aFilipi 1:15 - Izere New Testament

¹⁵ I nye katsak, ákak taas rife̱ natoon aKiristi be rishishim ne a tse̱r kuren, amma ákak taas kaye̱e̱r katsak.

aFilipi 1:15 Iomraidhean Croise

aMatiyu 23:5

“Ike̱re̱ ba ta nye se nong ánerawe ta di tsek; Á tos alau be rife̱ Adakunom nong á tá rosom na nati ba, ne akpiin ba ras aso̱p ma kaben.

Itomong Ámanzo 10:36

Rife̱ Adakunom tá tom áner Isarela'me nye itak kutaas Rife̱ Ritek rife̱ ne kusor kutek kaye̱e̱r aYeso Kiristi Agwo̱m Ágwo̱m yir cice̱r.

Itomong Ámanzo 11:20

Amma áfikuus'e akak a tá nye áner aSipurus be áfe aSirin gip a tseng na Antakiya. A san kutaas áner aya sang a tá nye áner aYahuda baꞌ, Rife̱ Ritek natoon Agwo̱m Ágwo̱m yir aYeso.

Itomong Ámanzo 5:42

Koakye katuk ámanzo yiir tsang á no̱o̱s ninasa ánerawe ne kaye̱e̱r kubang agbang kutu kuya Adakunom iben ne á taas Rife̱ Ritek ye aYeso ne a nye aKiristi'me.

Itomong Ámanzo 8:35

Ayong aFilibus san ku kutaas rife̱ riya ri ta se kaye̱e̱r kufumung rife̱ Adakunom ne ku tak Rife̱ Ritek natoon aYeso.

Itomong Ámanzo 8:5

aFilibus tseng kaye̱e̱r kuwo̱p aSamariya a tá nye awazi itak natoon aKiristi azong.

Itomong Ámanzo 9:20

Ashawulu wor a kpaan kunye awazi aYeso kaye̱e̱r atu aduwa áner aYahuda ye aYeso nye Igon Adakunom.

aRom 2:8

Amma áya a ta shim rice ne á gaar katsak ne á nye amaan kunye, a tù ku karang ba be riye̱ kubeseng ne riye̱ riwe.

1 aKoranti 1:23

Yir taas yir itak riku aYeso be kutigak wu, iyong sor ike̱ng áner aYahuda ta wor a shim kufok'e baꞌ, ne i sor rifunam nufe aner aya a ta nye aner aYahuda baꞌ.

1 aKoranti 13:3

Ko mi fa no̱o̱k áfe rizor koakye mi ta be ka mi fa no̱o̱k kuro̱m'i nong a ta shosh, amma ke mi ra be kushim baꞌ, iyong tin barang mo ike̱ng ikak baꞌ.

2 aKoranti 1:19

Kamok Igon Adakunom, aYeso Kiristi, aya yir be aSila ne aTimoti, tá fe̱ yir itak natoon wu ye, “Ei” ka “Wayo” baꞌ, amma koakye izen a nye “Ei.”

2 aKoranti 11:13

Kamok áner kuri ayong nye ámanzo abo̱o̱s, áfe itomong abo̱o̱s. Á ta sok rice ba kyo̱ndi ámanzo aKiristi.

2 aKoranti 12:20

Kamok mi fok inyim ye kashim ke mi be̱, mi ta be̱ tá ka se̱ yin kyo̱ndi mi ta shim baꞌ, ne yin ni sok yin kyo̱ndi yin ta shim yin baꞌ. Mi fok inyim ye mi ta be̱ ta ka se̱ yin riwo̱ng be rifuup ne riye̱ kubeseng be ku won dar kugung rice, be ritok, ne imok, be rice ribun ne akpe̱de̱ng kusor.

2 aKoranti 4:5

Kamok yir nye yir awazi rife̱ rice yir baꞌ, amma rife̱ aYeso Kiristi a ta nye Agwo̱m Ágwo̱m, aya yir ta nye yir ásam yin kamok wu.

aGalati 2:4

Itak na dorok kamok áfikuus abo̱o̱s ákak ti no̱ ni yir nong ase̱ á tin farang yir nong á ta di kanye̱k kusor yir ne kusor kutek yir ta se̱ yir kaye̱e̱r aYeso Kiristi, nong a ti sak yir ta te yir ásam.

aFilipi 2:3

Sang tu nye yin ike̱ng ikak be kushim rice baꞌ, ka be kuka baꞌ, amma be yin kumees rice ne i sok yin áfudang yin kyo̱ndi á ta nar yin.

1 aTimoti 3:16

Akak ta kyem a fe̱ kuri kuyiik ku ta se nune̱re̱ng kaye̱e̱r iren ikuus yir na baꞌ. A tonong rice wu kaye̱e̱r kuro̱m, Kabik ti tonong yir ye a nye afe katsak. Ámaleka tú ku di, á fe̱ itak wu nasho̱o̱n ánerawe ze̱r ze̱r, á ti no̱o̱k katsak ni wu kaye̱e̱r kazatse cice̱r, a tu ku sok a ta tseng'e kaye̱e̱r kaza be kuyiik.