aFilipi 1:25 - Izere New Testament

²⁵ Kum mi ta ren i se anong, mi ren mi tà sor mak be yin nong yin ta ya yin kasho̱o̱n be riye̱ rikan kaye̱e̱r kuno̱o̱k katsak yin,

aFilipi 1:25 Iomraidhean Croise

aLuka 22:32

Amma mi ma ka nye aduwa, fan wan bu won kuno̱o̱k katsak wan. Nizen iya wan tu bun nunaan ne i tsesek áfudang wan.”

Itomong Ámanzo 11:23

Nizen iya a tá se no̱, a di ritek Adakunom ta se mak be ba ne riye̱ wu kare̱p. Ayong a fe̱ be ba ye á ra yiir iren Agwo̱m Ágwo̱m be katsak be riye̱ rizining.

Itomong Ámanzo 14:22

ne á tsang á tsesek áfikuus ne a ku nyesek ba itabak ye á ra yiir rife̱ riya ba ta min no̱o̱k katsak be agap. Ne á fe̱ ye “Ma be risam dide̱ng nizham yir tà ra no̱ yir kaye̱e̱r rigwo̱m Adakunom.”

Itomong Ámanzo 20:25

“Kyo̱o̱rna mi ren ye sang akak kaye̱e̱r yin áya mi tan tsang i gorok ne i ka taas yin itak rigwo̱m Adakunom tà ba ni di baba baꞌ.

aRom 15:13

Won Adakunom aya a ta nyesek ánerawe kute riye̱ ta ka shining yin be riye̱ rikan ne kusor caang kamok yin tin no̱o̱k yin katsak ni wu. Be anong ne yin shining yin dide̱ng be ku ni te riye̱ kamok kukyem Kabik Kazhe̱l'e.

aRom 15:18

Mi ta kyem i nye riye̱ ritser nong tin fe̱ ike̱ng ikak natoon'e baꞌ, ma ke ike̱ng iya aKiristi tin sak mi tan nye. Ike̱ng mi ta nye'me nye mi ta be̱e̱n áya sang á ta nye áner aYahuda baꞌ, ta kuus Adakunom kamok rife̱ mi be kunye mi,

aRom 15:29

Mi ren nizen iya mi tana be̱ nufe yin, mi tà be̱ be agbang ritek Kiristi.

aRom 5:2

Natoon wu ne yir ti se̱ yir iren kuno̱ kaye̱e̱r ritek na yir tin sor yir kaye̱e̱r'e kamok kuno̱o̱k katsak yir. Aye̱ yir kare̱p i ta min te yir riye̱ natoon kuyiik Adakunom.

2 aKoranti 1:24

Sang i se ye yir shim ta ka tonong yin rigwo̱m natoon ike̱ng yin ta min no̱o̱k yin katsak baꞌ, wayo, amma i nye yir itomong mak, nong ta nye yin riye̱ rikan, kamok natoon kuno̱o̱k katsak ne yin tin nyeseng yin.

aFilipi 1:24

Amma kamok nong ta ka tobok yin, i nar mi ta sor nuro̱m.

aFilipi 2:24

Mi no̱o̱k katsak ye, sang i ta sok izen baꞌ, Agwo̱m Ágwo̱m tin karak iren nong tà be̱ be rice mi.

aFilimon 1:22

Ike̱ng ikak izining mi ta shim ke wan ren gbak nye, nye kutu átsen kamok mi, kamok mi n te riye̱ kube̱ nufe yin ke Adakunom fok aduwa yin a tin won.

1 aBitrus 1:8

Yin kun ku di yin baꞌ, gye̱rtatan amma yin tu shim yin. Yin tu ye̱re̱k yin kyo̱o̱rna baꞌ, gye̱rtatan amma yin ti no̱o̱k yin katsak ni wu ne i be yin agbang riye̱ rikan kuri riya sang a tana kyem a fe̱ baꞌ.