aFilipi 1:10 - Izere New Testament

¹⁰ nong ase̱ yin ta kyem i kasa yin ike̱re̱ iya i ta nar'e cei, ne kuse kuzhe̱l, dar ritok ma nizen iya aKiristi tana be̱.

aFilipi 1:10 Iomraidhean Croise

aMatiyu 16:23

Amma aYeso kirik a tá fe̱ be wu ye, “Kam be mi, Ishetan, wan sor ike̱ng mi tanin turuk kutak. Wan to̱ natoon ike̱re̱ iya Adakunom ta shim baꞌ, ma ife rinerawe.”

aMatiyu 26:33

Ayong aBitrus fe̱ be wu ye, “Ko ba teng cice̱r, mi tà teng baꞌ.”

aYohana 1:47

aYeso tá fa di aFilibus tá saase nufu ayong a fe̱ be wu ye, “Di, yin aner Isarela afe katsak, aya a ta be naborok baꞌ.”

aYohana 3:20

Koangan afe a ta nye imaan'e, a rawu akanang'e. A ta shim kube̱ na akanang'e baꞌ, fan kunye wu bu wuruk de̱s.

Itomong Ámanzo 24:16

Iyong ne i sak, koakye izen mi shim ta sor be agak riye̱ nasho̱o̱n Adakunom ka ánerawe baꞌ.

aRom 12:2

Sang tu ba kuus yin kuse kuri kufe kazatse na baꞌ, amma won yin Adakunom ta ka shishing yin kuto̱ro̱ng yin. Be anong ne yin ta shan yin ike̱ng iya Adakunom ta shim, ike̱ng iya i ta nye itek, iya wu tana fok kusas'e ne ike̱ng wu ta shim dim.

aRom 12:9

Kushim ra se kaye̱e̱r katsak. Rayin ike̱ng iya i ta nye imaan'e, amma yiir yin ike̱ng iya i ta nye itek.

aRom 16:17

Kusuk yin ároneng, sak yin riye̱ be áfe a ta shim á ta shik kugung rice yin ne á ka sak yin ta kpas yin nike̱ng iya á tá ma ka bo̱so̱p yin'e. Kam yin be ba.

aRom 2:18

ne i fe̱ ye wan ren ike̱ng iya Adakunom ta shim ne i ren ike̱ng iya i ta nar kuse gye̱r kamok a tá ka bo̱so̱p'e ye Itsi fe̱ anong.

aRom 7:16

Ke i nye ye ike̱ng mi ta shim ta nye baꞌ, iyong ne mi ban i nye ingya. To̱, aser Itsi nye ike̱ng itek.

aRom 7:22

Kamok kaye̱e̱r riye̱ mi, mi fok kusas Itsi Adakunom.

aRom 8:7

Kamok koangan afe rine̱n tin nye rigwo̱m natoon wu te amudo̱n Adakunom'ong, kamok a kuus Itsi Adakunom ta fe̱ baꞌ, a ta kyem a nye baꞌ.

1 aKoranti 1:8

Wu tà ka berek yin ma nigang'e fan a ba ka se̱ yin be rine̱n katuk kube̱ Agwo̱m Ágwo̱m yir aYeso Kiristi.

1 aKoranti 10:32

Sang tu sak yin akak ta turuk kutak baꞌ, aner'e tu nye aner aYahuda ka aner aYahuda baꞌ, ka afikuus Adakunom ayi.

1 aKoranti 8:13

Kamok anong, ke ike̱ng iya mi tana ya ta sak aroneng ta nye rine̱n, mi ta ba ya ike̱ng'e baꞌ, fan mi bu ku sak a ta kpa.

2 aKoranti 1:12

Ike̱ng yir tin ya yir kuka nye, kamok yir sor yir kusor kuzhe̱l nazatse ne i sor yir be riye̱ rizining nizen iya yir tá se yir mak be yin. Yir sor yir zhe̱l be katsak kuri kufe Adakunom sang be ritseng kuri rife kazatse na baꞌ, amma kamok ritek Adakunom.

2 aKoranti 2:17

Yir se yir kyo̱ndi whe̱re̱ áya a tan sok rife̱ Adakunom nong á tin tse̱r naya ba baꞌ. Yir fe̱ yir kanu kaye̱e̱r aKiristi nasho̱o̱n Adakunom be riye̱ rizining kyo̱ndi áner Adakunom ta ka tom ba.

2 aKoranti 6:3

Yir shim yir akak tin turuk kutak natoon yir baꞌ, fan itomong yir bu se̱ narik.

2 aKoranti 8:8

Sang i se ye mi shim ta ka tonong yin agap baꞌ, amma mi shim ta maas kuri kushim kufe katsak afe yin ta be yin be kufe ákak.

aGalati 5:11

Ároneng, ke mi ru nye awazi natoon kunye izhak, to̱, akye̱ sak a ta ru ni tabak e̱? Ke i nye ye anong, i nye ye Rife̱ Ritek mi ta fe̱ natoon riku aKiristi nakon ta sak akak tin tu atak baꞌ.

Afisa 4:15

I ban i fe̱ yir katsak kaye̱e̱r kushim ne i rasak yir cei kaye̱e̱r koakye kuri ike̱ng kaye̱e̱r wu, aKiristi aya a ta se kyo̱ndi rice nuro̱m anerawe.

Afisa 5:10

Ne i tse̱r yin ike̱ng iya i tana kare̱p Adakunom riye̱.

Afisa 5:27

A nye anong, nong a ta be̱e̱n áfikuus'e nasho̱o̱n wu yiik, dar rizik ka ike̱ng ikak i ta risik, amma zhe̱l dar ike̱ng ikak imaan'e.

Afisa 6:24

Ritek se mak be áya a ta shim Agwo̱m Ágwo̱m yir aYeso Kiristi cice̱r ne kushim kuya sang ku tana gang baꞌ.

aFilipi 1:16

Áyong nye anong kaye̱e̱r kushim, ne á ren ye a ti kasa nong ta tonong katsak natoon Rife̱ Ritek'e.

aFilipi 1:6

Mi no̱o̱k katsak ye Adakunom afe a tan san itomong itek naye̱ yin tà ya kasho̱o̱n anong ma nigang'e nizen aYeso tana bun a be̱.

aFilipi 2:16

Taas yin rife̱ kutser kaye̱e̱r katsak nong ba tà ren Adakunom, nong ase̱, mi tin tsor kafok be yin katuk kube̱ aKiristi, fan itomong'i bun te kpe̱de̱ng.

1 aTasalonika 3:13

Won wu tu sak yin tu nyeseng yin be agap kaye̱e̱r aye̱ yin ne i sor yin zhe̱l, fan ákak bu fe̱ ike̱ng ikak imaan'e natoon yin nasho̱o̱n Ada yir Adakunom nizen Agwo̱m Ágwo̱m yir tana bun a be̱ mak be ázhe̱l'e áfu cice̱r.

1 aTasalonika 5:21

Maas yin koakye kuri ike̱ng ne i yiir yin iya i ta nye itek.

1 aTasalonika 5:23

Won Adakunom be rice wu aya a ta nyesek kameneng riye̱ tu sak yin tu sor yin zhe̱l kaye̱e̱r koakye kuri iren. Won kabik yin cice̱r be aye̱ yin ne iro̱m yin tu sor gugo̱k be rine̱n ma katuk kube̱ Agwo̱m Ágwo̱m yir aYeso Kiristi.

1 aYohana 4:1

Aro̱, yin aya mi ta shim, tin no̱o̱k yin katsak natoon koakye kuri kabik baꞌ, bo̱mo̱ng yin kuri nabik'e nizham nong ta di yin ka na ne nufe Adakunom'me. Kamok áner kuzarap áfe abo̱o̱s kuse whe̱re̱ nazatse kyo̱o̱rna.

Ike̱ng a ta tonong aYohana 2:2

Mi ren kuse wan cei. Mi ren iso̱r wan ne itomong wan ne i ren kutsesek wan. Mi ren wan won akardak aner tá bo̱so̱p ánerawe'me baꞌ. Wan bo̱mo̱ng áya a tá sok ace ba ye ba nye ámanzo aYeso, amma sang á ra nye baꞌ, á nye ámanzo abo̱o̱s.