aFilipi 2:8 - Izere New Testament

⁸ Nizen iya a tá be̱ kaye̱e̱r kuro̱m anerawe, a mees rice wu, ma a no̱o̱k rice wu a ku, a kuus ike̱ng iya Adakunom tá shim, a tú kutigak nukon ma a ku natoon kukon'e.

aFilipi 2:8 Iomraidhean Croise

aMatiyu 17:2

Iyong kanyisi wu shishing nasho̱o̱n ba. Kanyisi wu'me te kanang kyo̱ndi kunom ne ares wu kare̱p pes.

aMatiyu 26:39

Nizen aYeso tá tseng nasho̱o̱n cie̱k, ne a tigbok akuur a ta te akace a ta nye aduwa ye, “Ada, ke i ta se gye̱r, ne wan sok ako̱p risam na rice mi, amma sang ike̱ng iya mi ta shim baꞌ, iya wan ta shim.”

aMatiyu 26:42

Ayong a bun a tú ku bun i nye aduwa'me afe afa ne a fe̱ ye, “Ada, ke risam na ta kyem ri tin gor baꞌ, to̱, ne wan nye ike̱ng iya wan ta shim.”

aLuka 9:29

Nizen aYeso tá se be aduwa'me kanyisi wu shishing, ne ares wu te akan pes ma a gye̱se̱m.

aYohana 10:18

Akak ta kyem a sok kutser'i baꞌ. Be kushim mi ne mi no̱o̱k rice mi. Mi be kukyem mi tanin no̱o̱k kutser'i, ne mi bun i be kukyem mi tanin dorok'e. Ada mi ne a ti no̱o̱k iren anong.”

aYohana 14:31

Mi nye ike̱re̱ Ada tá fe̱ be mi ye i ra nye dim, nong kazatse tà ren ye mi shim Ada'me. “Dorok yin, ta tseng yir.

aYohana 15:10

Ke yin kuus yin Itsi mi, yin tà sor yin kaye̱e̱r kushim'i, kyo̱ndi mi tá kuus Itsi Ada mi ne i sor kaye̱e̱r kushim wu.

aYohana 4:34

Ne aYeso fe̱ be ba ye, “Naya mi nye tu nye ike̱ng wu aya a tin tom ta shim ne i gang itomong wu.

Itomong Ámanzo 8:33

A nyeen be wu ma a tú ku ron katsak. Angan ta kyem a fe̱ natoon kuri wu e̱? Kamok a tú ku kam be kutser wu nazatse.”

aRom 5:19

Kyo̱ndi kushonong aner azining tá sak ánerawe whe̱re̱ ta te áfe rine̱n, anong ne aner whe̱re̱ ta se̱ kute gye̱r nasho̱o̱n Adakunom kamok kuwon dar kushonong aner azining.

2 aKoranti 8:9

Kamok yin ren yin ritek Agwo̱m Ágwo̱m yir aYeso Kiristi, wu ta be koakye ike̱ng, gip be anong a te afe rizor kamok yin. Rizor wu sak yin te yin árum nasho̱o̱n Adakunom.

aGalati 3:13

aKiristi ti shesh yir kaye̱e̱r kufiming afe i tá be yir kamok Itsi, be kute aner a tu ku fiming kamok yir. I se ni izibir ye, “Koangan afe a tu ku tigak, a tú fiming.”

aTitus 2:14

aYeso ne no̱o̱k rice wu nong a tin sheshek yir kaye̱e̱r amaan kunye yir ne a ni kusu yir nong tá sor yir áfu ne i shim kunye yir ike̱ng iya i ta nye itek.

Ibrani 12:2

Won tin sak yir anyisi na aYeso wu ne a ta nye ritin kuno̱o̱k katsak yir ne a nye aner aya a tana sak kuno̱o̱k katsak yir tanan mumak. A tsesek kaye̱e̱r risam riku wu kamok ike̱ng riye̱ rikan i ta se nasho̱o̱n. A fok isum riku wu natoon kukon baꞌ. Kyo̱o̱rna a se nusonong nubo̱k riya itsik rigwo̱m Adakunom.

Ibrani 12:4

Izaan yin ta nye yin be rine̱n, yin n nye yin ma yin min nyosong yin naso̱k baꞌ.

1 aBitrus 2:24

A sok rine̱n yir nuro̱m wu be rice wu, nizen a tú ku tigak nukon nong ase̱ a tin kam yir be rine̱n ne i sor yir kusor kuzhe̱l'e. Yin n te yin atser kamok ifor wu.

1 aBitrus 3:18

Kamok aKiristi so̱ risam ma a ku kamok rine̱n yir cice̱r kutak kuzining tsek, wu nye azhe̱l'e, amma a ku kamok áya sang á ta nye azhe̱l'e baꞌ nong a tà tseng be yir nufe Adakunom. A tú fe̱r nuro̱m amma Adakunom tú sak a dorok kaye̱e̱r kabik be kutser.