aFilipi 1:26 - Izere New Testament

²⁶ nong ase̱ kusor'i be yin gbak ta sak riye̱ rikan yin kaye̱e̱r aKiristi ta shining dide̱ng kamok'i.

aFilipi 1:26 Iomraidhean Croise

aYohana 16:22

Anong ne i se be yin gip, kyo̱o̱rna ne i nye izen riye̱ riwe yin. Amma mi tà bun i ka di yin ne i nye yin riye̱ rikan, akak ta kyem a ka roon yin riye̱ rikan yin baꞌ.

aYohana 16:24

Ko kyo̱o̱rna yin min rip yin ike̱ng ikak kaye̱e̱r riyerek'i baꞌ. Rip yin, yin ta se̱ yin nong riye̱ rikan yin tà shining.

2 aKoranti 1:14

yin ta se̱ yin rikpa koakye nong katuk kaya Agwo̱m Ágwo̱m yir aYeso tana be̱, yir tin tsor yir kafok be wu kyo̱ndi yir tanin ya yir kuka be yin.

2 aKoranti 5:12

Sang i se ye yir bun i sen tse̱r ta tiyiik yir rice yir nasho̱o̱n yin baꞌ, amma yir shim yin tin ya yin kuka natoon yir, nong yin ta ren yin ike̱ng yin tana tak yin áya a ta tsor kafok ni ike̱re̱ ife ba ta ye̱re̱k ne i nar ife kuse ba.

2 aKoranti 7:14

Mi mu ku tak ye mi ti ya kuka be yin, yin ti te yin isum baꞌ. Amma kyo̱ndi koakye yir tá fe̱ yir be yin ta nye katsak, anong ne kuka yir natoon yin te katsak nanyisi aTitus gip.

2 aKoranti 7:4

Riye̱ mi se agak be yin baꞌ, ko cie̱k baꞌ, mi ti ya kuka be yin dide̱ng. Mi se̱ agap riye̱ dide̱ng, be risam yir ta so̱ yir, riye̱ rikan'i be igak baꞌ.

2 aKoranti 7:6

Amma Adakunom afe a ta tsesek áya afe a ta min tun riye̱ ti tsesek yir be kube̱ aTitus.

aGalati 6:4

Koangan ra ye̱re̱k itomong wu a ta di, nizham a ta rin tsor kafok natoon'e, sang a tin maas rice wu be ife akak baꞌ.

aFilipi 3:1

Ni igang'e ároneng, nye yin riye̱ rikan be Agwo̱m Ágwo̱m yir. I ti daam i ta bun ta ka zibir yin'e natoon ike̱re̱ mi tá tsang ka zibir yin'e gbak baꞌ, amma nong yin tà nyeseng yin be agap.

aFilipi 3:3

Kamok yir ne i nye yir áner a tú ku nye ba izhak ife katsak áya i ta ya yir Adakunom iben kaye̱e̱r Kabik wu. Ne i ni tsor yir kafok nuyiik aYeso Kiristi, áya afe sang i tin fereng yir ni itomong kuro̱m yir baꞌ.

aFilipi 4:10

Mi be riye̱ rikan dide̱ng kaye̱e̱r Adakunom dide̱ng kamok yin ta bun i tonong yin kudaam yin natoon'i. Katsak'e mi ren yin daam yin be mi, amma yin ra se̱ yin izen nong tá nye yin baꞌ.

aFilipi 4:4

Nye yin riye̱ rikan kaye̱e̱r Agwo̱m Ágwo̱m koakye izen. Mi bun i fe̱ be yin gbak, ye i ra nye yin riye̱ rikan.