aFilipi 3:19 - Izere New Testament

¹⁹ Igang ba nye á tà wei, adakunom ba nye nafa ba. Á ni tsor kafok ni itomong isum ba. Aye̱ ba se natoon ike̱re̱ kazatse tsek.

aFilipi 3:19 Iomraidhean Croise

aMatiyu 16:23

Amma aYeso kirik a tá fe̱ be wu ye, “Kam be mi, Ishetan, wan sor ike̱ng mi tanin turuk kutak. Wan to̱ natoon ike̱re̱ iya Adakunom ta shim baꞌ, ma ife rinerawe.”

aMatiyu 25:41

“Ne a fe̱ be áya a ta se nubo̱k rimen wu ame ye, ‘Kam yin be mi, yin aya a tá ma ka fiming yin, no̱ yin kaye̱e̱r kuro̱ng kufe izen izen, kuya a ta tsang a nye kamok Ishetan be ámaleka wu.

aLuka 12:19

Ne mi ma fe̱ riye̱ mi ye, “Mi be ike̱re̱ itek nusak ife aye̱ whe̱re̱. Sor ne̱k, ya ne i so̱, ne inye riye̱ rikan.” ’

aLuka 16:19

“Arum akak tuse afe a tá tes ares atek afe itso̱m, ne a fok kusas kusor ye̱r ye̱r kamok kurum wu tá be.

aLuka 18:4

“Ni ime̱se̱ng'e a rawu, nigang'e a bun a fe̱ ye, ‘Mi fok inyim Adakunom baꞌ, ne i ti daam be ánerawe baꞌ, gye̱rtatan,

aRom 16:18

Kamok sang áner kuri ayong nye Agwo̱m Ágwo̱m yir aKiristi itomong baꞌ. Á nye nafa ba'me tsek. Á ren kanu ne á fe̱ re̱m re̱m ne á ti wo̱ro̱k ánerawe aya sang a ta ren ike̱ng ikak natoon'e baꞌ.

aRom 6:21

Akye̱ kuri ishorong ne yin tà se̱ yin kaye̱e̱r ike̱re̱ iyong i ta sen ka no̱o̱k yin isum kyo̱o̱rna e̱? Ike̱re̱ iyong be̱e̱n riku!

1 aKoranti 3:3

Yin ru be yin kuto̱ro̱ng rinerawe kamok yin ru be yin rishishim ne i ko̱ro̱ng yin. Aser, iyong tonong ye yin ru be yin kuto̱ro̱ng rinerawe aꞌa? Kunye kuyong nye kuse rinerawe aꞌa?

1 aKoranti 5:2

ne yin ni iya yin kuka. Gye̱r ke i ka daam yin, ne i tun yin aner aya a tá nye ike̱ng kuri iyong kaye̱e̱r yin aꞌa?

1 aKoranti 5:6

Kuka yin nye kutek baꞌ. Aser, yin ren yin ye ayisti cie̱k ne a sak nakan'e kusum ta dorok aꞌa?

2 aKoranti 11:12

Mi ta ya kasho̱o̱n be kunye ike̱ng iya mi ta sen nye'me nong ta te̱ne̱ng áya a ta sen tse̱r iren kumaas rice ba tite̱re̱ be yir nike̱ng iya ba tin ya kuka.

2 aKoranti 11:15

Kamok anong i nye ike̱ng ikak baꞌ, ke ásam wu sok rice ba kyo̱ndi ásam Adakunom áfe katsak. Ni igang'e á ta se̱ ishorong itomong ba tite̱re̱ be kunye ba.

aGalati 6:13

Áfe a tu ku nye ba izhak'e gip, kuus Itsi'me baꞌ, gip be anong ba shim ke yin nye yin nong ba tin nye kuka ni yin.

aFilipi 2:21

Kamok mi di koangan aze daam be ike̱re̱ riye̱ wu tsek sang ife aYeso Kiristi baꞌ.

aKolosi 3:2

Ni te yin riye̱ natoon ike̱re̱ iya i ta se kaye̱e̱r kaza sang ife kazatse baꞌ.

2 aTasalonika 1:9

Á tù ku te̱n ba amok riku rife izen izen, á tù ku ro ba nasho̱o̱n Agwo̱m Ágwo̱m'me ne nasho̱o̱n kukyem kuyiik wu.

2 aTasalonika 2:12

nong ase̱ a tà to̱ áya a tá gaar ku nino̱o̱k katsak amok cice̱r, ne á ta shim amaan kunye.

2 aTasalonika 2:8

Nizen iyong ne a tà di agwo̱m kushonong ame, aya Agwo̱m Ágwo̱m yir aYeso tana ku fe̱r be isong kanu wu, ne a ku beseng be kuyiik wu nizen wu tana be̱.

1 aTimoti 6:5

ne á ya nanan be áya a ta be akpe̱de̱ng kuto̱ro̱ng ne katsak kam be ba. Ba di ye kusor kuri kuya Adakunom ta shim nye iren ikak ife ba tana se̱ itso̱m.

2 aTimoti 3:4

ne á naka mo̱o̱r ne á shim kunye ike̱re̱ gbashak ne á kok rice naza ne á shim ike̱re̱ kazatse ne inar Adakunom,

aYakub 4:16

Kyo̱ndi i ta se, yin nye yin kuka ne i kok yin rice naza, Cice̱r iriri kuka nye imaan'e.

2 aBitrus 2:1

Kyo̱ndi áner kuzarap áfe abo̱o̱s tú ku se kaye̱e̱r ánerawe Adakunom'me gbugbang, anong ne áner kubo̱so̱p áfe abo̱o̱s ákak tà wuruk kaye̱e̱r yin. Á ta be̱s be kubo̱so̱p kukak kyo̱o̱n, á ta bo̱so̱p ánerawe abo̱o̱s ma á tù ku beseng ba ma ánerawe tà gaar Agwo̱m Ágwo̱m aya a tá ka shesh ba. Ku nye anong ta sak ba be rice ba ta kpa zizirik.

2 aBitrus 2:13

A tà ka karang ba be risam kamok ba no̱o̱k ákak risam. Ba fok kusas'e kunye ike̱re̱ isum kyo̱ndi agabu natite kunom. Kusor ba be yin nye ike̱ng isum ne ku nye amaan ike̱ng, á yas mak be yin gye̱rtatan nama anong ne á nye ike̱re̱ isum'ong.

2 aBitrus 2:3

Kamok kuye̱re̱k ba, á tà ka wo̱ro̱k yin nong á ta ka mo̱o̱r yin be rife̱ re̱m re̱m. Amma kum gbugbang Adakunom ma ka te̱n ba amok riku. Amok ba ku se a sen ka tor ba.

aZhud 1:10

Amma áner na fe̱ imaan'e natoon ike̱ng iya ba ta ren igak'e baꞌ. Ba ren ike̱re̱ na kamok ba ta kuus ike̱re̱ iya aye̱ ba tá ka no̱o̱k ba tsek, kyo̱ndi ikewum dar kuto̱ro̱ng. Kuse kuri kuyong tú ku fe̱s ba.

aZhud 1:16

Áner ayong be anyinye̱m ne á yiir rife̱ natoon ánerawe. Á kuus amaan kuto̱ro̱ng aye̱ ba tse̱k ne á ko̱k rice naza. Á ta wo̱ro̱k ánerawe be rife̱ re̱m re̱m nong á ta se̱ ike̱ng iya ba ta shim nufuba.

aZhud 1:4

Mi fe̱ anong, kamok áner kuri ákak n no̱ kaye̱e̱r yin kyo̱o̱n. Á fok inyim Adakunom baꞌ. Á sok ritek Adakunom nong ri ta te iren kunye kpe̱de̱ng. Á ton'e aYeso Kiristi ye sang wu ne a nye Atekasa ne a nye Agwo̱m Ágwo̱m yir baꞌ. Kum gbugbang a tsang a zibir ye a tú ku to̱ ba amok.

Ike̱ng a ta tonong aYohana 18:7

Ku no̱o̱k yin risam dide̱ng be riye̱ riwe te̱re̱ be kuyiik ne kushim kusas kusor kazatse wu tá shim kuno̱o̱k rice wu. Kaye̱e̱r riye̱ wu a yiir ya kuka ye, ‘Mi sor kyo̱ndi agwo̱m. Mi nye akumung baꞌ, mi ta wor i nye riyo̱m baꞌ.’

Ike̱ng a ta tonong aYohana 19:20

Ayong a yiir kukewum ame mak be aner kuzarap abo̱o̱s aya a ta nye ike̱re̱ azhing be riyerek kukewum ame. Kamok ike̱re̱ azhing'e iyong ne i wo̱ro̱k áfe a tá be izizo̱ kukewum ame ne á ya ike̱ng kukewum'me ta nye iben. Cice̱r ba a tá barak ba be kutser kaye̱e̱r icen kuro̱ng kuya ku ta cishek dide̱ng ne itong ikak kyo̱ndi ife abindiga.

Ike̱ng a ta tonong aYohana 21:8

Áner aya a tá fok inyim be áfe a tá gaar kuno̱o̱k katsak ne áfe amaan kunye ne áfe kufe̱s ánerawe be áfe kunye rikuna be áfe a tá ya kukur, be áfe a ta ya ike̱re̱ iduk iben cei be áfe abo̱o̱s, karo̱ kusor ba se kaye̱e̱r icen kuro̱ng be itong ikan i ta se kyo̱ndi ife abindiga. Iyu ne i ta nye riku rife̱ afa.”

Ike̱ng a ta tonong aYohana 22:15

Áfe a tana sor nufang'e ne á nye áner aya kunye ba ta tas kufe ágabu, áfe a ta nye kubok, áfe a ta nye rikuna be áfe kufe̱s ánerawe ne áfe kuya ike̱re̱ iduk iben be áfe a ta shim kubo̱s abo̱o̱s.