aFilipi 2:13 - Izere New Testament

¹³ Kamok Adakunom be rice wu ne a nye itomong kaye̱e̱r aye̱ yin, kuus yin ike̱ng iya i ta nye kuto̱ro̱ng wu kutek, ne i ni nye yin itomong.

aFilipi 2:13 Iomraidhean Croise

aLuka 12:32

“Sang tu fok yin inyim baꞌ, yin ahiir kaming, kamok Ada yin be riye̱ rikan nong yin tà nye yin rigwo̱m mak be wu.

aLuka 2:14

“Kuyiik nye kufe Adakunom aza kaye̱e̱r kaza, nazatse kameneng riye̱ kuse nufe áner áfe wu ta shim.”

aYohana 3:27

Ayong aYohana fe̱ be ba ye, “Anerawe ta kyem a se̱ ike̱ng be rice wu ba', sang ke a tú ku no̱o̱k natoon kaza ba'.

aYohana 6:45

I se ni izibir kaye̱e̱r afumung áner kuzarap agbugbang'e ye, ‘Adakunom ne a tu ku bo̱so̱p ba'me cice̱r ba.’ Koangan afe a ta wesek kuto na Ada'me ne a bo̱so̱p nufu, a ta be̱ nunaan.

aYohana 6:65

Iyong a ya kasho̱o̱n be rife̱ ye, “Iyu ne i sak mi tá ka tak yin ye, akak ta kyem a be̱ nunaan baꞌ, ma ke Ada'me tú se̱ mo.”

Itomong Ámanzo 11:21

Kubo̱k Agwo̱m Agwo̱m se mak be ba, ánerawe whe̱re̱ shishing kuse ba nong á te áfikuus Agwo̱m Ágwo̱m.

aRom 12:3

Kamok ritek Adakunom tin nye'me na, mi fe̱ be koangan yin ye sang akak tu sok rice naza ye wu nye ike̱ng ikak baꞌ, a ra ban a mees rice wu ingya, a ra mees rice wu te̱re̱ be kuri kuno̱o̱k katsak Adakunom tú ku no̱o̱k.

aRom 9:11

Kum ne an tsang a tes Isuwa be aYakub baꞌ ka kum ne ba tsang an nye ike̱ng ikak itek ka imaan'e baꞌ, Adakunom fe̱ be aRifkatu ye, “Igon kako'me tà nye kawusong'e itomong.” Adakunom fe̱ anong nong a ta tonong ye aner a tana kasa a tu ku kasa kamok kushim Adakunom sang kamok itomong aner'e.

aRom 9:16

To̱, sang i se ye, ike̱ng anerawe ta shim ka kuren kunye wu baꞌ, amma ritek Adakunom tsek.

1 aKoranti 12:6

Ike̱re̱ kunye kuse iriri'me, amma Adakunom'me se azining, ne a nyesek koangan kukyem kunye'me cei.

1 aKoranti 15:10

Amma kamok ritek Adakunom ne mi n te ana, ritek wu natoon'i se kpe̱de̱ng tsek baꞌ, cie̱k. Mi n nye itomong dide̱ng ne i nar ribir ámanzo cice̱r. Gip be anong, sang mi ne i nye itomong'e be rice mi baꞌ, ritek Adakunom ne ri nye itomong'e kaye̱e̱r'i.

2 aKoranti 3:5

Yir be yir ike̱ng ikak ife yir tanin tsor yir kafok ye yir kyem i tana nye yir itomong na baꞌ. Kuren kunye ike̱ng yir ne nufe Adakunom.

Afisa 1:11

Kamok wu ne Adakunom tsang a ni kasa yir nong ta te yir afu. Wu ne a nye koakye kyo̱ndi riye̱ wu ta shim.

Afisa 1:5

iyong ne i sak wu ta tsang a ni kasa yir nong ta te yir inoon wu kamok itomong aYeso Kiristi. A nye anong nushim wu ne ritek wu.

Afisa 1:9

Adakunom sak yir ren yir ike̱ng wu iya i ta se nune̱re̱ng kyo̱ndi wu ta shim, iya a ta nye kanye̱k'e kaye̱e̱r aKiristi.

Afisa 2:8

Ei, kamok ritek Adakunom ne yin ti se̱ yin kashesh ne kamok kuno̱o̱k katsak yin, sang kamok kunye yin baꞌ, amma Adakunom ne a no̱o̱k,

2 aTasalonika 1:11

Kamok anong, ne yir yiir ka nye yin aduwa ye̱r ye̱r ye Adakunom ra sak yin ta sor yin kuri kusor kuya a tá ka yis mo yin. Adakunom ra sak ta nye yin ike̱re̱ itek cice̱r iya yin ta shim yin tà nye yin ne itomong kuno̱o̱k katsak yin nong tà nye yin be agap kukyem wu.

2 aTimoti 1:9

Wu ne a ti shesh yir ne a ni kasa yir nong ta sor yir kusor kuzhe̱l'e. A ti kasa yir sang kamok yir tá nye yir ike̱ng ikak itek baꞌ, amma kamok ike̱ng ife wu tá shim'ong ne ritek wu. A tin no̱o̱k yir ritek'e kamok aYeso Kiristi nizham a ta ra nye kazatse,

Ibrani 13:21

ta ka no̱o̱k yin koakye ike̱ng i ta nye itek, nong ta nye ike̱ng iya wu ta shim. Won wu tu nye ike̱ng iya i tu ku se gye̱r be yir kaye̱e̱r aYeso Kiristi. Won kuyiik tu sor kufu ma izen izen. Anong!

1 aBitrus 1:3

Nakerek nye nafe Adakunom ne a nye Ada Agwo̱m Ágwo̱m yir aYeso Kiristi, wu ne a ro̱ riye̱ yir dide̱ng a ta bun a ti dorok yir be riku aYeso Kiristi nure̱k kute riye̱ kufe katsak kamok kudorok aKiristi nure̱k.