aFilipi 2:15 - Izere New Testament

¹⁵ nong ase̱, yin ta se yin dar rizik ne i se yin zhe̱l, kyo̱ndi inoon Adakunom áfe sang á ta nye imaan'e nasho̱o̱n áner aya a ta nye amaan'e baꞌ. Yin ta se yin kyo̱ndi akanang ta se naro̱ ka ta se whi.

aFilipi 2:15 Iomraidhean Croise

aMatiyu 10:16

Mi sen ka tom yin kyo̱ndi itsamang kaye̱e̱r agabu katse, kamok anong be yin ritseng kyo̱ndi íwhen ne i se yin whiwhe̱ kyo̱ndi ábo̱p.

aMatiyu 17:17

Ayong aYeso fe̱ be wu ye, “Kaꞌ yin ánerawe izam na i tá shonong yin, yin be yin kuno̱o̱k katsak baꞌ. Ma ane̱ ne mi ta sor mak be yin e̱? Ma ane̱ ne mi ta naka mak tsesek be yin e̱? Be̱e̱n yin be acam'me aze.”

aMatiyu 5:45

Kamok be nong ne yin tà te yin inoon Ada yin afe a ta se kaye̱e̱r kaza. Wu no̱o̱k ámaan anerawe ne áner atek akanang kunom cice̱r, ne a nyesek iza natoon ánerawe wu áya a ta be kuse kutek be áya a ta nye amaan'e.

aMatiyu 5:48

Kamok anong, shining yin, kyo̱ndi Ada yin afe a ta se kaye̱e̱r kaza ta shining.

aLuka 1:6

Cice̱r ba, á nye áner aya kutseng ba tá se gye̱r nasho̱o̱n Adakunom, á kuus Itsi be ike̱re̱ Adakunom tá fe̱ ye a ra kuus cei gye̱r gye̱r.

aLuka 6:35

Shim yin ámudo̱n yin ingya, ku tonong yin ba ritek. Ku nyesek yin ba iko̱p dar ku ni te riye̱ ye á tà ka karang yin, nong ishorong yin tà se whe̱r, ne i te yin inoon Ada Adakunom ayiik'e, kamok wu se gye̱r be áfe a ta won dar á tonong riye̱ rikan ba, ne áya a ta nye imaan'e.

aYohana 5:35

aYohana se kyo̱ndi apitila aya a tá ya, a tá se kanang, yin ti nye yin riye̱ rikan be akanang wu nizen cie̱k.

Itomong Ámanzo 2:40

Ayong a fe̱ rife̱ gaan be ba ne a ka ko̱ro̱k ba kuto ye, “Shesh yin ace yin kaye̱e̱r amaan kunye kazatse na.”

Itomong Ámanzo 20:30

Kaye̱e̱r yin gip, ákak tà dorok nong á ta buruk katsak'e nong ase̱ áfikuus akak tà ka kuus ba.

aRom 16:19

Koangan n fok itak yin ta kuus yin rife̱ aKiristi, kamok anong mi be riye̱ rikan be yin. Amma mi shim yin tuse yin be ritse̱ng natoon kunye ike̱ng iya i ta se gye̱r, tu ren yin kunye imaan'e baꞌ.

1 aKoranti 1:8

Wu tà ka berek yin ma nigang'e fan a ba ka se̱ yin be rine̱n katuk kube̱ Agwo̱m Ágwo̱m yir aYeso Kiristi.

2 aKoranti 6:17

Kamok anong, Agwo̱m Ágwo̱m fe̱ ye, “Wuruk yin kaye̱e̱r ba, naka kam yin be ba. Sang tu gaar yin ike̱ng iya i ta won dar i se zhe̱l baꞌ, nong mi ta ka shan yin.”

Afisa 5:27

A nye anong, nong a ta be̱e̱n áfikuus'e nasho̱o̱n wu yiik, dar rizik ka ike̱ng ikak i ta risik, amma zhe̱l dar ike̱ng ikak imaan'e.

aFilipi 1:10

nong ase̱ yin ta kyem i kasa yin ike̱re̱ iya i ta nar'e cei, ne kuse kuzhe̱l, dar ritok ma nizen iya aKiristi tana be̱.

aFilipi 3:6

Natoon kukuus Adakunom dide̱ng, mi tabak áfikuus, natoon ku te zhe̱l be kukuus Itsi aMusa, mi raar azong baꞌ.

1 aTasalonika 5:23

Won Adakunom be rice wu aya a ta nyesek kameneng riye̱ tu sak yin tu sor yin zhe̱l kaye̱e̱r koakye kuri iren. Won kabik yin cice̱r be aye̱ yin ne iro̱m yin tu sor gugo̱k be rine̱n ma katuk kube̱ Agwo̱m Ágwo̱m yir aYeso Kiristi.

1 aTimoti 3:10

Á ta ka bo̱mo̱ng ba nizham; ke a tu ku se̱ ba be ike̱ng ikak imaan'e baꞌ, to̱, ne á ku won ba nong á ta nye itomong ádikon'e.

1 aTimoti 3:2

Ako̱k kasho̱o̱n ra nye aner aya a ta be kuraar nasho̱o̱n ánerawe baꞌ. A ra nye aner aya a ta be abining azining, ne a se tatan, ne a ren a yiir rice wu, ne a nye aner aya ánerawe tu ku sok yiik, a ra nye aner aya a ta shashang átsen ibo̱k ifa, ne a ren a bo̱so̱p ánerawe'me,

1 aTimoti 5:14

Mi nar ku shim ákumung áya a ta ru nye nanamang ra nye iwe̱ne̱ng nong á ta tes inoon ne á ni sak riye̱ ninasa ba fan á bu no̱o̱k ámudo̱n iren naborok.

1 aTimoti 5:20

Natoon ákok kasho̱o̱n Ikilisiya áya a ta nye rine̱n, ku zhe̱e̱r ba nasho̱o̱n ánerawe nong ase̱ ákak ta fok inyim kunye'me.

1 aTimoti 5:7

Kuno̱o̱k ba itak na be agbang kuto̱ nong fan ánerawe bu fe̱ ye sang á tin sak riye̱ na ákumung áya a ta se dar akak baꞌ.

aTitus 1:6

Ako̱k kasho̱o̱n ikilisiya ra nye aner aya a se gye̱r nasho̱o̱n ánerawe, aner a ta be abining azining, inoon wu ra nye afikuus sang á tu se kpe̱rde̱k ka á tu shonong baꞌ.

aTitus 2:10

ka á ta ka nye ba itsang baꞌ. Amma á ra ban á tonong ye ba se gye̱r ne á be katsak kaye̱e̱r koakye, nong ase̱ kaye̱e̱r koakye iren ba tà tonong ye kubo̱so̱p rife̱ Adakunom Aner Kashesh yir se yiik.

aTitus 2:15

Ka bo̱so̱p ba ike̱re̱ na. Ka tsesek ba ne i ka zhe̱e̱r ba be agbang kuto̱. Sang tu won akak ta ka zhe̱e̱sh baꞌ.

Ibrani 7:26

Atsi kuri ayong ne a tin re̱ng yir rine̱n yir. A se zhe̱l dar rine̱n, a be narik baꞌ, a tú kam ze̱e̱r be áfe rine̱n, a tú ku tiyiik a ta tseng kaye̱e̱r kaza.

1 aBitrus 2:12

Sor yin kusor kutek kaye̱e̱r áya sang á ta nye afikuus baꞌ. Ba yiir kunye kukun yin gye̱rtatan, amma ke ba di koakye itek yin ta nye yin ánerawe'me, á ta tiyiik Adakunom katuk a tana be̱ to̱ kazatse amok.

1 aBitrus 2:9

Amma yin, yin nye yin kuri kuya Adakunom tá kasa, be rice wu. Yin nye yin atsi Adakunom a ta nye Agwo̱m, yin nye yin ánerawe áya a ta nye azhe̱l'e, ánerawe áya a ta nye afu. A tá ka yis yin kaye̱e̱r awhi nong tà no̱ yin kaye̱e̱r akanang afe katsak nong tà taas yin ayiik itomong wu ife azhing.

2 aBitrus 3:14

Kamok anong, ároneng áfe riye̱ mi, kum yin ta sen tor yin Kunom'ong, to̱ nye yin koakye ike̱ng iya yin tana kyem i nye yin nong ta sor yin nasho̱o̱n Adakunom dar rizik ka rine̱n ayi. Sor yin nasho̱o̱n wu caang.

Ike̱ng a ta tonong aYohana 2:5

Yiring be karo̱ afe wan tú ku se nizham wan tá ra kpa. Shishing kuse wan ne i nye ike̱re̱ iya wan tà nye ime̱se̱ng'e. Ke wan shishing kuse wan baꞌ, to̱, mi saase tà be̱ sok ike̱ng iya a tin te kuro̱ng wan naro̱ a tu ku saas.

Ike̱ng a ta tonong aYohana 3:9

Mi tà sak áner Ishetan, áya a tá fe̱ ye ba nye áner aYahuda, amma sang á ra nye baꞌ, á be abo̱o̱s, mi tà ka sak ba á ta be̱ kpas natak wan ne á ren ye mi ta shim.