aFilipi 2:7 - Izere New Testament

⁷ Amma a te kyo̱ndi wu nye ike̱ng ikak baꞌ, nong a tá sok kuse asam, ne a te kyo̱ndi anerawe ta se.

aFilipi 2:7 Iomraidhean Croise

aMatiyu 12:18

“Asam mi na aya mi tá kasa, aya mi ta shim ne i be riye̱ rikan be wu, mi tù ku shining be Kabik mi, a tà taas áner aya sang a ta nye àner aYahuda baꞌ, itak amok mi.

aMatiyu 20:28

Anong ne Igon Anerawe be̱ nong a tu ku nye itomong baꞌ, amma nong a ta nye anerawe'me, ne a no̱o̱k kutser wu kamok kashesh ánerawe whe̱re̱.”

aMarkus 9:12

Ne aYeso fe̱ be ba ye, “Katsak'e, Iliya ne a ta san kube̱ ni ime̱se̱ng'e nong a ta sak ike̱re̱ cei tu ku bun kyo̱ndi i ta se nizham, akye̱ sak a ta zibir ye Igon Anerawe ta so̱ iriri risam dide̱ng dim ne anerawe ku rawu e̱?

aLuka 22:27

Angan ne a nye a yiik'e e̱? Afe a ta sonong ne a ya, ka afe a ta sonong ne a ku nyesek naya e̱? Ko cie̱k, afe a ta sonong ne a ya baꞌ. Kamok mi se kaye̱e̱r yin nong ta ka nye yin itomong.

aYohana 1:14

Rife̱'me te anerawe ne a sor kaye̱e̱r yir. Yir n di yir kuyiik wu, kuyiik kuya ku ta nye kufe asuze̱r Igon ku ta ne nufe Ada wu tsek, a ta shining be ritek ne katsak.

aRom 1:3

Rife̱ Ritek'e se natoon Igon wu aya a tá nye kuri aDauda nuro̱m.

aRom 15:3

Kamok aKiristi be rice wu gip, a naka kare̱p riye̱ baꞌ. Kyo̱ndi i ta se ni izibir ye, “Ritok ákak ta ka kas ti bun ni mi.”

aRom 15:8

Kamok mi sen ka tak yin ye ike̱ng i ta sak aKiristi tá aner aya a tá nye áner aYahuda itomong, se nong a tá tonong katsak rife̱ Adakunom, nong ase̱ ike̱ng iya Adakunom tá fe̱ ye a tá nye gbugbang be átukop yir, ta shining

aRom 8:3

Kamok ike̱ng iya Itsi aMusa tá kyem i nye baꞌ, be kuse kufe rinerawe, nye ike̱ng Adakunom tá nye nizen a tá tom igon wu kaye̱e̱r kuro̱m. A no̱o̱k nong a ta te asidaka rine̱n ne a yirik kukyem rine̱n kaye̱e̱r kuro̱m.

2 aKoranti 13:4

Katsak'e nye ye, a tu tigak kaye̱e̱r kuyo̱mo̱ng kuri rife̱ rinerawe, gip be anong ne wu ti sor kamok kukyem Adakunom. Anong ne yir yo̱mo̱ng yir kaye̱e̱r wu, gip be anong ne kukyem Adakunom yir ta sor yir mak be wu nong a ta ka nye yin itomong.

2 aKoranti 8:9

Kamok yin ren yin ritek Agwo̱m Ágwo̱m yir aYeso Kiristi, wu ta be koakye ike̱ng, gip be anong a te afe rizor kamok yin. Rizor wu sak yin te yin árum nasho̱o̱n Adakunom.

aGalati 4:4

Amma izen'e ta fa shining Adakunom tom igon wu, aner abining tá tes nizen Itsi aner aYahuda tá ru nye itomong,

aFilipi 2:6

Aya a ta nye Adakunom nuse, a ra sok rice wu te̱re̱ be Adakunom ding ding baꞌ,

Ibrani 12:2

Won tin sak yir anyisi na aYeso wu ne a ta nye ritin kuno̱o̱k katsak yir ne a nye aner aya a tana sak kuno̱o̱k katsak yir tanan mumak. A tsesek kaye̱e̱r risam riku wu kamok ike̱ng riye̱ rikan i ta se nasho̱o̱n. A fok isum riku wu natoon kukon baꞌ. Kyo̱o̱rna a se nusonong nubo̱k riya itsik rigwo̱m Adakunom.

Ibrani 13:3

Yiring yin be áya a ta se nitso̱m, nye yin be ba kyo̱ndi yin se yin mak. Yiring yin be áya a ta sen ku no̱o̱k ba risam, nye yin be ba kyo̱ndi yin se yin mak.

Ibrani 4:15

Agbang atsi aya yir ta be yir nye aya a ta ro̱ riye̱ yir kaye̱e̱r kuraar yir. A tú bo̱mo̱ng kaye̱e̱r koakye iren kyo̱ndi yir, gip be anong a nye rine̱n baꞌ.