aFilipi 1:27 - Izere New Testament

²⁷ Koakye ne i nye, sor yin kusor ku ta taas kufe áner a tanin no̱o̱k katsak Rife̱ Ritek aKiristi. Mi ta be̱ ta ka di yin, ka ta fok itak yin tsek, nong mi ta ren ye yin n gung yin rice be kuto̱ro̱ng kuzining.

aFilipi 1:27 Iomraidhean Croise

aMatiyu 12:25

aYeso tá ren kuto̱ro̱ng ba iyong a fe̱ be ba ye, “Ke rigwo̱m naka kabak, rigwo̱m'e tà kpa. Anong ne i se ke áner kuwo̱p kuzining ka áfekasa kazining naka kabak, á ta kyem á nyeseng baꞌ.

Itomong Ámanzo 2:46

Á ya kasho̱o̱n be kunyiis koakye katuk kaye̱e̱r Agbang Kutu Kuya Adakunom iben. Á ya naya mak ninasa ba kaye̱e̱r riye̱ rikan be riye̱ rizining.

Itomong Ámanzo 24:24

A ta fa te inom gaan ne aFelis be̱ mak be abining wu aDursila a ta nye abafe aYahuda. A tom ye a ru ku yis aBulus. A wesek kuto a ta foos ike̱ng iya aBulus ta fe̱ natoon itak ku nino̱o̱k katsak na aYeso Kiristi.

Itomong Ámanzo 4:32

Áfikuus cice̱r be kuto̱ro̱ng kuzining ne kudi ba kuzining. Ko akak sok ye ike̱ng iya wu tá be nye ifu wu ze̱e̱r baꞌ. Koangan ba kasap koakye ike̱ng iya aner'e ta be be áfudang wu.

aRom 1:16

Mi fok isum kutaas Rife̱ Ritek aYeso baꞌ, kamok ri nye kukyem Adakunom nong a tin shesh koangan afe a tin no̱o̱k katsak, ni ime̱se̱ng'e nye rife áner aYahuda ne áner aya a ta nye áner aYahuda baꞌ, ni kuus.

aRom 1:5

Kamok wu ne riyerek wu ne yir ti se̱ yir ritek ne ku yis nong tá te ámanzo nong ta yis yir áya sang á ta nye aner aYahuda baꞌ cice̱r, nong á tin no̱o̱k katsak ne a kuus rife̱'me.

aRom 1:9

Adakunom aya mi tu ku nye itomong be riye̱ rizining kaye̱e̱r kutaas Rife̱ Ritek Igon wu aYeso, ren kuri aduwa mi ta yiir nye ne i yiring be yin.

aRom 10:8

Amma aner aya a ta se̱ kute gye̱r nasho̱o̱n Adakunom kamok kuno̱o̱k katsak fe̱ kyo̱ndi aMusa tá fe̱ ye, “Rife̱ Adakunom se bubarak be wan, ri se nanu wan, ri bun ri se kaye̱e̱r riye̱ wan.” Rife̱ na se ye, rife̱ kuno̱o̱k katsak ne yir sen taas yir'e.

aRom 15:16

nong ta te aner itomong aYeso Kiristi nufe áya sang á ta nye áner aYahuda baꞌ. Mi nye itomong ritsi i ta taas Rife̱ Ritek Adakunom, nong aya sang a ta nye áner aYahuda baꞌ, ta sor asidaka Adakunom tana shan, áya Kabik Kazhe̱l'e tu ku sak ba á ta te zhe̱l.

aRom 15:29

Mi ren nizen iya mi tana be̱ nufe yin, mi tà be̱ be agbang ritek Kiristi.

1 aKoranti 1:10

Ároneng, mi ta nye yin akusuk kaye̱e̱r riyerek Agwo̱m Ágwo̱m yir aYeso Kiristi ye, kanu yin tuse kazining. Sang tu naka kasap yin baꞌ, gung yin rice nong kuto̱ro̱ng tu sor kuzining.

1 aKoranti 15:58

Kamok anong ároneng'i mi ta shim, nyeseng yin be agap, tu te yin tuk tuk baꞌ. No̱o̱k yin rice yin nong ta nye yin itomong Agwo̱m Ágwo̱m yir aYeso dide̱ng koakye izen, kamok yin ren yin ye itomong yin ta nye yin kamok Agwo̱m Ágwo̱m yir aYeso se bap baꞌ.

2 aKoranti 13:11

Ni igang'e, ároneng, ma yin katuk kakak. Naka tsesek yin nong ta shining, fok yin izong'i, sor yin be riye̱ rizining, sor yin caang. Be anong ne kushim Adakunom ne kameneng riye̱ ta se mak be yin.

2 aKoranti 4:4

Ba kyem a di katsak'e baꞌ, kamok aner aya a tin nye rigwo̱m nazatse na, n whe̱e̱n aye̱ ba. A sak ba kyem á di akanang aya a ta sam'ong baꞌ, a kanang na a ta wuruk kamok Rife̱ Ritek natoon kuyiik aKiristi, wu aya a ta taas Adakunom.

2 aKoranti 9:13

Kamok itomong na ife yin ta min tonong yin rice yin, ánerawe ta kerek Adakunom kamok yin kuus yin Rife̱ Ritek aKiristi, ne i kasap yin ike̱re̱ yin mak be ba ne ribir áfikuus.

aGalati 1:7

Rife̱ Ritek rika kuse ze̱e̱r be riyu baꞌ. Mi fe̱ anong kamok ákak kuse a tan sok kuto̱ro̱ng yin ne a tse̱r iren a tana shishing katsak Rife̱ Ritek aKiristi.

Afisa 1:13

Kamok aKiristi, ne yin gip yin te yin áfe Adakunom nizen iya yin tá fok yin rife̱ katsak ne Rife̱ Ritek rife kutser. Izen iya yin ti no̱o̱k yin katsak natoon aKiristi, Adakunom tá no̱o̱k yin Kabik Kazhe̱l'e kyo̱ndi a tá tsang a no̱o̱k kuto̱ ye wu tà nye anong, nong a tà tonong ye yin nye yin afu.

Afisa 1:15

Kamok anong, kum mi tá fok itak kuno̱o̱k katsak yin natoon Agwo̱m Ágwo̱m yir aYeso be kuri kushim yin tá shim yin ázhe̱l'e cice̱r.

Afisa 4:1

Kamok anong, mi aya mi ta se nitso̱m kamok mi ta kuus Agwo̱m Ágwo̱m, mi ta nye yin akusuk ye yin ra sor yin kusor kutek kuya ku ta se kyo̱ndi agbang kuyis kuya a tá ka yis mo yin.

aFilipi 1:5

Kamok yin gung yin rice be mi ni itomong kutaas Rife̱ Ritek aKiristi kum ni ime̱se̱ng'e ma kyo̱o̱rna.

aFilipi 2:12

Kamok anong, ároneng áya mi ta shim, kyo̱ndi yin tan me̱ ne i ni fok yin ato, ko mi tu se mak be yin baꞌ, to̱, kyo̱o̱rna mi se mak be yin baꞌ. Ya yin kasho̱o̱n be kunye itomong kutonong kashesh yin be kufok inyim Adakunom ne ku sor kutek.

aFilipi 2:24

Mi no̱o̱k katsak ye, sang i ta sok izen baꞌ, Agwo̱m Ágwo̱m tin karak iren nong tà be̱ be rice mi.

aFilipi 3:18

Kyo̱ndi mi tá yiir ka taas yin, kyo̱o̱rna mi bun i fe̱ ma be nanyisi ye, ákak yin n te kyo̱ndi ámudo̱n riku aKiristi natoon kukon.

aFilipi 3:20

Amma yir, yir nye yir áfe kaza, azong ne yir min sak yir anyisi ye, aner kashesh tà ne, a ta nye aYeso Kiristi Agwo̱m Ágwo̱m yir.

aFilipi 4:1

Kamok anong, ároneng afe riye̱ mi, aya mi ta min te riye̱ ke mi ka di yin ne mi ni be riye̱ rikan ne mi niya kuka, ye i ra nyeseng yin kpa ni ikuus Agwo̱m Ágwo̱m yir aYeso. Yin áya mi ta shim.

aKolosi 1:10

Yir nye yir aduwa nong ase̱ yin ta sor yin kusor kuri kuya ku ta tas kufe áfikuus Agwo̱m Ágwo̱m ne i nye yin ike̱re̱ iya i tana ku kare̱p riye̱ na koakye kuri iren. Kuri kusor yin ta sor yin ta tonong ye kuse kutek ne yin ni barang yin kurasak kaye̱e̱r kuren Adakunom.

aKolosi 1:4

Kamok yir n fok yir kuri kuno̱o̱k katsak yin ta be yin kaye̱e̱r aYeso Kiristi ne kuri kushim kuya yin ta shim yin ázhe̱l'e cice̱r.

1 aTasalonika 3:6

Amma kyo̱o̱rna'me aTimoti tá ne nufe yin, a ti be̱ yir be itak itek natoon kuno̱o̱k katsak yin be kuri kushim yin ta be yin, ye yin ru yiring yin be yir kaye̱e̱r aye̱ yin ye̱r ye̱r ne aye̱ yir ro̱ kyo̱ndi áfe yin ta ro̱ ye, ke yir ka di yin gip.

1 aTasalonika 4:1

Ni igang'e ároneng, yir ta nye yin izong ne i bun i ka no̱o̱k yin itabak kaye̱e̱r riyerek Agwo̱m Ágwo̱m yir ye, sor yin kuri kusor kuya Adakunom tana fok kusas'e kyo̱ndi yir tá ka bo̱so̱p yin'e. Yin sor yin kusor kutek gye̱rtatan, amma nibarang yin kunye anong.

1 aTimoti 1:11

Kubo̱so̱p na se natoon ayiik Rife̱ Ritek Adakunom aya ánerawe tu ku kerek, a tin won'e nubo̱k nong ta no̱o̱k ákak.

1 aTimoti 1:19

yiir kuno̱o̱k katsak wan ne i sor be riye̱ rizining. Ákak shim ike̱re̱ iyong baꞌ, iyong kuno̱o̱k katsak ba beseng.

2 aTimoti 4:7

Mi n nye ike̱ng ife mi tana kyem i nye, mi n kon kuren kutek, mi n gang itsi'me, mi yiir kuno̱o̱k katsak mi ta be.

aTitus 2:10

ka á ta ka nye ba itsang baꞌ. Amma á ra ban á tonong ye ba se gye̱r ne á be katsak kaye̱e̱r koakye, nong ase̱ kaye̱e̱r koakye iren ba tà tonong ye kubo̱so̱p rife̱ Adakunom Aner Kashesh yir se yiik.

aFilimon 1:5

Mi fos kuri kuno̱o̱k katsak wan ta be natoon Agwo̱m Ágwo̱m yir aYeso ne kuri kushim wan tá shim ázhe̱l'e cei.

aYakub 3:18

Áfe a ta be̱ be kusor acaang, aya a ta tuus kaye̱e̱r acaang ne a ta nye ishamang ijel'e.

2 aBitrus 3:11

Kum a tana beseng koakye ike̱ng anong, to̱, akye̱ kuri kusor ne yin sor yin e̱? I se gye̱r ke yin sor yin zhe̱l ne i kuus yin Adakunom.

2 aBitrus 3:14

Kamok anong, ároneng áfe riye̱ mi, kum yin ta sen tor yin Kunom'ong, to̱ nye yin koakye ike̱ng iya yin tana kyem i nye yin nong ta sor yin nasho̱o̱n Adakunom dar rizik ka rine̱n ayi. Sor yin nasho̱o̱n wu caang.

aZhud 1:3

Ároneng, yin áya mi ta shim, mi tsang i shim ku ka zibir yin kufumung na natoon kashesh yir ta be yir na cice̱r gye̱rtatan, amma mi di i se gye̱r ta ka zibir yin'e nong ta ka nye yin akusuk ye i ra naka tsesek yin natoon kuno̱o̱k katsak yir kuya Adakunom tá won ázhe̱l'e amana'me nubo̱k.