ a ta fe̱ ye, “Agabu kos ne a bun a re̱s rikos wu.” Kare̱e̱r rife̱'me kakak bun ka fe̱ ye, “A so álade ne a bun a kubun a ta se biring kaye̱e̱r ame̱re̱sh.”

aZhud 1:4

Mi fe̱ anong, kamok áner kuri ákak n no̱ kaye̱e̱r yin kyo̱o̱n. Á fok inyim Adakunom baꞌ. Á sok ritek Adakunom nong ri ta te iren kunye kpe̱de̱ng. Á ton'e aYeso Kiristi ye sang wu ne a nye Atekasa ne a nye Agwo̱m Ágwo̱m yir baꞌ. Kum gbugbang a tsang a zibir ye a tú ku to̱ ba amok.

Ike̱ng a ta tonong aYohana 2:9

Mi ren kuri risam wan tin se. Mi bun i ren rizor wan, amma wan nye arum'e kaye̱e̱r kabik. Mi ren kuri amaan rife̱ riya áfe a ta sok ace ba ye ba nye áner Adakunom, amma sang ba ra nye baꞌ, tin fe̱ natoon wan. Á nye áner Ishetan.

Ike̱ng a ta tonong aYohana 21:8

Áner aya a tá fok inyim be áfe a tá gaar kuno̱o̱k katsak ne áfe amaan kunye ne áfe kufe̱s ánerawe be áfe kunye rikuna be áfe a tá ya kukur, be áfe a ta ya ike̱re̱ iduk iben cei be áfe abo̱o̱s, karo̱ kusor ba se kaye̱e̱r icen kuro̱ng be itong ikan i ta se kyo̱ndi ife abindiga. Iyu ne i ta nye riku rife̱ afa.”

Ike̱ng a ta tonong aYohana 22:15

Áfe a tana sor nufang'e ne á nye áner aya kunye ba ta tas kufe ágabu, áfe a ta nye kubok, áfe a ta nye rikuna be áfe kufe̱s ánerawe ne áfe kuya ike̱re̱ iduk iben be áfe a ta shim kubo̱s abo̱o̱s.

Ike̱ng a ta tonong aYohana 3:9

Mi tà sak áner Ishetan, áya a tá fe̱ ye ba nye áner aYahuda, amma sang á ra nye baꞌ, á be abo̱o̱s, mi tà ka sak ba á ta be̱ kpas natak wan ne á ren ye mi ta shim.