aFilipi 2:1 - Izere New Testament

¹ Kum yin ta se̱ yin kutsesek ye yin n te yin azining be aKiristi, kum yin ta se̱ yin kameneng riye̱ kaye̱e̱r kushim wu, kum yin ta se̱ yin kugung rice be Kabik Adakunom, be kuro̱ riye̱ ne kushim yin,

aFilipi 2:1 Iomraidhean Croise

aLuka 2:25

To̱, aner akak tuse na aUshalima a tú ku yis ye aSiman, afe a tá se gye̱r nasho̱o̱n Adakunom, ne a nye Adakunom itomong. A se be kutor afe a tana be̱ a tsesek Isarela. Kabik Kazhe̱l'e se mak be wu.

aYohana 14:18

Mi tà ka won yin kyo̱ndi nakpiin'e baꞌ; Mi tà be̱ nufe yin.

aYohana 14:27

Mi ta won yin caang. Kusor caang'i ne ta ka no̱o̱k yin. Sang kyo̱ndi kazatse ta nyesek ne mi ta ka no̱o̱k yin baꞌ. Sang tu daam yin, sang tu fok yin inyim baꞌ.

aYohana 17:13

“Mi saase nufuan kyo̱o̱rna. Amma mi ta nye izong ike̱re̱ na kum ne mi ruresek kaye̱e̱r kazatse, nong ase̱ ba tà shining be kuri riye̱ rikan riya mi tá be kaye̱e̱r ba.

Itomong Ámanzo 2:46

Á ya kasho̱o̱n be kunyiis koakye katuk kaye̱e̱r Agbang Kutu Kuya Adakunom iben. Á ya naya mak ninasa ba kaye̱e̱r riye̱ rikan be riye̱ rizining.

Itomong Ámanzo 4:32

Áfikuus cice̱r be kuto̱ro̱ng kuzining ne kudi ba kuzining. Ko akak sok ye ike̱ng iya wu tá be nye ifu wu ze̱e̱r baꞌ. Koangan ba kasap koakye ike̱ng iya aner'e ta be be áfudang wu.

aRom 5:5

Kute riye̱'me tin sak yir ta no̱ yir nisum baꞌ, kamok Adakunom sak Kabik Kazhe̱l'e tin no̱o̱k yir kushim wu whe̱re̱ kaye̱e̱r aye̱ yir.

aRom 8:26

Anong ne Kabik ti se̱ mo yir kaye̱e̱r kuraar yir. Yir ren yir ka ane̱ ne i ta nye yir aduwa baꞌ, amma Kabik be rice wu ne a ti nye yir aduwa be kurus kuya akak tana kyem a fe̱ baꞌ.

1 aKoranti 12:13

Di, Kabik Kazhe̱l'e a ti nye yir abatisma kaye̱e̱r kuro̱m kuzining cice̱r yir, aner aYahuda ka aya sang a ta nye aner aYahuda baꞌ, ka asam ka aner a ta nye asam baꞌ, a min no̱o̱k yir Kabik kazining cice̱r yir nong ta so̱ yir.

1 aKoranti 15:31

Ároneng, mi ye̱re̱k riku koakye izen, katsak'e yong, mi ti nye kuka be yin kaye̱e̱r aYeso Kiristi Agwo̱m Ágwo̱m yir.

1 aKoranti 3:16

Aser, yin ren yin ye yin nye yin karo̱ Adakunom tu ku sor aꞌa? Yin ren yin ye Kabik Adakunom sor kaye̱e̱r yin aꞌa?

2 aKoranti 13:14

Ritek Agwo̱m Ágwo̱m yir aYeso Kiristi ne kushim Adakunom be kunyim rice Kabik Kazhe̱l'e se mak be yin cice̱r.

2 aKoranti 2:14

Amma mi be riye̱ rikan be Adakunom, wu aya a tin ko̱k yir kasho̱o̱n ye̱r ye̱r nong yir ta canang yir kazatse kamok aKiristi. A tin nye itomong be yir nong tà tseng yir be itak aKiristi koakye kyo̱ndi name na ta be iko̱o̱n itek ta nyus dide̱ng.

aGalati 4:6

Kamok yin ta nye yin inoon wu, yong Adakunom tom Kabik Igon wu kaye̱e̱r aye̱ yir, Kabik'e ta kuto̱ ye “Abba, Ada.”

aGalati 5:22

Amma kuse kuri kufe Kabik nye: kushim ne riye̱ rikan be kameneng riye̱ ne ku naka tsesek ne kuse kutek be kunye kutek ne kunye katsak,

Afisa 4:4

Yir se yir kyo̱ndi kuro̱m kuzining ne Kabik Kazhe̱l'e se kazining. Anong ne yin be yin ku ni te riye̱ kuzining kuya a tá ka yis mo yin.

aFilipi 1:8

Adakunom ren kuri kuto̱ mi ta to̱ natoon yin cei, be kuri kushim aYeso tin shim yir.

aFilipi 3:3

Kamok yir ne i nye yir áner a tú ku nye ba izhak ife katsak áya i ta ya yir Adakunom iben kaye̱e̱r Kabik wu. Ne i ni tsor yir kafok nuyiik aYeso Kiristi, áya afe sang i tin fereng yir ni itomong kuro̱m yir baꞌ.

aKolosi 2:2

Mi nye anong, nong ase̱ ba ta se̱ kutsesek kaye̱e̱r aye̱ ba, ne kushim kugung rice, kamok a nong á ta se̱ agbang kurum'ong, ku ta nye kuren ike̱ng cei, nong á ta ren kanye̱k Adakunom ka ta se nune̱re̱ng ka ta nye aKiristi.

aKolosi 3:12

Kamok anong, kyo̱ndi ánerawe áya Adakunom tá kasa, ázhe̱l'e ne áfe riye̱ wu, naka kis yin be kuro̱ riye̱ ne kuse kutek be ku mees rice ne kuse tatan ne ku naka tsesek.

Ibrani 6:18

Adakunom nye anong kaye̱e̱r ike̱ng ifa a tana shishing'e baꞌ, iya Adakunom tanin bo̱ abo̱o̱s baꞌ. Yir áfe i ta te yir gbashak i ta shan yir ike̱ng iya i tá min te yir riye̱ ta tsesek yir. In yiir yir ike̱ng iya i tá min te yir riye̱ be agap ma aye̱ yir n kpa nafa.

1 aBitrus 1:2

Yin áya Adakunom a ta nye Ada ne a tá ka kasa yin kaye̱e̱r kanye̱k wu gbugbang, a bun a tá ka sak yin nong yin ta te yin ázhe̱l'e kamok kukyem Kabik Kazhe̱l'e. Kunyek wu nye nong i tá fok yin aYeso Kiristi kuto ne kumis naso̱k wu. Ritek ne kameneng riye̱ Adakunom se mak be yin dide̱ng.

1 aYohana 3:24

Koangan afe a ta kuus ike̱ng iya itsi Adakunom tá fe̱ a se kaye̱e̱r Adakunom'me ne Adakunom se kaye̱e̱r wu. Yir ren yir ye Adakunom se mak be yir be Kabik Kazhe̱l'e a tin no̱o̱k yir.

1 aYohana 4:12

Akak kun di Adakunom be anyisi baꞌ amma ke i naka shim yir, i nye ye Adakunom se kaye̱e̱r aye̱ yir ne kushim wu shining kaye̱e̱r aye̱ yir makiyi.

1 aYohana 4:16

Kamok anong yir ren yir ne i ni fereng yir nushim Adakunom kufe katsak a ta be natoon yir. Adakunom nye kushim. Koangan afe a ta shim ánerawe se kaye̱e̱r Adakunom ne Adakunom se kaye̱e̱r wu gip.