aFilipi 2:6 - Izere New Testament

⁶ Aya a ta nye Adakunom nuse, a ra sok rice wu te̱re̱ be Adakunom ding ding baꞌ,

aFilipi 2:6 Iomraidhean Croise

aMatiyu 1:23

“Di yin, kanamang tà be kafa, a tà tes igon, a tù ku yis ye Imanuwel. (Imanuwel sor, Adakunom se mak be yir.)”

aYohana 1:18

Aner akak kun di Adakunom baꞌ. Amma asuze̱r ke Igon wu tsek, aya a ta se rifam Atek wu, ne a sak yir tú ku ren yir.

aYohana 10:30

Mi be Ada'me i se yir ázining.”

aYohana 10:33

Áner aYahuda ame fe̱ ye, “Ei, sang kamok itomong itek wan tá nye ne yir sen ka barak yir baꞌ, amma kamok kuzhe̱e̱sh wan tá nye Adakunom'me. Wan nye anerawe tsek, amma wan sok rice wan ye wan nye Adakunom.”

aYohana 10:38

Amma ke iyong ne mi nye, ko ke yin tin no̱o̱k katsak ni mi baꞌ, ni no̱o̱k yin katsak ni itomong'e. Nong ase̱ ta ren yin ye Ada'me se kaye̱e̱r'i ne mi se kaye̱e̱r Ada'me.”

aYohana 14:28

“Yin fok yin mi tá fe̱ ye, ‘Mi sen tseng, i tá bun i be̱ nufe yin.’ Yin fa ni shim yin, ke yin nye yin riye̱ rikan ye mi be nufe Ada, kamok Ada'me ti nar.

aYohana 14:9

Ne aYeso fe̱ be wu ye, “aFilibus, wan ti ren aꞌa? Mi ta kun sor mak be yin izen dide̱ng na. Koangan a tin di, a di Ada'me. Akye̱ sak wan tá fe̱ ye, ‘Ni tonong yir Ada'me e̱?’

aYohana 17:5

To̱, kyo̱o̱rna Ada, ni tiyiik be kuyiik kuya mi tá be nasho̱o̱n wan nizham a tá ra nye kazatse.

aYohana 20:28

Ayong aToma fe̱ be wu ye, “Kak, Agwo̱m Ágwo̱m mi be Adakunom mi!”

aYohana 5:18

Kamok anong áner aYahuda tse̱r iren kufe̱r aYeso, sang kamok a tá shorop itsi kunom Asabar tsek baꞌ, amma a yis Adakunom ye ada wu, ne a sok rice wu tite̱re̱ be Adakunom.

aYohana 5:23

nong ase̱ ánerawe cice̱r tà tiyiik Igon'e kyo̱ndi ba tá tiyiik Ada'me.

aRom 9:5

Kunik ba ne kaye̱e̱r átukop átukop áya a tá ren dide̱ng. aKiristi, kaye̱e̱r kuto̱ro̱ng rinerawe wuruk kaye̱e̱r kuri ba. Won Adakunom aya a ti nye rigwo̱m natoon koakye tu se̱ nakerek ma izen izen. Anong!

2 aKoranti 4:4

Ba kyem a di katsak'e baꞌ, kamok aner aya a tin nye rigwo̱m nazatse na, n whe̱e̱n aye̱ ba. A sak ba kyem á di akanang aya a ta sam'ong baꞌ, a kanang na a ta wuruk kamok Rife̱ Ritek natoon kuyiik aKiristi, wu aya a ta taas Adakunom.

2 aKoranti 8:9

Kamok yin ren yin ritek Agwo̱m Ágwo̱m yir aYeso Kiristi, wu ta be koakye ike̱ng, gip be anong a te afe rizor kamok yin. Rizor wu sak yin te yin árum nasho̱o̱n Adakunom.

1 aTimoti 1:17

Won kuyiik ne nakerek tu sor nafu ma izen izen, wu aya a tana sor Agwo̱m ma izen izen, a ta be igak baꞌ, aya sang a ta kyem a ku di baꞌ. Wu ne a ta nye Adakunom wu ze̱r tsek. Anong.

1 aTimoti 3:16

Akak ta kyem a fe̱ kuri kuyiik ku ta se nune̱re̱ng kaye̱e̱r iren ikuus yir na baꞌ. A tonong rice wu kaye̱e̱r kuro̱m, Kabik ti tonong yir ye a nye afe katsak. Ámaleka tú ku di, á fe̱ itak wu nasho̱o̱n ánerawe ze̱r ze̱r, á ti no̱o̱k katsak ni wu kaye̱e̱r kazatse cice̱r, a tu ku sok a ta tseng'e kaye̱e̱r kaza be kuyiik.

aTitus 2:13

Yir sor yir anong nong tin tor yir agbang kunom kuya yir ta min te yir aye̱, nizen Adakunom yir ayiik'e ne Aner Kashesh yir aYeso Kiristi tana tonong kuyiik wu.

Ibrani 1:3

Igon'e ne ka nye akanang kuyiik Adakunom, a tas Adakunom kyo̱o̱n. A yiir koakye ike̱ng be kukyem rife̱ wu. Nama a tá sak yir ta te yir zhe̱l kaye̱e̱r rine̱n yir, yong a sonong nubo̱k riya Aya a ta nye a yiik'e kaye̱e̱r kaza.

Ibrani 1:6

Nizen iya Adakunom tá tom igon wu kafe ime̱se̱ng'e kaye̱e̱r kazatse, a bun a fe̱ ye, “Won ámaleka cice̱r tu ku ya iben.”

Ibrani 1:8

A fe̱ natoon Igon'e ye, “Itsik rigwo̱m wan, Adakunom, tà sor ma izen izen. Katsak ne ka ta nye ishe̱n rigwo̱m wan.

Ibrani 13:8

aYeso Kiristi afe kure be afe katuur ne afe izen izen se azining, a shishing nigaan'e baꞌ.

Ike̱ng a ta tonong aYohana 21:6

A bun a fe̱ be mi ye, “An gang! Mi ne i nye Alfa ne aOmega. I ta sor ye mi ne i nye ime̱se̱ng'e ne i nye igang'e. Koangan afe a ta fok kuto̱ kukoor, mi tì ku no̱o̱k ashi a ta wuruk kaye̱e̱r itop ashi ife kutser nawarak nong a tà so̱.