aFilipi 2:19 - Izere New Testament

¹⁹ Mi mok ye Agwo̱m Ágwo̱m yir aYeso tin no̱o̱k izen iya mi tana tom aTimoti nufe yin, nong izen iya ne a be̱ a ta bin tak ike̱ng iya i ta sen tseng nong mi tin barang kuse kutsesek ke mi fok itak yin.

aFilipi 2:19 Iomraidhean Croise

aMatiyu 12:21

Áner áfe sang á ta nye aner aYahuda baꞌ tin te riye̱ ba riyerek wu.”

Itomong Ámanzo 16:1

Ayong aBulus tseng na aDarbe a ta se wesek na aListira. Alimazhiri akak tuse azong riyerek wu tá nye aTimoti. Anyining wu nye abafe aYahuda'me ne a nye afikuus'e, amma atek wu nye aner aHeleni.

aRom 15:12

Ishaya bun a fe̱ gbak ye, “Akak kaye̱e̱r kuri aZhese ta wuruk, a ta dorok a tin nye rigwo̱m natoon áya sang á ta nye áner aYahuda baꞌ, ne áya sang á ta nye áner aYahuda baꞌ, tin te riye̱ ni wu.”

aRom 16:21

aTimoti aferime̱ itomong'i ta nye yin ashou. Anong ne aLushiyos ne aZhaso be aSosipata, ba gip á nye ároneng a ta nye yin ashou.

1 aKoranti 4:17

Kamok anong, mi tà ka tom yin aTimoti, igon mi kaya mi ta shim, aya a ta be katsak nikuus aYeso. Wu tà ka yiring yin kuri kutseng mi ni ikuus aYeso aKiristi, kuya ku ta se tite̱re̱ be ike̱ng iya mi tá bo̱so̱p áfikuus'e koake̱ ne mi tseng naro̱ kuya Adakunom iben.

Afisa 1:13

Kamok aKiristi, ne yin gip yin te yin áfe Adakunom nizen iya yin tá fok yin rife̱ katsak ne Rife̱ Ritek rife kutser. Izen iya yin ti no̱o̱k yin katsak natoon aKiristi, Adakunom tá no̱o̱k yin Kabik Kazhe̱l'e kyo̱ndi a tá tsang a no̱o̱k kuto̱ ye wu tà nye anong, nong a tà tonong ye yin nye yin afu.

aFilipi 1:1

Mi, aBulus ne aTimoti, i ta nye yir ásam aYeso Kiristi, ne i sen ka zibir yin kufumung na yin azhe̱l cice̱r áya a tá kuus aYeso Kiristi na aFilipi. Yir bun i nye shou yir áko̱k kasho̱o̱n ikilisiya ne ádikon.

aFilipi 2:18

Kamok anong, yin gip nye yin riye̱ rikan mak be mi.

aFilipi 2:28

Kamok anong, mi n te riye̱ mi ma ke a be̱ nong ase̱ ke yin tù ku di yin, aye̱ yin ta shirim ne riye̱ mi ma shirim gip.

1 aTasalonika 3:2

Yir tom yir aTimoti, aronyining yir aya a ta nye itomong Adakunom mak be yir ne a taas Rife̱ Ritek aKiristi. Yir tú ku tom yir nong a tà be̱ a tà ka barang mo yin agap ne a ka tsesek yin, kaye̱e̱r kuno̱o̱k katsak yin,

1 aTasalonika 3:5

Kamok anong, mi ta di mi tana kyem i naka tsesek baꞌ, iyong mi tom nong a ta be̱ di kunyeseng yin kaye̱e̱r kuno̱o̱k katsak yin. Mi fok inyim ye ka Aner kuwo̱ro̱k ánerawe, aya a ta nye Ishetan m be̱ a tá ma ka wo̱ro̱k yin ma ta won yin iren'e nong itomong yir tà te kpe̱de̱ng.

2 aTasalonika 1:3

Ároneng, i se gye̱r yir ta yiir i tonong yir Adakunom riye̱ rikan yir ye̱rye̱r kamok yin. Anong se gye̱r kamok kuno̱o̱k katsak yin ta ya kasho̱o̱n dide̱ng, kushim yin tana ka shim yin nye ne kuni barang.

2 aTimoti 1:12

Ike̱ng i ta sak mi ta sen so̱ risam kuri riyuna'ong. Gip be anong mi fok isum baꞌ, kamok mi ren kuri aner aya mi tin no̱o̱k katsak ni wu ne i bun i ren tse̱ng tse̱ng ye a be kukyem kufe a tanin sak riye̱ nike̱ng iya a tin won amana'me ma Katuk'ong.

aYakub 4:15

Gye̱r ke yin fe̱ yin ye, “Ke Adakunom shim, yir ta sor yir ne i nye yir iyu be ikya.”

1 aBitrus 1:21

Kamok Adakunom tú ku dorok nure̱k a tú ku no̱o̱k kuyiik, iyong sak yir ti no̱o̱k yir katsak ne i ni te yir riye̱ na Adakunom'me.