aFilipi 3:12 - Izere New Testament

¹² Sang i se ye mi n wor i se̱ ike̱re̱'ong cei ka mi fe̱ ye mi n shining cei baꞌ, amma mi ya kasho̱o̱n be kucan kaye̱e̱r kuno̱o̱k katsak'i, nong ta se̱ ike̱ng iya aYeso Kiristi tin yis mo.

aFilipi 3:12 Iomraidhean Croise

aMatiyu 5:48

Kamok anong, shining yin, kyo̱ndi Ada yin afe a ta se kaye̱e̱r kaza ta shining.

Itomong Ámanzo 9:15

Amma Agwo̱m Ágwo̱m fe̱ be Ananiya'me ye, “Tseng, aner na nye ares itomong'i aya mi tá kasa nong a tà tseng be riyerek'i nufe áya sang a ta nye áner aYahuda baꞌ be ágwo̱m ba ne áner Isarela ren.

aRom 8:39

ka kuso̱p'e ka kutsik'e ka koakye kuri ike̱ng Adakunom ta nye, ike̱ng ikak kuse i tana kyem i tin kam yir be kushim afe Adakunom tin shim yir kaye̱e̱r aYeso Kiristi Agwo̱m Ágwo̱m yir baꞌ.

1 aKoranti 13:10

Izen iya ife i tà shining be̱, iya i tá shining baꞌ me tà wei.

1 aKoranti 13:12

Kyo̱o̱rna ike̱re̱ yir ta ye̱re̱k yir se kanang baꞌ. Katuk kayong yir ta ye̱re̱k yir koakye kanang. Kyo̱o̱rna kuren ike̱ng'i shining baꞌ, katuk'ong mi tà ren koakye kyo̱ndi Adakunom tin ren.

1 aKoranti 9:24

Aser, yin ren yin ye ke a ta maas itsi, cice̱r áfe itsi'me teng gye̱rtatan amma aner azining ne a ra ya itsi'me aꞌa? Kamok anong teng yin kyo̱ndi yin tà ya yin itsi'me.

2 aKoranti 13:9

Yir nye yir riye̱ rikan ke yir se yir gbe̱re̱k, amma ne yin se yin gbugbong. Yir nye yir aduwa ye yin ta shining yin.

2 aKoranti 7:1

Ároneng afe riye̱ mi, kum yir tan se̱ yir rife̱ Adakunom anong. Kamok anong, won i tu kam yir be ike̱ng i tana sak kuro̱m yir ne kabik yir tana won dar se zhe̱l, won i tu sor yir zhe̱l dar rizik kamok inyim Adakunom.

aGalati 5:17

Kamok kuse rinerawe shim ike̱re̱ iya i ta nye ife Kabik baꞌ ne Kabik shim ike̱re̱ iya i ta nye ife kuro̱m baꞌ. Kuse iri ifa na nye aner be amudo̱n. Iyong ne isak yin kyem i nye yin ike̱re̱ yin ta shim ke i nye yin baꞌ.

Afisa 1:4

Kamok kum ne Adakunom n tsang a nye kazatse nizham baꞌ, a tsang a ni kasa yir nong a tin gung yir mak be aKiristi, nong ta se yir zhe̱l ne i se yir dar rizik nasho̱o̱n wu. Kamok wu tin shim yir,

Afisa 4:12

A nye anong, nong a tá nye kanye̱k áner Adakunom tu ku nye itomong ne a no̱k kuro̱m aKiristi.

aFilipi 1:1

Mi, aBulus ne aTimoti, i ta nye yir ásam aYeso Kiristi, ne i sen ka zibir yin kufumung na yin azhe̱l cice̱r áya a tá kuus aYeso Kiristi na aFilipi. Yir bun i nye shou yir áko̱k kasho̱o̱n ikilisiya ne ádikon.

aFilipi 3:16

Ike̱ng iya i ta nye igbang'e nye, yir tu sor yir kyo̱ndi Adakunom ta shim.

aFilipi 3:3

Kamok yir ne i nye yir áner a tú ku nye ba izhak ife katsak áya i ta ya yir Adakunom iben kaye̱e̱r Kabik wu. Ne i ni tsor yir kafok nuyiik aYeso Kiristi, áya afe sang i tin fereng yir ni itomong kuro̱m yir baꞌ.

aFilipi 3:8

Akye̱ nar anong'e, mi sok koakye kyo̱ndi ike̱ng ikak baꞌ ke mi ti maas be kuren aYeso Kiristi a ta te Agwo̱m Ágwo̱m mi. Mi nyosong ike̱re̱'ong cei kamok wu. Mi sok cei kyo̱ndi awha nong ta se̱ aKiristi,

1 aTasalonika 5:15

Sak yin riye̱, sang tu ku karang yin imaan'e be rimaan'e baꞌ. Amma koakye izen se yin gye̱r be áfudang yin ne ánerawe cice̱r.

2 aTasalonika 2:13

Ároneng, gye̱r ke yir nye yir riye̱ rikan be Adakunom ye̱r ye̱r kamok yin, yin áya Agwo̱m Ágwo̱m ta shim kamok kum ni ime̱se̱ng'e Adakunom tá kasa yin nong ta se̱ yin kashesh ne ku te zhe̱l kamok itomong Kabik ne kamok kuno̱o̱k katsak yin be agap.

1 aTimoti 5:10

A ra nye aner aya a tu ku ren be kunye kutek kyo̱ndi ku ni sak riye̱ na inoon gye̱r ne kuren kushashang átsen ne a nye áfikuus Adakunom itomong kaye̱e̱r kumees rice ne a tobok áya a ta se nutser ne a ni sak riye̱ wu ninye ike̱re̱ i ta nye itek, a tu ku fa kaye̱e̱r ákumung.

1 aTimoti 6:19

Ke ba nye anong ne a ta tusung ike̱re̱ itek kamok rice ba kaye̱e̱r kaza ne i sor agbang kanye̱k kamok izen i ta saase nong ase̱ yin ta se̱ yin kutser ku ta nye kufe katsak.

Ibrani 12:14

Nye yin koakye ike̱ng yin tana kyem a nye yin nong ta sor yin caang be ánerawe cice̱r ne i sor yin zhe̱l kamok aner akak ta kyem a di Agwo̱m Ágwo̱m baꞌ, sang ke a se zhe̱l baꞌ.

Ibrani 12:23

Yin n be̱ yin kaye̱e̱r áfikuus, áya a ta nye inoon nafe ife ime̱se̱ng'e áya ayerek ba ta se nuzibir kaye̱e̱r kaza. Yin n be̱ yin nufe Adakunom aya a tana to̱ ánerawe cice̱r amok ne nufe nabik áner aya a ta se zhe̱l, áya a ta shining gye̱r.

Ibrani 13:21

ta ka no̱o̱k yin koakye ike̱ng i ta nye itek, nong ta nye ike̱ng iya wu ta shim. Won wu tu nye ike̱ng iya i tu ku se gye̱r be yir kaye̱e̱r aYeso Kiristi. Won kuyiik tu sor kufu ma izen izen. Anong!

aYakub 3:2

Yir cei i taam yir niren ze̱r ze̱r, ke akak taam nikeng iya wu ta fe̱ baꞌ, i nye ye wu se ryong, a ta kyem a nisak riye̱ rice wu cei.

1 aBitrus 5:10

Nama yin so̱ yin risam nizen cie̱k, Adakunom aya a ta be ritek cice̱r aya a tá ka yis yin nong ta se̱ yin kuyiik wu kufe izen izen kaye̱e̱r aKiristi be rice wu tà ka sak yin ta se yin gye̱r ne a ka tsesek yin ne a ka sak yin ta nyeseng yin be agap dide̱ng.

2 aBitrus 3:18

Amma ban i ni barang yin kuya kasho̱o̱n kaye̱e̱r ritek ne kuren Agwo̱m Ágwo̱m yir aYeso Kiristi, Aner Kashesh ingya. Kuyiik ra sor kufu kyo̱o̱rna ma izen izen. Anong!