aFilipi 3:1 - Izere New Testament

¹ Ni igang'e ároneng, nye yin riye̱ rikan be Agwo̱m Ágwo̱m yir. I ti daam i ta bun ta ka zibir yin'e natoon ike̱re̱ mi tá tsang ka zibir yin'e gbak baꞌ, amma nong yin tà nyeseng yin be agap.

aFilipi 3:1 Iomraidhean Croise

aMatiyu 5:12

Nye yin adide̱ngde̱ng be riye̱ rikan kamok agbang ishorong yin se naza, kamok anong ne á tabak áner kuzarap aya a tá be̱s nasho̱o̱n yin.

aLuka 1:47

Ne kabik'i nye riye̱ rikan be Adakunom aner kashesh'i.

aRom 5:11

Awan anong tsek baꞌ, aye̱ yir kare̱p kamok ike̱ng Adakunom tá nye be Agwo̱m Ágwo̱m yir aYeso Kiristi aya kamok wu ne kyo̱o̱rna yir ti nye yir igaas.

2 aKoranti 13:11

Ni igang'e, ároneng, ma yin katuk kakak. Naka tsesek yin nong ta shining, fok yin izong'i, sor yin be riye̱ rizining, sor yin caang. Be anong ne kushim Adakunom ne kameneng riye̱ ta se mak be yin.

Afisa 6:10

Ni igang'e cice̱r, nyeseng yin be agap kaye̱e̱r Agwo̱m Ágwo̱m be agbang kukyem wu.

aFilipi 3:3

Kamok yir ne i nye yir áner a tú ku nye ba izhak ife katsak áya i ta ya yir Adakunom iben kaye̱e̱r Kabik wu. Ne i ni tsor yir kafok nuyiik aYeso Kiristi, áya afe sang i tin fereng yir ni itomong kuro̱m yir baꞌ.

aFilipi 4:4

Nye yin riye̱ rikan kaye̱e̱r Agwo̱m Ágwo̱m koakye izen. Mi bun i fe̱ be yin gbak, ye i ra nye yin riye̱ rikan.

aFilipi 4:8

To̱, ároneng, nigang'e, koakye ike̱ng i ta nye katsak, koakye ike̱ng ánerawe ta di yiik ne koakye ike̱ng i ta se gye̱r, be koakye ike̱ng i ta se zhe̱l ne koakye ike̱ng ánerawe ta shim be koakye ike̱ng i ta be riyerek ritek, kaꞌ, koakye ike̱ng kuse i ta nye itek dide̱ng ne i be nakerek. To̱ yin natoon ike̱ng kuri iyu.

1 aTasalonika 4:1

Ni igang'e ároneng, yir ta nye yin izong ne i bun i ka no̱o̱k yin itabak kaye̱e̱r riyerek Agwo̱m Ágwo̱m yir ye, sor yin kuri kusor kuya Adakunom tana fok kusas'e kyo̱ndi yir tá ka bo̱so̱p yin'e. Yin sor yin kusor kutek gye̱rtatan, amma nibarang yin kunye anong.

1 aTasalonika 5:16

Yiir nye yin riye̱ rikan koakye izen.

aYakub 1:2

Aroneng, sok yin be riye̱ rikan, izen iya yin no̱ yin ni iriri kubo̱mo̱ng.

1 aBitrus 3:8

Ni igang'e, won yin cice̱r kuto̱ro̱ng yin tu se kuzining. Be yin kuro̱ riye̱ ne i naka shim yin kyo̱ndi aner be aronyining, ne i se yin gye̱r ne i mees yin rice yin.

1 aBitrus 4:13

Amma ban i nye yin riye̱ rikan, kamok yin ta gung yin rice be aKiristi kaye̱e̱r risam wu. Yin ta nye yin riye̱ rikan dide̱ng nizen iya a tana tonong kuyiik aKiristi'me.

2 aBitrus 3:1

Ároneng, kufumung'i kufe afa na'me. Mi zibir afumung afa'me cice̱r nong ta ka yiring yin'e nong tin nye yin kuto̱ro̱ng gye̱r.