aFilipi 1:6 - Izere New Testament

⁶ Mi no̱o̱k katsak ye Adakunom afe a tan san itomong itek naye̱ yin tà ya kasho̱o̱n anong ma nigang'e nizen aYeso tana bun a be̱.

aFilipi 1:6 Iomraidhean Croise

aYohana 6:29

Ne aYeso fe̱ be ba ye, “Ike̱ng ife Adakunom ta shim yin ta nye yin nye: Ni no̱o̱k yin katsak naya afe wu tá tom.”

Itomong Ámanzo 11:18

Ba tá fa fok anong ne á tigbik, á kyem á fe̱ ike̱ng ikak baꞌ. Á kerek Adakunom ne á fe̱ ye, “Aser, Adakunom n no̱o̱k áner aya sang a ta nye aner aYahuda baꞌ, iren gip nong a ta shishing kuse ba a ta se̱ kutser.”

Itomong Ámanzo 16:14

Abining akak kaye̱e̱r áya afe a tin foos yir nye aLidiya. A nye abafe aTiyatira'me, a re̱e̱s ares a ta be itso̱m, a be inyim Adakunom.

1 aKoranti 1:8

Wu tà ka berek yin ma nigang'e fan a ba ka se̱ yin be rine̱n katuk kube̱ Agwo̱m Ágwo̱m yir aYeso Kiristi.

2 aKoranti 1:15

Mi tsang i ren anong tse̱ng tse̱ng, iyong ne i sak mi shim ku be̱ nufe yin ni ime̱se̱ng'e, nong ta se̱ yin ritek kutak kufa.

2 aKoranti 2:3

Ike̱ng i tá sak mi tá ka zibir yin kufumung kukya se ye kamok sang mi ta shim ta be̱ se̱ áner i ta se gye̱r ke á ti kare̱p riye̱ tin beseng'e baꞌ. Kamok mi no̱o̱k katsak ye riye̱ rikan'i nye rife yin cice̱r gip.

2 aKoranti 7:16

Mi be riye̱ rikan be yin kamok riye̱ mi se gak be yin baꞌ.

2 aKoranti 9:4

Kamok ke mi be̱ be áner aMakidoniya ákak ne yir be̱ i ta ka se̱ yin dar kanye̱k, yir ta fok yir isum dide̱ng, yin gip isum ta ka ro̱ yin kamok mi n mak i ni te riye̱ ni yin.

aGalati 5:10

Mi ti no̱o̱k katsak na Adakunom be riye̱ rizining ye yin ta kirik yin nong ta kuus yin rife̱ rikak ze̱e̱r baꞌ. Aner a ta sak yin ta te yin titak ta fok be amok, ko a tu nye angan.

Afisa 4:12

A nye anong, nong a tá nye kanye̱k áner Adakunom tu ku nye itomong ne a no̱k kuro̱m aKiristi.

aFilipi 1:10

nong ase̱ yin ta kyem i kasa yin ike̱re̱ iya i ta nar'e cei, ne kuse kuzhe̱l, dar ritok ma nizen iya aKiristi tana be̱.

aFilipi 1:29

Kamok Adakunom sak ritek wu anong kamok yin tin no̱o̱k yin katsak na aKiristi tsek baꞌ, amma ta so̱ yin risam kamok wu gip,

aFilipi 2:12

Kamok anong, ároneng áya mi ta shim, kyo̱ndi yin tan me̱ ne i ni fok yin ato, ko mi tu se mak be yin baꞌ, to̱, kyo̱o̱rna mi se mak be yin baꞌ. Ya yin kasho̱o̱n be kunye itomong kutonong kashesh yin be kufok inyim Adakunom ne ku sor kutek.

aFilipi 2:13

Kamok Adakunom be rice wu ne a nye itomong kaye̱e̱r aye̱ yin, kuus yin ike̱ng iya i ta nye kuto̱ro̱ng wu kutek, ne i ni nye yin itomong.

aFilipi 2:16

Taas yin rife̱ kutser kaye̱e̱r katsak nong ba tà ren Adakunom, nong ase̱, mi tin tsor kafok be yin katuk kube̱ aKiristi, fan itomong'i bun te kpe̱de̱ng.

aKolosi 2:12

Kamok nizen iya a tá ka nye yin abatisma ne a tá ne̱r yin mak be aKiristi ne a bun a ka dorok yin mak be wu kamok kuno̱o̱k katsak yin kaye̱e̱r kukyem Adakunom aya a tú ku dorok nure̱k be kutser.

1 aTasalonika 1:3

Yir yiir i yiring yir be itomong yin iya i ta tonong kuno̱o̱k katsak yin nasho̱o̱n Adakunom yir ne Ada yir, be kuri kucan yin ta can yin kamok kushim ne kute riye̱ yin ta min te yin natoon Agwo̱m Ágwo̱m yir aYeso Kiristi dide̱ng.

2 aTasalonika 1:11

Kamok anong, ne yir yiir ka nye yin aduwa ye̱r ye̱r ye Adakunom ra sak yin ta sor yin kuri kusor kuya a tá ka yis mo yin. Adakunom ra sak ta nye yin ike̱re̱ itek cice̱r iya yin ta shim yin tà nye yin ne itomong kuno̱o̱k katsak yin nong tà nye yin be agap kukyem wu.

2 aTasalonika 3:4

Yir ti no̱o̱k yir katsak dim na Agwo̱m Ágwo̱m ye yin sen kuus yin ike̱re̱ yir tá ka taas yin, ye yin ta ya yin kasho̱o̱n be kunye'me.

aFilimon 1:21

Mi ti no̱o̱k katsak ye wan tà kuus ike̱ng iya mi ta fe̱. Mi ta ka zibir kufumung na ne mi ren tse̱ng tse̱ng ye, wan ta nye ike̱ng ife i ta nar iya mi ta fe̱ be wan ye wan ra nye.

Ibrani 10:35

Kamok anong, ikap yin tu te gbe̱re̱k baꞌ kamok ishorong yin nye igbang'e.

Ibrani 12:2

Won tin sak yir anyisi na aYeso wu ne a ta nye ritin kuno̱o̱k katsak yir ne a nye aner aya a tana sak kuno̱o̱k katsak yir tanan mumak. A tsesek kaye̱e̱r risam riku wu kamok ike̱ng riye̱ rikan i ta se nasho̱o̱n. A fok isum riku wu natoon kukon baꞌ. Kyo̱o̱rna a se nusonong nubo̱k riya itsik rigwo̱m Adakunom.

1 aBitrus 5:10

Nama yin so̱ yin risam nizen cie̱k, Adakunom aya a ta be ritek cice̱r aya a tá ka yis yin nong ta se̱ yin kuyiik wu kufe izen izen kaye̱e̱r aKiristi be rice wu tà ka sak yin ta se yin gye̱r ne a ka tsesek yin ne a ka sak yin ta nyeseng yin be agap dide̱ng.

2 aBitrus 3:10

Katuk kube̱ Agwo̱m Ágwo̱m bu se kyo̱ndi kube̱ akpatang. Katuk kayong a tà fok riwo̱ng be agap ne kaza wei, cice̱r ike̱re̱ a tin nye kaza be kaben a tà shosh. Koakye i ta se nune̱re̱ng kaye̱e̱r'e a ta tun kanang nasho̱o̱n Adakunom.