aFilipi 2:2 - Izere New Testament

² to̱, kamok anong, mi ta nye yin izong. Won kuto̱ro̱ng yin tu se kuzining ne i naka shim yin, sor yin azining kaye̱e̱r kabik.

aFilipi 2:2 Iomraidhean Croise

aYohana 3:29

Abining afas nye afe aner a tu ku sok. Afertseng wu kuus kama aner a ta sok abining afas'e tsek. Ne a nye riye̱ rikan ke a fok kuto̱ aner a tá sok abining afas'e. Be anong ne riye̱ rikan'i ma shining.

Itomong Ámanzo 1:14

Á nyiis cice̱r ba koakye izen nong á tá nye aduwa, mak be ányining akak be aMarya a tá nye anyining aYeso ne áronyining wu.

Itomong Ámanzo 2:1

Katuk aPentakos, áfikuus cice̱r nyim naro̱ kazining.

Itomong Ámanzo 2:46

Á ya kasho̱o̱n be kunyiis koakye katuk kaye̱e̱r Agbang Kutu Kuya Adakunom iben. Á ya naya mak ninasa ba kaye̱e̱r riye̱ rikan be riye̱ rizining.

Itomong Ámanzo 5:12

Ámanzo ame nye ike̱re̱ azhing be ife kukyem dide̱ng kaye̱e̱r ánerawe. Ne áfikuus cice̱r nyiis nubang kukak nutu aduwa á ta yis ye, Kubang aSolomon.

aRom 12:16

Sor yin caang be afudang yin. Sang tu kok yin rice naza baꞌ, amma gung yin rice be áya a tu ku di ba kyo̱ndi ike̱ng ikak baꞌ. Sang tu sok yin rice yin ye yin ren yin koakye baꞌ.

1 aKoranti 1:10

Ároneng, mi ta nye yin akusuk kaye̱e̱r riyerek Agwo̱m Ágwo̱m yir aYeso Kiristi ye, kanu yin tuse kazining. Sang tu naka kasap yin baꞌ, gung yin rice nong kuto̱ro̱ng tu sor kuzining.

2 aKoranti 13:11

Ni igang'e, ároneng, ma yin katuk kakak. Naka tsesek yin nong ta shining, fok yin izong'i, sor yin be riye̱ rizining, sor yin caang. Be anong ne kushim Adakunom ne kameneng riye̱ ta se mak be yin.

2 aKoranti 2:3

Ike̱ng i tá sak mi tá ka zibir yin kufumung kukya se ye kamok sang mi ta shim ta be̱ se̱ áner i ta se gye̱r ke á ti kare̱p riye̱ tin beseng'e baꞌ. Kamok mi no̱o̱k katsak ye riye̱ rikan'i nye rife yin cice̱r gip.

2 aKoranti 7:7

Sang kamok ku be̱ wu tsek ne ku sak yir ta nye yir riye̱ rikan baꞌ, amma itak wu tin tak yir ye, yin tú ku tsesek yin. A ti tak yir kuri ifeng afe yin ta be yin natoon'i, ne riye̱ riwe yin ne kudaam yin ta be yin natoon'i, ma mi ti barang kunye riye̱ rikan dide̱ng.

aFilipi 1:4

Koakye izen iya ne mi ta nye aduwa, mi nye be riye̱ rikan kamok yin cice̱r.

aFilipi 2:16

Taas yin rife̱ kutser kaye̱e̱r katsak nong ba tà ren Adakunom, nong ase̱, mi tin tsor kafok be yin katuk kube̱ aKiristi, fan itomong'i bun te kpe̱de̱ng.

aFilipi 2:20

Akak kuse aze kyo̱ndi wu baꞌ, a daam be yin dide̱ng.

aFilipi 4:2

Mi nye Ayodiya be aSintiki izong ye kuto̱ro̱ng ba ra se kuzining natoon itomong Agwo̱m Ágwo̱m.

aKolosi 2:5

Mi ren ye mi se mak be yin nuro̱m baꞌ, gye̱r tatan amma riye̱ mi se mak be yin. Mi be riye̱ rikan dide̱ng mi ta fok ye yin n nyeseng yin gye̱r ne i naka tsesek yin kaye̱e̱r kuno̱o̱k katsak yin na aKiristi.

2 aTasalonika 2:13

Ároneng, gye̱r ke yir nye yir riye̱ rikan be Adakunom ye̱r ye̱r kamok yin, yin áya Agwo̱m Ágwo̱m ta shim kamok kum ni ime̱se̱ng'e Adakunom tá kasa yin nong ta se̱ yin kashesh ne ku te zhe̱l kamok itomong Kabik ne kamok kuno̱o̱k katsak yin be agap.

2 aTimoti 1:4

Izen iya ne mi yiring be nanyisi wan ne a ni te ke mi ka di nong ase̱ riye̱ mi ta men.

aFilimon 1:20

Aroneng, mi mok ye mi ta se̱ ritek nufuan kamok Agwo̱m Ágwo̱m. Kusuk, ni tsesek.

2 aYohana 1:4

Mi nye riye̱ rikan dide̱ng i ta se̱ inoon wan nakak á ta se nikuus be agap, kyo̱ndi Ada yir Adakunom tin tak yir.

3 aYohana 1:4

Ike̱ng ikak kuse i tin kare̱p riye̱ kyo̱ndi mi ta fok ye áya a ta nye inoon'i nabik ta kuus katsak'e baꞌ.