aFilipi 3:10 - Izere New Testament

¹⁰ Mi shim ta ren aKiristi, mi shim tù ku ren be kukyem wu a tin dorok nure̱k ne mi gung rice be wu kaye̱e̱r risam wu ne riku wu.

aFilipi 3:10 Iomraidhean Croise

aMatiyu 20:23

Ayong aYeso fe̱ be ba ye, “Yin ta so̱ yin gye̱r, amma kusor nubo̱k riya ka nubo̱k rimen, i nye karo̱ mi tana no̱o̱k akak baꞌ. Ada mi ne a nye karo̱ kayong kamok áya wu tá tsang a kasa.”

aYohana 10:18

Akak ta kyem a sok kutser'i baꞌ. Be kushim mi ne mi no̱o̱k rice mi. Mi be kukyem mi tanin no̱o̱k kutser'i, ne mi bun i be kukyem mi tanin dorok'e. Ada mi ne a ti no̱o̱k iren anong.”

aYohana 17:3

Kutser kufe izen izen'e nye ye, ánerawe ra ka ren ye, wan ze̱r ne i nye Adakunom afe katsak, ne á ren aYeso Kiristi aya wan tá tom.

aRom 8:17

To̱, ke i nye ye yir nye yir inoon'e, i nye ye yir nye yir áya kutse Adakunom, ta ya yir kutse'me mak be aKiristi kum ke i nye ye yir tà so̱ yir risam mak be wu nong ta se̱ yir kuyiik mak be wu.

aRom 8:29

Kamok aya Adakunom tá tsang a kasa gbugbang ne a ku sak ba ze̱e̱r nong a tá sok kuse Igon wu, Igon'e ta sor asho̱n kaye̱e̱r ároneng whe̱re̱.

aRom 8:36

Kyo̱ndi i ta se ni izibir kaye̱e̱r rife̱ Adakunom, “Kamok wan ne yir yiir i ye̱re̱k yir riku ye̱rye̱r: a ti ko̱k yir kyo̱ndi ítsamang iya á ta ba itse̱k'e.”

2 aKoranti 1:10

Adakunom ti tun yir kaye̱e̱r amok riku na. Yir min te yir riye̱ ye, a tin shesh yir gbak.

2 aKoranti 1:5

Kamok anong, kyo̱ndi aKiristi ta so̱ risam, anong ne yir ta so̱ yir risam dide̱ng, ne yir so̱ yir risam gip ne i se̱ yir kutsesek Adakunom dide̱ng nufe aKiristi.

2 aKoranti 13:4

Katsak'e nye ye, a tu tigak kaye̱e̱r kuyo̱mo̱ng kuri rife̱ rinerawe, gip be anong ne wu ti sor kamok kukyem Adakunom. Anong ne yir yo̱mo̱ng yir kaye̱e̱r wu, gip be anong ne kukyem Adakunom yir ta sor yir mak be wu nong a ta ka nye yin itomong.

aGalati 2:20

A min tigak mak be aKiristi, sang mi ba sor kusor rice mi baꞌ, amma aKiristi ne a sor kaye̱e̱r'i. Kusor mi ta sor kaye̱e̱r kuro̱m, mi sor kamok mi min no̱o̱k katsak ni Igon Adakunom, afe a tin shim ma a no̱o̱k rice wu kamok'i.

aGalati 6:17

Ni igang'e ároneng, akak yin tú ba daam ike̱ng ikak baꞌ, ye kamok íbin íya mi ta be nuro̱m mi baꞌ. I tonong ye mi nye asam aYeso.

Afisa 4:13

Be anong ne yir cice̱r i se̱ yir kuno̱o̱k katsak kuzining natoon Agwo̱m Ágwo̱m ne i te yir azining natoon kuren Igon Adakunom. Yir ta te yir áner aya a tan te ánerawe nong ta se yir natoon kagarang kaya ka ta se gye̱r kyo̱ndi aKiristi.

aFilipi 3:8

Akye̱ nar anong'e, mi sok koakye kyo̱ndi ike̱ng ikak baꞌ ke mi ti maas be kuren aYeso Kiristi a ta te Agwo̱m Ágwo̱m mi. Mi nyosong ike̱re̱'ong cei kamok wu. Mi sok cei kyo̱ndi awha nong ta se̱ aKiristi,

aKolosi 1:24

Mi be riye̱ rikan kyo̱o̱rna be risam mi ta so̱ natoon yin, nong kamok risam'me mi tà shining ike̱ng iya i tà rusek kaye̱e̱r risam aKiristi tá so̱ kamok kuro̱m wu ku ta nye ikilisiya.

aKolosi 2:13

Nizen iya yin ta se yin kyo̱ndi ikom'e kaye̱e̱r rine̱n yin be kuwon dar kunye izhak ife kuse yin kufe rine̱n, Adakunom sak yin bun i te yin atser kaye̱e̱r aKiristi. A ti re̱ng yir rine̱n yir cei.

aKolosi 3:1

Kum a tá ma ka dorok yin mak be aKiristi, to̱, ni te yin riye̱ natoon ike̱re̱ iya i ta se kaye̱e̱r kaza, naro̱ aKiristi ta mu ku sonong nabas kubo̱k riya Adakunom.

1 aBitrus 1:3

Nakerek nye nafe Adakunom ne a nye Ada Agwo̱m Ágwo̱m yir aYeso Kiristi, wu ne a ro̱ riye̱ yir dide̱ng a ta bun a ti dorok yir be riku aYeso Kiristi nure̱k kute riye̱ kufe katsak kamok kudorok aKiristi nure̱k.

2 aBitrus 1:13

Mi di ye i se gye̱r ta yiir kuka yiring yin ike̱re̱ na kum mi ta rusek nazatse na be kutser,

1 aYohana 2:3

Ke yir nye yir ike̱re̱ Adakunom tá fe̱ ye i ra nye yir, iyong ne i ta tonong ye koangan yir ren Adakunom.

1 aYohana 2:5

Amma koangan ne a nye ike̱re̱ iya Adakunom'me tá fe̱, i nye ye a shim Adakunom be katsak riye̱ wu. Be anong ne yir ta ren yir ye yir sor yir kaye̱e̱r Adakunom.

Ike̱ng a ta tonong aYohana 1:18

Mi ne i nye Afe Kutser! Mi tsang i ku, amma kyo̱o̱rna mi be kutser ma izen izen. Mi ne i be kukyem natoon riku ne natoon karo̱ kaya nabik áya a tan kus tu ku sor.