aFilipi 2:17 - Izere New Testament

¹⁷ Ei, i se gye̱r, mi ta nye riye̱ rikan be yin, a fa nyosong naso̱k'i natoon asidaka yin ne natoon itomong kuno̱o̱k katsak yin, gip be anong mi be riye̱ rikan be yin.

aFilipi 2:17 Iomraidhean Croise

Itomong Ámanzo 20:24

Amma gip be anong, mi sok ye kutser'i nye ike̱ng ikak baꞌ. Kum ke mi kyem i gang ike̱ng iya mi tan sak nasho̱o̱n ne i gang itomong iya Agwo̱m Ágwo̱m yir aYeso ta min no̱o̱k (itomong kutaas ánerawe ritek Adakunom) iwe̱r'e yong.

Itomong Ámanzo 21:13

Iyong aBulus fe̱ ye, “Akye̱ sak yin tos yin e̱? Yin tse̱r yin ikap'i ta te̱r a? Mi n no̱o̱k riye̱ mi sang kamok a tin rosom tsek baꞌ, ko a tin fe̱r na aUshalima kamok riyerek aYeso a ta nye Agwo̱m Ágwo̱m gip, to̱ tsek.”

aRom 12:1

Kamok anong, ároneng, mi ta nye yin akusuk kaye̱e̱r kuro̱ riye̱ Adakunom ye i ra no̱o̱k yin iro̱m yin kyo̱ndi asidaka atser, azhe̱l'e, kuri aya Adakunom a tana fok kusas'e. Iyong ne i nye iren kuya Adakunom iben kufe katsak.

aRom 15:16

nong ta te aner itomong aYeso Kiristi nufe áya sang á ta nye áner aYahuda baꞌ. Mi nye itomong ritsi i ta taas Rife̱ Ritek Adakunom, nong aya sang a ta nye áner aYahuda baꞌ, ta sor asidaka Adakunom tana shan, áya Kabik Kazhe̱l'e tu ku sak ba á ta te zhe̱l.

2 aKoranti 12:15

Mi ta nye riye̱ rikan ke mi ta fe̱r koakye mi ta be, ma i ta no̱o̱k rice mi kamok yin, nong ta ka tobok yin. Ke mi ta shim yin dide̱ng anong ne yin ra te̱e̱k yin kufe yin a?

2 aKoranti 4:12

Iyong ne i sak yir ye̱re̱k yir riku nong yin ta se̱ yin kutser.

2 aKoranti 6:10

kaye̱e̱r riye̱ riwe, gip be anong yir sor yir be riye̱ rikan. Yir be yir rizor amma yir sak yir ákak te árum nabik, yir sor yir ye yir be yir ike̱ng ikak baꞌ, amma ike̱re̱ cice̱r nye ife yir.

2 aKoranti 7:4

Riye̱ mi se agak be yin baꞌ, ko cie̱k baꞌ, mi ti ya kuka be yin dide̱ng. Mi se̱ agap riye̱ dide̱ng, be risam yir ta so̱ yir, riye̱ rikan'i be igak baꞌ.

aFilipi 1:20

Mi min te riye̱ ne i mok ye, Adakunom ti te isum baꞌ, amma mi ta se̱ kutsesek dide̱ng, nong ase̱ kyo̱o̱rna be koakye izen, aKiristi ta se̱ kuyiik kaye̱e̱r koakye mi ta nye, be kutser, ka be riku.

aFilipi 2:18

Kamok anong, yin gip nye yin riye̱ rikan mak be mi.

aFilipi 2:30

kamok cie̱k ke a ku kamok itomong aKiristi. A no̱o̱k rice wu nong a tin tobok niren iya yin tá kyem yin baꞌ.

aFilipi 4:18

A min karang cei, ma i nar ike̱ng iya mi ta tse̱r. Mi ma se̱ ike̱ng mi ta tse̱r makong, kyo̱o̱rna mi ta shan ike̱re̱ iya yin tá no̱o̱k yin Apafurotus. Ike̱re̱'me se kyo̱ndi name iko̱o̱n itek, asidaka aya Adakunom ta shan ne a fok kusas'e.

aKolosi 1:24

Mi be riye̱ rikan kyo̱o̱rna be risam mi ta so̱ natoon yin, nong kamok risam'me mi tà shining ike̱ng iya i tà rusek kaye̱e̱r risam aKiristi tá so̱ kamok kuro̱m wu ku ta nye ikilisiya.

1 aTasalonika 2:8

Kamok yir ta ka shim yin dide̱ng iyong ne i sak sang yir ta ka nye yin awazi Rife̱ Ritek tsek baꞌ, amma yir no̱o̱k yir kutser yir cei gip.

2 aTimoti 4:6

Kamok izen n nye a tanin sok a ta no̱o̱k kyo̱ndi asidaka igang'e, izen kutseng'i n nye.

1 aBitrus 2:5

Yin gip, ma te yin kyo̱ndi kuta rino̱k kutser a tanin no̱k kasa kuri kafe kabik nong yin ta nye yin itomong ritsi rizhe̱l'e. Yin ta nye yin asidaka kabik azong kuri aya Adakunom ta shim kamok aYeso Kiristi.

1 aYohana 3:16

Yir ren yir ye kushim kufe katsak se ana, aYeso Kiristi no̱o̱k kutser wu kamok yir. Yir gip, yir tà no̱o̱k yir kutser yir kamok áfikuus áfudang yir.