aFilipi 2:29 - Izere New Testament

²⁹ Ku shan yin kaye̱e̱r riyerek Agwo̱m Ágwo̱m yir aYeso be riye̱ rikan dide̱ng. Mi shim yin tu tiyiik yin áner aya a ta se kyo̱ndi wu anong gip,

aFilipi 2:29 Iomraidhean Croise

aLuka 9:5

Karo̱ kaya ne á ta shan yin baꞌ, re̱ng yin iwur atak yin nizen iya yin tana won yin kuwo̱p'e, nong i tà sor asheda natoon ba.”

aYohana 13:20

Katsak'e ne mi ta ka tak yin, aner aya ne a shan koangan afe mi tu ku tom be riye̱ rizining, i nye ye a ti shan mi. Aya ne a ti shan be riye̱ rizining, i nye ye a shan aner aya a tin tom.”

Itomong Ámanzo 2:46

Á ya kasho̱o̱n be kunyiis koakye katuk kaye̱e̱r Agbang Kutu Kuya Adakunom iben. Á ya naya mak ninasa ba kaye̱e̱r riye̱ rikan be riye̱ rizining.

Itomong Ámanzo 28:10

Á ti tiyiik yir niren ze̱r ze̱r. Izen tá fa nye yir tana se no̱ yir nukpara ashi ta tseng yir, yong a ti nyesek yir iriri ike̱re̱ iya yir ta shim yir.

Itomong Ámanzo 8:8

Iyong sak ánerawe whe̱re̱ nye riye̱ rikan dide̱ng kaye̱e̱r aSamariya.

aRom 10:15

Á ta nye ane̱ á ta nye awazi sang ke a tú ku tom ba baꞌ e̱? Kyo̱ndi i ta se ni izibir kaye̱e̱r rife̱ Adakunom ye, “Wan fa di atak aner aya a ta taas Rife̱ Ritek ta saas baꞌ.”

aRom 16:2

Ku shan yin kaye̱e̱r riyerek Agwo̱m Ágwo̱m yir ni iren i ta se gye̱r ke a shan azhe̱l'e. Ku tobok yin ke a tse̱r ike̱ng ikak nufe yin kamok an tobok ánerawe whe̱re̱ be mi gip.

1 aKoranti 16:10

Ke aTimoti be̱ nufe yin, ku sak yin a ta sor ne̱k, kamok wu nye itomong Adakunom kyo̱ndi mi ta sen nye'me.

1 aKoranti 16:18

Á ti kare̱p riye̱ ne a ka kare̱p yin'e gip. Áner kuri ayong se gye̱r ke a ku tiyiik ba.

2 aKoranti 10:18

Kamok sang aner a ta kerek rice wu ne a tu kerek baꞌ, ma ke aner aya Agwo̱m Ágwo̱m ne a tu ku kerek.

2 aKoranti 7:2

Tonong yin ye yir se yir kaye̱e̱r aye̱ yin. Yir nye yir akak rine̱n baꞌ, yir n wo̱k yir akak nong a tá nye rine̱n ka yir mo̱o̱r yir akak baꞌ.

aFilipi 2:28

Kamok anong, mi n te riye̱ mi ma ke a be̱ nong ase̱ ke yin tù ku di yin, aye̱ yin ta shirim ne riye̱ mi ma shirim gip.

aKolosi 4:10

Aristakus, aya i ta se yir nitso̱m mak ta nye yin ashou. aMarkus aronyining rifam aBarnabas ta nye yin ashou gip, wu ne yin kun fok yin itak natoon wu, ku shan yin ibo̱k ifa ke a be̱ nufe yin.

1 aTasalonika 5:12

Ároneng, yir ta nye yin izong ye, i ra fok yin áya a ta ka nye yin itomong kuto, áya a ta ka bo̱so̱p yin'e ne á nye kasho̱o̱n nufe yin kaye̱e̱r kusor aKiristi.

1 aTimoti 5:17

A rin sak riye̱ dide̱ng na áko̱k kasho̱o̱n ikilisiya áya a ta nye itomong ba gye̱r, abanang áya itomong ba ta nye awazi rife̱ Adakunom be kubo̱so̱p ánerawe'me ba.

Ibrani 13:17

Kuus yin ike̱ng iya áko̱k kasho̱o̱n yin ta fe̱, ne i nye yin ike̱ng a ta fe̱ be yin, kamok ba ne a ti sak riye̱ natoon yin kamok a ta tak kuto̱ itomong ba katuk kakak. Ka fok yin ba kuto nong itomong ba ta ka be ba ifeng sang kyo̱ndi acer baꞌ. Ke itomong'e ta sor ba acer, iyong ta ka barang mo yin ike̱ng ikak baꞌ.

3 aYohana 1:10

Kamok anong ke mi be̱, mi tà ko̱ro̱k ánerawe kuto natoon kuri abo̱o̱s aDiyotirifes'e ta tsang a bo̱s natoon yir. Sang anong tsek baꞌ, a rawu kushan áronyining yir áya a ta sen nye itomong Adakunom. Ne a roon ákak kushan ánerawe'me gip, ma a ta ro ba kaye̱e̱r ikilisiya.